తన సినిమా పేరుతోనే కంగనా ప్రొడక్షన్..`మణికర్ణిక`నా మజాకా!
సారాంశం
కంగనా రనౌత్ తన కెరీర్ పరంగా మరో అడుగు ముందుకేసింది. నిర్మాణ రంగంలోకి అడుగుపెట్టింది. దీనికి తాను రెండేళ్ల క్రితం నటించిన `మణికర్ణిక` పేరుతోనూ నిర్మాణ సంస్థని ప్రారంభించడం విశేషం.
బాలీవుడ్ ఫైర్ బ్రాండ్ అంటే కంగనా రనౌత్ పేరే వినిపిస్తుంది. సామాజిక అంశాలను ఆమె రెగ్యూలర్గా స్పందిస్తూ నిర్మోహమాటంగా, ధైర్యంగా తన అభిప్రాయాలను పంచుకుంటోంది. బాలీవుడ్ యంగ్ హీరో సుశాంత్ సింగ్ రాజ్పుత్ ఆత్మహత్యకి సంబంధించి నెపోటిజంపై, బాలీవుడ్ డ్రగ్స్ రాకెట్పై ఆమె బాలీవుడ్ పెద్దలపై విరుచుకుపడింది. అలాగే మహారాష్ట్ర ప్రభుత్వంలోనూ ఆమె చిన్నపాటి యుద్ధమే చేసింది. బీజేపీ సపోర్ట్ తో ఆమె సరికొత్త ఫైర్ బ్రాండ్గా మారిపోయింది.
తాజాగా కంగనా రనౌత్ తన కెరీర్ పరంగా మరో అడుగు ముందుకేసింది. నిర్మాణ రంగంలోకి అడుగుపెట్టింది. దీనికి తాను రెండేళ్ల క్రితం నటించిన `మణికర్ణిక` పేరుతోనూ నిర్మాణ సంస్థని ప్రారంభించడం విశేషం. మొదటి ప్రయత్నంగా ఆమె డిజిటల్ రంగంలోకి అడుగుపెట్టింది. `మణికర్ణిక ఫిల్మ్స్` పేరుతో ఓ వెబ్ సిరీస్ నిర్మిస్తుంది. సెటైరికల్ మూవీ `టికు వెడ్స్ షేరు`తో డిజిటల్ మీడియాలోకి వస్తున్నా. మీ ఆశీస్సులు కావాలి` అని ట్విట్టర్ ద్వారా వెల్లడించింది కంగనా. ఈ సందర్భంగా తన ప్రొడక్షన్ లోగోని పంచుకుంది.
ప్రస్తుతం కంగనా పలు భారీ సినిమాలతో బిజీగా ఉంది. తమిళనాడు మాజీ సీఎం జయలలిత జీవితం ఆధారంగా రూపొందుతున్న `తలైవి`లో టైటిల్ రోల్ పోషిస్తుంది. ఇది విడుదలకు సిద్ధంగా ఉంది. కరోనాతో వాయిదా పడింది. దీంతోపాటు `ధాఖడ్`, అలాగే `తేజాస్` చిత్రాల్లో నటిస్తూ బిజీగా ఉంది.