Lala Bheemla: దీపావళి ముందుగానే తీసుకొచ్చిన పవన్‌ కళ్యాణ్‌..

 `భీమ్లా నాయక్‌` చిత్రంలోని మూడో పాట `లాలా భీమ్లా`ని బుధవారం సాయంత్రం విడుదల చేశారు. ఆద్యంతం యాక్షన్‌ ఎలిమెంట్లతో సాగే ఈ సాంగ్‌ప్రోమో తెగ ఆకట్టుకుంటుంది. సోషల్‌ మీడియాలో ట్రెండ్‌ అవుతుంది.   

దీపావళి ముందుగానే వచ్చిందంటున్నారు పవన్‌ కళ్యాణ్‌(Pawan Kalyan). ఆయ పెట్టిన బాంబులలకు సుమో లేచిపోయింది. ఇదంతా `భీమ్లా నాయక్‌`(Bheemla Nayak) చిత్రానికి సంబంధించిన మూడో పాట `లాలా భీమ్లా`(LalaBheemla) సాంగ్‌ ప్రోమోలో చోటు చేసుకుంది. Bheemla Nayak చిత్రంలోని మూడో పాట `లాలా భీమ్లా`ని బుధవారం సాయంత్రం విడుదల చేశారు. ఆద్యంతం యాక్షన్‌ ఎలిమెంట్లతో సాగే ఈ సాంగ్‌ప్రోమో తెగ ఆకట్టుకుంటుంది. సోషల్‌ మీడియాలో ట్రెండ్‌ అవుతుంది. 

Pawan Kalyan, Rana హీరోలుగా `భీమ్లా నాయక్‌` చిత్రం రూపొందుతున్న విషయం తెలిసిందే. సాగర్‌ కె చంద్ర దర్శకత్వం వహిస్తున్నారు. మాటల మాంత్రికుడు త్రివిక్రమ్‌ మాటలు, కథనం అందిస్తున్నారు. ఈ సినిమా నుంచి దీపావళి పండుగ గిఫ్ట్ వచ్చింది. సినిమాలోని మూడో పాట ప్రోమోని విడుదల చేశారు. `లాలా భీమ్లా` అంటూ సాగే సాంగ్‌ ప్రోమో విడుదల చేయగా, అది తెగ ఆకట్టుకుంటుంది. ఇందులో  నాగరాజు గారు హార్టీ కంగ్రాట్స్ లేషన్స్ అండి మీకు దీపావళి పండుగ 
ముందుగానే వచ్చేసింది హ్యాపీ దీపావళి` అంటూ కథానాయకుడు పవన్ కళ్యాణ్ ఎవరినో ఉద్దేశించి అనటం కనిపిస్తుంది.

అయితే ప్రోమోలో బాంబ్‌ పేలినప్పుడు రానా కూడా కనిపించడం విశేషం. ప్రోమో చివరిలో `లాలా భీమ్లా` పాట నవంబర్ 7 న విడుదల చేయబోతున్నట్టు ప్రకటించారు. ఇప్పటికే చిత్రం నుంచి విడుదల అయిన ప్రముఖ గీత రచయిత రామజోగయ్య శాస్త్రి సాహిత్యంలో ఆవిష్కృతం అయిన `భీమ్లా నాయక్` పాత్ర తీరు, తెన్నులు. భీమ్లా నాయక్ దమ్ము, ధైర్యానికి అక్షర రూపంలా, కథానాయకుడి గొప్పదనాన్ని కరతలామలకం చేసేలా సాగిన గీతం, అలాగే విజయదశమి పర్వదినాన విడుదల అయిన `అంత ఇష్టమేందయ` పాట అభిమాన ప్రేక్షకులను, సంగీత ప్రియులను ఉర్రూతలూగించాయి.

వీటికి ముందు పవన్ కళ్యాణ్, రానా ప్రచార చిత్రాలు కూడా  సామాజిక మాధ్యమాలు వేదికగా సరికొత్త రికార్డు లను నమోదు చేసిన సంగతి తెలిసిందే. పవన్ కళ్యాణ్, రానా దగ్గుబాటి ల కాంబినేషన్ లో నిర్మిత మవుతున్న ఈ చిత్రంలో నిత్య మీనన్, సంయుక్త మీనన్ నాయికలు. ప్రముఖ నటులు, రావు రమేష్, మురళీశర్మ, సముద్ర ఖని, రఘుబాబు, నర్రా శ్రీను , కాదంబరికిరణ్, చిట్టి, పమ్మి సాయి, చిత్రంలోని ఇతర ప్రధాన పాత్రల్లో నటిస్తున్నారు. 

related news: Lala bheemla lyrical:తగ్గేదేలే... ఆర్ ఆర్ ఆర్ కి ఎదురే... క్లారిటీ ఇచ్చిన భీమ్లా నాయక్

ఇక ఈ చిత్రాన్ని జనవరి 12న సంక్రాంతి కానుకగా విడుదల చేయబోతున్నారు. అయితే `ఆర్‌ఆర్‌ఆర్‌` సినిమా జనవరి 7న విడుదల కానున్న నేపథ్యంలో పవన్‌ సినిమా వాయిదా పడుతుందనే వార్తలొచ్చాయి. కానీ అందులో నిజం లేదని, రిలీజ్‌ డేట్‌ ఏమాత్రం మారడం లేదనే విషయాన్ని స్పష్టం చేసింది యూనిట్‌. సంక్రాంతికి పోటీ గట్టిగానే ఉంటుందని తెలుస్తుంది.