Kiccha Sudeep : సినిమాలకు బ్రేక్.. వైరల్ గా మారిన కన్నడ స్టార్ కిచ్చా సుదీప్ పోస్ట్.. ఎందుకోసం?
By Asianet News | First Published Apr 2, 2023, 3:34 PM ISTకన్నడ స్టార్ కిచ్చా సుదీప్ నెక్ట్స్ సినిమా కోసం ఫ్యాన్స్ ఎదురుచూస్తున్నారు. కానీ ఊహించని విధంగా సుదీప్ సినిమాలకు బ్రేక్ అంటూ సుదీర్ఘమైన నోట్ ను విడుదల చేశారు. ప్రస్తుతం సుదీప్ పోస్ట్ నెట్టింట వైరల్ గా మారింది.
కన్నడ హీరో కిచ్చా సుదీప్ (Kichcha Sudeep) చివరిగా ‘విక్రాంత్ రోణా’తో బ్లాక్ బాస్టర్ హిట్ ను సొంతం చేసుకున్నారు. ఆయన కేరీర్ లో ఈ చిత్రం కోసం చాలా కష్టపడ్డారు. పాన్ ఇండియా సినిమాగా విడుదల చేసి ప్రేక్షకాదరణ పొందారు. బాక్సాఫీస్ కలెక్షన్లు కూడా అదిరిపోయాయి. ఈ క్రమంలో కిచ్చా సుదీప్ నుంచి నెక్ట్స్ సినిమా ప్రకటన కోసం అభిమానులు, ఆడియెన్స్ ఎదురుచూస్తున్నారు. సోషల్ మీడియాలో అప్డేట్స్ కోసం రచ్చరచ్చ చేస్తున్నారు. ఇందంతా చూసిన సుదీప్ షాకింగ్ గా స్పందించారు. తను ప్రస్తుతం సినిమాలకు కాస్తా బ్రేక్ ఇచ్చినట్టు ఓ సుదీర్ఘమైన నోట్ ను విడుదల చేశారు.
నోట్ లో.. ‘నా స్నేహితులందరికీ నమస్కారం.. Kichcha46 కోసం మీరు చేసిన ట్వీట్లు, మీమ్స్ మొదలైనవాటిని చూశాను. మీ ఆసక్తిని అర్థం చేసుకున్నాను. మీ ప్రేమ నాకు ప్రత్యేకమైన మరియు ప్రియమైన అనుభూతిని కలిగిస్తుంది. అందుకు ధన్యవాదాలు. అందుకే చిన్న వివరణ ఇవ్వాలని నిర్ణయించుకున్నాను. ఇది నా మొదటి విరామం. విక్రాంత్‌రోణా తర్వాత నాకు ఈ విరామం అవసరమైంది. బిగ్ బాస్ షో ఫస్ట సీజన్, క్రికెట్ లో కూడా పాల్గొనడం సంతోషంగా ఉంది. వీటి వల్ల నేను నెక్ట్స్ సినిమా కంటే ముందు బ్రేక్ తీసుకున్నాను. ఈ విరామ సమయం సంతోషంగా ఉండేలా చేశాయి.
సినిమాల విషయానికొస్తే.. ప్రస్తుతానికి మూడు సినిమాలకు స్క్రిప్టులు ఫైనల్ చేశాను. ఆ స్క్రిప్ట్ చర్చలు రోజువారీగా జరుగుతూనే ఉంటాయి. ఈ మూడు సినిమాల కథలకు భారీ మొత్తంలో హోమ్‌వర్క్ చేయాల్సి ఉంది. సంబంధింత బృందాలు పగలు, రాత్రి తేడా లేకుండా పని చేస్తున్నాయి. త్వరలో అనౌన్స్ మెంట్ ఉంటుంది.’ ఇన్ని రోజులు విశ్రాంతి తీసుకున్న కన్నడ స్టార్ త్వరలో మళ్లీ రంగంలోకి దిగనున్నారు. అందుకోసం ముందే ప్రాజెక్ట్స్ ను లైన్ లో పెట్టి వర్క్ చేస్తున్నారు. ఈ క్రమంలో ఆ అనౌన్స్ మెంట్ ఎప్పుడస్తుందనేది ఆసక్తికరంగా మారింది.
Latest Videos
undefined
కిచ్చా సుధీప్ ఎస్ఎస్ రాజమౌళి దర్శకత్వం వహించిన ‘ఈగ’తో తెలుగు ప్రేక్షకులకు బాగా దగ్గరైన విషయం తెలిసిందే. అంతకు ముందే ‘రక్త చరిత్ర 1,2’తో పరిచయం అయ్యారు. ‘బాహుబలి‘లోనూ కీలక పాత్రలో కనిపించారు. చిరంజీవి ‘సైరా నర్సింహా’ రెడ్డిలోనూ నటించారు. కొద్దిరోజుల కింద మార్చి 17న ప్రేక్షకుల ముందుకు వచ్చిన ‘కబ్జా’లో కామియో పెర్ఫామెన్స్ తో ఆకట్టుకున్నారు. కిచ్చా సుదీప్ సౌత్ తో పాటు నార్త్ లోనూ గుర్తింపు దక్కించుకోవడంతో.. నెక్ట్స్ ఎలాంటి ప్రాజెక్ట్స్ తో రాబోతున్నారనేది ఆసక్తిని పెంచుతోంది.
About my Next
❤️🥂 pic.twitter.com/3vkCmS6FBF
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి