తనలోని మరో యాంగిల్‌ని చూపించిన అల్లు అర్జున్‌.. పవన్‌ని ఫాలో అవుతున్నాడా?

 స్టయిల్‌కి కేరాఫ్‌గా నిలిచే అల్లు అర్జున్‌ ఇప్పుడు తనలోని మరో యాంగిల్‌ తన అభిమానులకు పరిచయం చేశారు. పుస్తకాలు చదవడమనే హ్యాబీని బయటపెట్టారు. 

స్టయిల్‌ స్టార్‌ అల్లు అర్జున్‌ కాస్త ఇప్పుడు `ఐకాన్‌ స్టార్‌`గా మారిన విషయం తెలిసిందే. ఇటీవల అల్లు అర్జున్‌ బర్త్ డే సందర్భంగా ఏర్పాటు చేసిన ఈవెంట్‌లో ఆయనకు దర్శకుడు సుకుమార్‌ `ఐకాన్‌స్టార్‌` అనే ట్యాగ్‌ ఇచ్చాడు. స్టయిల్‌కి కేరాఫ్‌గా నిలిచే అల్లు అర్జున్‌ ఇప్పుడు తనలోని మరో యాంగిల్‌ తన అభిమానులకు పరిచయం చేశారు. పుస్తకాలు చదవడమనే హ్యాబీని బయటపెట్టారు. ఇటీవల ప్రపంచ పుస్తక దినోత్సవం సందర్భంగా పుస్తకం చదువుతూ కనిపించారు. 

ఈ ఫోటోని ఆయన భార్య స్నేహారెడ్డి పంచుకుంది. ఇన్‌స్టా స్టోరీస్‌లో వెల్లడించింది. ప్రస్తుతం ఈ ఫోటోని బన్నీ ఫ్యాన్స్‌ వైరల్‌ చేస్తున్నారు. నెటిజన్లు బన్నీపై ఆసక్తికర కామెంట్లు చేస్తున్నారు. పవన్‌ కళ్యాణ్‌ మాదిరిగా బన్నీ మారిపోయాడంటున్నారు. పవన్‌ని ఫాలో అవుతున్నాడా అంటున్నారు. పవన్‌ కళ్యాణ్‌ జనరల్‌గా పుస్తకాలు చదువుతూ కనిపిస్తుంటారు. ఆయన ఇంటర్వ్యూల్లోనూ, అలాగే తన ఫామ్‌ హౌజ్‌లోనూ చేతిలో పుస్తకాలతో కనిపిస్తుంటారు. అంతేకాదు ఇటీవల ఆయన నటించిన `వకీల్‌సాబ్‌` ఫస్ట్ లుక్‌లోనూ పుస్తకం చదువుతూనే కనిపించారు. ఇక స్టయిల్‌కి కేరాఫ్‌గా నిలిచే బన్నీ పుస్తకం పట్టడం ఇప్పుడు ఆయన ఫ్యాన్స్ ని ఖుషీ చేస్తుంది. తనలోని కొత్త యాంగిల్‌ని బన్నీ చూపించారని చెప్పొచ్చు. 

ఇక ప్రస్తుతం అల్లు అర్జున్‌ `పుష్ప` చిత్రంలో నటిస్తున్నారు. సుకుమార్‌ దర్శకత్వంలో రూపొందుతున్న చిత్రమిది. `ఆర్య`, `ఆర్య2` తర్వాత వీరికాంబినేషన్‌లో వస్తోన్న మూడో సినిమా మైత్రీ మూవీ మేకర్స్ నిర్మిస్తున్నారు. ఈ సినిమా శరవేగంగా చిత్రీకరణ జరుపుకుంటోంది. ఆగస్ట్ 13న ఈ చిత్ర విడుదల కానుంది. తెలుగుతోపాటు హిందీ, తమిళం, కన్నడ, మలయాళంలో పాన్‌ ఇండియా చిత్రంగా విడుదల కాబోతుంది. ఇందులో రష్మిక మందన్నా కథానాయిక.