ప్రభుదేవా 'కృష్ణమనోహర్ ఐపీఎస్' టీజర్

‘డ్యాన్సింగ్‌ కింగ్‌’ ప్రభుదేవా  నటుడుగానూ, దర్శకుడిగానూ వరస విజయాలు సాథించారు. సల్మాన్ ఖాన్ వంటి స్టార్ తో  హిందీలో హిట్ కొట్టి సంచలనం క్రియేట్ చేసారు.  అక్కడ స్టార్స్ తో వరస సినిమాలు చేసిన  ప్రభుదేవా, ఆ తరువాత చెన్నైకి తిరిగి వచ్చేసి మళ్లీ నటనవైపు దృష్టి పెట్టాడు. అప్పుడప్పుడు ప్రొడక్షన్  వైపు దృష్టి పెడుతూనే నటుడిగా బిజీ అవుతున్నాడు. 

ఈ నేపథ్యంలో తమిళంలో ఆయన చేసిన ఒక సినిమాను తెలుగులో 'కృష్ణమనోహర్ ఐపీఎస్' పేరుతో రిలీజ్ చేయడానికి సన్నాహాలు జరుగుతున్నాయి. ప్రభుదేవా ఐపీఎస్ ఆఫీసర్ గా నటించిన ఈ సినిమాలో, ఆయన సరసన నివేదా పేతురాజ్ కనిపించనుంది. తాజాగా ఈ సినిమా నుంచి తెలుగు టీజర్ ను రిలీజ్ చేశారు. 

తనకి రైట్ అనిపించింది చేసుకుంటూ వెళ్లిపోయే ఐపీఎస్ ఆఫీసర్ గా ఈ టీజర్లో ప్రభుదేవా కనిపిస్తున్నాడు. ఆయన యాక్షన్ సీన్స్ పై కట్ చేసిన ఈ టీజర్ ఆకట్టుకునేలా వుంది. ముగిల్ చెల్లప్పన్ దర్శకత్వం వహించిన ఈ సినిమా, ఏ స్థాయిలో తెలుగు ప్రేక్షకులను మెప్పిస్తుందో చూడాలి.