KGF-3 వచ్చేస్తోంది.. ఆ మూడేండ్లు రాఖీ బాయ్ ఎక్కడ? అదిరిపోయే వీడియో రిలీజ్ చేసిన మేకర్స్..
By Asianet News | First Published Apr 14, 2023, 2:20 PM IST‘కేజీఫ్’ అభిమానులకు గుడ్ న్యూస్ అందింది. కేజీఎఫ్ ఛాప్టర్ 1 మరియు ఛాప్టర్ 2తో సెన్సేషన్ క్రియేట్ చేయగా.. ప్రశాంత్ నీల్ - యశ్ కాంబోలో ‘కేజీఎఫ్ 3’ కూడా రానుందని తాజాగా మేకర్స్ ఓ వీడియో ద్వారా హింట్ అందించారు.
ఏడాది కింద సరిగ్గా ఇదేరోజు KGF ఛాప్టర్ - 2 విడుదలై సంచలనంగా మారిన విషయం తెలిసిందే. ప్రశాంత్ నీల్ దర్శకత్వం వహించగా.. కన్నడ స్టార్ యష్ నటించిన ఈ సీక్వెల్ కు బాక్సాఫీస్ వద్ద కలెక్షన్ల వర్షం కురిసింది. ప్రేక్షకులు బ్రహ్మరథం పట్టడంతో ఈ ఫ్రాంఛైజీకి భారీ డిమాండ్ పెరిగింది. దీంతో మూడో పార్ట్ ఎప్పుడు ఉంటుందని అందరూ ఎదురుచూస్తున్నారు. KGF3 ఉంటుందని గతంలో Prashanth Neel ఓ ఇంటర్వ్యూలో చెప్పారు. కానీ కచ్చితమైన అప్డేట్ అందించలేదు. దీంతో ‘కేజీఎఫ్3’ అప్డేట్ కోసం వేచి ఉన్నారు.
ఈ సందర్భంగా KGF Chapter 2 విడుదలై బాక్సాఫీస్ వద్ద క్రియేట్ చేసి ఏడాది పూర్తి కావడంతో ఓ స్పెషల్ వీడియోను హోంబాలే ఫిల్మ్స్ వారు విడుదల చేశారు. ఈ వీడియోలో రాఖీ భాయ్ 1978 నంచి 1981 వరకు ఎక్కడున్నారనే అంశాన్ని సూచిస్తూ ఆసక్తి పుట్టించారు. అలాగే రాఖీ భాయ్ వాళ్ల అమ్మకిచ్చిన మాట పూర్తిగా నెరవేరిందా? అనేదానిపైనా సందేహం కలిగించారు. ఈ అంశాలన్నీ ‘కేజీఎఫ్ -3’లో చూపించబోతున్నట్టుగా వీడియోనూ సైతం కట్ చేశారు. దీంతో KGF Chapter 3పై అధికారిక ప్రకటన అందినట్లైంది.
Latest Videos
undefined
హోంబాలే ఫిల్మ్స్ నుంచి ఇలా అధికారికంగా హింట్ అందడంతో ‘కేజీఎఫ్ - 3’ ఎప్పుడు ప్రారంభం కానుందనేది ఆసక్తిగా మారింది. ప్రస్తుతం నెట్టింట ఈ వీడియో వైరల్ గా మారింది. ఇటీవల ఇండియా టుడేకి ఇచ్చిన ఇంటర్వ్యూలో రవీనా టండన్ కూడా KGF 3 ఉంటుందని, మేము అతి త్వరలో దానిపై పని చేస్తాం అని వెల్లడించడం మరింత ఆసక్తికరంగా మారింది. ఈక్రమంలో ఛాప్టర్ 3పై ఇలా అప్డేట్ అందడంతో అభిమానులు ఫుల్ ఖుషీ అవుతున్నారు.
అయితే ప్రశాంత్ నీల్ మాత్రం ప్రస్తుతం ప్రశాంత్ నీల్ పాన్ ఇండియా స్టార్ ప్రభాస్ (Prabhas)తో ‘సలార్’ తెరకెక్కిస్తున్నారు. సెప్టెంబర్ లో ఈ చిత్రం విడుదల కానుంది. ఆ తర్వాత తారక్ తో NTR31 తెరకెక్కించబోతున్నారని తెలుస్తోంది. ఈక్రమంలో వచ్చే ఏడాదే KGF3ని కూడా ప్రారంభిస్తారా? లేదా ‘ఎన్టీఆర్31’ పూర్తయ్యాకా మొదలు పెడతారా? లేదంటే రెండు పార్లల్ గా షూట్ కొనసాగించేలా ప్లాన్ చేసే అవకాశం ఉందా అన్నది చూడాలి. ఇప్పటికీ యష్19 ప్రాజెక్ట్ పైనా అప్డేట్ రాకపోవడం గమనార్హం. ఈ క్రమంలో ప్రశాంత్ నీల్ ఎలాంటి మూవ్ తీసుకోబోతున్నారనేది ఆసక్తిని కలిగిస్తోంది.
The most powerful promise kept by the most powerful man 💥
KGF 2 took us on an epic journey with unforgettable characters and action. A global celebration of cinema, breaking records, and winning hearts. Here's to another year of great storytelling! … pic.twitter.com/iykI7cLOZZ
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి