కాపీ కథతో నాని 'జెర్సీ' మూవీ..?

వరుస విజయాలను అందుకుంటూ దూసుకుపోతున్న హీరో నానికి 'కృష్ణార్జున యుద్ధం' ఓ బ్రేక్ వేసింది. 'దేవదాసు' సినిమా హిట్ అయినప్పటికీ క్రెడిట్ మొత్తం నాగార్జునకి వెళ్లిపోయింది. దీంతో మంచి హిట్టు కోసం ఎదురుచూస్తున్నాడు.

ఈ క్రమంలో దర్శకుడు గౌతం తిన్ననూరి చెప్పిన 'జెర్సీ' కథకు గ్రీన్ సిగ్నల్ ఇచ్చాడు. రీసెంట్ గా విడుదలైన సినిమా టీజర్ ప్రేక్షకులను ఆకట్టుకుంటోంది. మిడిల్ ఏజ్డ్‌ క్రికెటర్ పాత్రలో నాని కనిపించి ఆశ్చర్యపరిచాడు.

రెగ్యులర్ సినిమాలకు భిన్నంగా ఈ సినిమాను రూపొందిస్తున్నారు. ముప్పై ఆరేళ్ల ఓ వ్యక్తి దేశం తరఫున క్రికెట్ ఆడాలని ప్రయత్నిస్తుంటాడు. క్రికెటర్లు రిటైర్ అయ్యే ఏజ్ లో మరి అతడు ఎలా దేశం తరఫున ఆడతాడనే పాయింట్ తో సినిమాను తెరకెక్కిస్తున్నారు.

ఈ స్టోరీ లైన్ వింటుంటే 'ఇన్విన్సిబుల్' అనే హాలీవుడ్ సినిమాకి చాలా దగ్గరగా అనిపిస్తోంది. అందులో కూడా హీరో క్యారెక్టర్ ఇలానే ఉంటుంది. అయితే అక్కడ హీరో ఫుట్ బాల్ టీమ్ లో చోటు కోసం ప్రయత్నం చేస్తుంటాడు. ఆ సినిమా స్పూర్తితోనే 'జెర్సీ' సినిమా చేసినట్లుగా అనిపిస్తోంది. మరి పూర్తిగా అదే ఫార్మాట్ తో సినిమా ఉంటుందా..? లేక ఏమైనా మార్పులు చేశారా..? అనేది చూడాలి!