`KGF3` ఇప్పట్లో లేనట్టే.. మూడో పార్ట్ పై క్లారిటీ ఇచ్చిన నిర్మాత.. ఎన్టీఆర్‌ ఫ్యాన్స్ జస్ట్ రిలాక్స్ !

`కేజీఎఫ్‌2`కి వస్తోన్న స్పందన నేపథ్యంలో యూనిట్‌ వెంటనే మరో సినిమా తీయాలని నిర్ణయించుకుందని నమ్మారు. కానీ ఇందులో నిజం లేదని తెలిపారు మరో నిర్మాత. హోంబలే ఫిల్మ్స్  నిర్మాతల్లో ఒకరైన కార్తీక్‌ గౌడ ఈ పుకార్లపై రియాక్ట్ అయ్యారు. 

ప్రస్తుతం ఇండియన్‌ సినిమాకి సంబంధించి ఎక్కడ చూసినా `కేజీఎఫ్‌ 2` గురించే చర్చ. ఆ సినిమా ఎన్ని కలెక్షన్లు చేసిందనేది హాట్‌ టాపిక్‌. `ఆర్‌ఆర్‌ఆర్‌`ని దాటుకుని, `బాహుబలి` రికార్డుల దిశగా దూసుకెళ్తున్న నేపథ్యంలో ఈ సినిమా సృష్టించే సంచలనాలపై అందరిలోనూ ఆసక్తినెలకొంది. ఈ మూవీ ఇప్పటికే ఇండియాలో వెయ్యి కోట్ల కలెక్షన్లని రాబట్టినట్టు సమాచారం. మొత్తంగా సుమారు 12వందల (1170) కోట్లు వసూలు చేసినట్టు ట్రేడ్‌ వర్గాల లెక్కలు చెబుతున్నాయి. 

ఇదిలా ఉంటే `కేజీఎఫ్‌ 2` ఎండింగ్‌లోనే మరో పార్ట్ రాబోతుందనే హింట్‌ ఇచ్చింది యూనిట్‌. `కేజీఎఫ్‌ః ఛాప్టర్‌ 3` అంటూ చూపించి వదిలేశారు. దీంతో ఈ సినిమా సిరీస్‌ నుంచి మరో పార్ట్ రాబోతుందని అంతా భావిస్తూ వచ్చారు. అయితే మూడో భాగంపై ఈ చిత్ర నిర్మాత హోంబలే ఫిల్మ్స్ అధినేత విజయ్‌ కిరగందూర్‌ స్పందించినట్టు శనివారం వార్తలు సోషల్‌ మీడియాలో వైరల్‌ అయ్యాయి. `కేజీఎఫ్‌` సిరీస్‌ని మార్వెల్‌ సిరీస్‌ చిత్రాల మాదిరిగా తెరకెక్కించబోతున్నట్టు, ఈ ఏడాది నవంబర్‌ తర్వాత `కేజీఎఫ్‌ 3`ని స్టార్ట్ చేస్తామని ఆయన చెప్పినట్టుగా వార్తలు చక్కర్లు కొట్టాయి. 

ప్రస్తుతం ప్రశాంత్‌ నీల్‌ రూపొందిస్తున్న `సలార్‌` షూటింగ్‌ నవంబర్‌ వరకు పూర్తవుతుందని, ఆ తర్వాత `కేజీఎఫ్‌3`ని స్టార్ట్ చేస్తామని, దీన్ని 2024లో విడుదల చేయనున్నామని ఆయన చెప్పినట్టుగా వార్తలు షికార్‌ చేయడంతో అంతా నమ్మారు. `కేజీఎఫ్‌2`కి వస్తోన్న స్పందన నేపథ్యంలో యూనిట్‌ వెంటనే మరో సినిమా తీయాలని నిర్ణయించుకుందని నమ్మారు. కానీ ఇందులో నిజం లేదని తెలిపారు మరో నిర్మాత. హోంబలే ఫిల్మ్స్  నిర్మాతల్లో ఒకరైన కార్తీక్‌ గౌడ ఈ పుకార్లపై రియాక్ట్ అయ్యారు. 

`సోషల్‌ మీడియాలో వస్తోన్న వార్తల్లో ఎలాంటి నిజం లేదు. ప్రస్తుతం మా వద్ద చాలా మంచి ప్రాజెక్ట్ లున్నాయి. వాటిపైనే మా దృష్టి ఉంది. ఇప్పట్లో హోంబలే సంస్థ `కేజీఎఫ్‌ 3`ని తెరకెక్కించలేదు. ఒకవేళ ఈ సినిమా చేయాలనుకుంటే తప్పకుండా అధికారిక ప్రటన చేస్తాం` అని కార్తీక్‌ గౌడ ట్విట్టర్‌ ద్వారా వెల్లడించారు. దీంతో అంతా ఊపిరి పీల్చుకుంటున్నారు. ముఖ్యంగా ఎన్టీఆర్‌ ఫ్యాన్స్ రిలాక్స్ అయిపోతున్నారు. 

ఎందుకంటే `కేజీఎఫ్‌ 3` వెంటనే ప్రారంభించబోతున్నారనే వార్తతో ఎన్టీఆర్‌తో ప్రశాంత్‌ నీల్‌ చేయబోయే ప్రాజెక్ట్‌ పై అనేక అనుమానాలు స్టార్ట్ అయ్యాయి. ఈ సినిమా ఉంటుందా? లేదా అనే డౌన్‌ మొదలయ్యాయి. `కేజీఎఫ్‌3` పూర్తయ్యాక ఎన్టీఆర్‌తో సినిమా ఉంటుందా? అనే సస్పెన్స్ నెలకొన్న నేపథ్యంలో తాజాగా నిర్మాత ట్వీట్‌ తారక్‌ ఫ్యాన్స్ కి బిగ్‌ రిలీఫ్ నిచ్చింది. అంతేకాదు అనేక ఊహాగానాలకు చెక్‌ పెట్టినట్టయ్యింది. ఈ లెక్కన ఎన్టీఆర్‌ - ప్రశాంత్‌ నీల్‌ సినిమా అనుకున్న టైమ్‌కే స్టార్ట్ కాబోతుందని చెప్పొచ్చు.