అభిమానుల అత్యుత్సాహం, మండిపడ్డ జూనియర్ ఎన్టీఆర్, ఏం చేశాడంటే?
స్టార్ సెలబ్రిటీలను అభిమానులు ఇబ్బంది పెట్టడం సహజంగా జరిగే పనే. కొంత మంది ఫ్యాన్స్ అయితే హీరోలు, హీరోయిన్ల పై పడి అత్యుత్సాహం ప్రదర్శిస్తుంటారు. బాలయ్యబాబులాంటి హీరోలు వారికి సరైన సమాధానం చెపుతుంటారు. ఈక్రమంలో తాజాగా ఎన్టీఆర్ కూడా తన అభిములు చేసిన పనికి ఎలా రియాక్ట్ అయ్యాడంటే?
)
తాజాగా లండన్‌లోని రాయల్ ఆల్బర్ట్ హాల్ వేదికగా ‘ఆర్ఆర్ఆర్’ లైవ్ కాన్సర్ట్ వేడుక ఘనంగా నిర్వహించారు. ఈ పండుగతో తెలుగు సినిమా రంగం దాదాపు ఒకచోట చేరింది. ఈ కార్యక్రమంలో హీరోలు జూనియర్ ఎన్టీఆర్, రామ్ చరణ్, దర్శకుడు ఎస్.ఎస్. రాజమౌళి మరియు సంగీత దర్శకుడు ఎంఎం కీరవాణి పాల్గొన్నారు.
ఈ వేదికపై రామ్ చరణ్–ఎన్టీఆర్‌ల మధ్య కనిపించిన స్నేహ బంధం అభిమానులను ఆకట్టుకుంది. రామ్ చరణ్ తారక్‌కు ముద్దు పెట్టడమూ అభిమానుల్లో విశేష ఆనందాన్ని కలిగించింది. అయితే ఈ వేడుక తర్వాత జరిగిన ఓ ఘటన మాత్రం సోషల్ మీడియాలో చర్చనీయాంశంగా మారింది.
ఇవెంట్ అనంతరం హాల్ వెలుపల ఎన్టీఆర్‌ను చూసిన అభిమానులు ఒక్కసారిగా ఆయన వద్దకు పరుగెత్తారు. సెల్ఫీలు తీయాలని కోరుతూ వారు బహుళ సంఖ్యలో తారక్ చుట్టూ గుమిగూడడంతో, ఆయన కొంత అసహనం వ్యక్తం చేశారు. అందులో భాగంగా ఎన్టీఆర్ అభిమానులను శాంతంగా ఉండమని కోరారు.
వీడియోలో ఎన్టీఆర్ మాట్లాడుతూ, “నేను మీకు సెల్ఫీ ఇస్తాను. కానీ మీరు వేచి ఉండాలి. మీరు ఇలా ప్రవర్తిస్తే, మిమ్మల్ని భద్రతా సిబ్బంది బయటకు పంపుతుంది” అని అభిమానులను అనుకూలంగా ఉండమని విజ్ఞప్తి చేశారు.
అయితే అభిమానులు ఆయన మాటలను పట్టించుకోకపోవడంతో భద్రతా సిబ్బంది వెంటనే ఎన్టీఆర్‌ను అక్కడి నుంచి తీసుకెళ్లారు. ఈ దృశ్యాలు కెమెరాల్లో రికార్డయ్యాయి. ప్రస్తుతం ఈ వీడియో సోషల్ మీడియాలో వైరల్‌గా మారింది.
ఈ ఘటనపై అభిమానులు విభిన్నంగా స్పందిస్తున్నారు. కొందరు ఎన్టీఆర్‌ను అర్థం చేసుకోవాలని అభిప్రాయపడుతుండగా, మరికొందరు అభిమానుల ఉత్సాహాన్ని సహజంగా చూస్తున్నారు. అయినా ప్రముఖ ఈవెంట్‌లలో భద్రతా ప్రమాణాలు పాటించడం ఎంత ముఖ్యమో ఈ ఘటన మరోసారి రుజువు చేసింది.