రెగ్యులర్ సినిమాలు చేయను.. ‘హంట్’ డిఫరెంట్ ఫిల్మ్.. హీరో సుధీర్ బాబు ఇంట్రెస్టింగ్ కామెంట్స్!
By team telugu | First Published Jan 27, 2023, 11:50 PM ISTటాలెంటెడ్ హీరో సుధీర్‌బాబు (Sudeer Babu) లేటెస్ట్ ఫిల్మ్ ‘హంట్’. రిపబ్లిక్ డే కానుకగా థియేటర్లలో రిలీజ్ అయ్యింది. అయితే సినిమా రిజల్డ్ పై తాజాగా నిర్వహించిన సక్సెస్ ప్రెస్ మీట్ లో ఇంట్రెస్టింగ్ కామెంట్స్ చేశారు.
టాలెంటెడ్ హీరో, నైట్రో స్టార్ సుధీర్‌బాబు ప్రధాన పాత్రలో నటించిన యాక్షన్ థ్రిల్లర్ ఫిల్మ్ (Hunt). చిత్రాన్ని దర్శకుడు మహేశ్ తెరకెక్కించారు. జనవరి 26న గణతంత్ర దినోత్సవం సందర్భంగా ప్రేక్షకుల ముందుకు వచ్చిన ఈ చిత్రం కాస్తా పాజిటివ్ టాక్ నే దక్కించుకున్నట్టు తెలుస్తోంది. నిన్న చిత్రం రిలీజ్ కాగా.. తొలిరోజు టాక్ బాగానే వచ్చిందని అంటున్నారు. ఇక సినిమా రిజల్ట్ పై తాజాగా చిత్ర యూనిట్ కూడా సక్సెస్ ప్రెస్ మీట్ నిర్వహించింది.
ఈ సందర్భంగా సుధీర్ బాబు మాట్లాడుతూ ఆసక్తికరమైన వ్యాఖ్యలు చేశారు. ‘సినిమాకు మంచి రెస్పాన్స్ లభిస్తోంది. 'హంట్' స్టార్ట్ చేసినప్పుడు ప్రేక్షకులు ఎలా రిసీవ్ చేసుకుంటారోనని భయపడ్డాం. ఫ్యాన్స్ కానీ, రెగ్యులర్ కంటెంట్ చూసే వాళ్ళు గానీ ఏమంటారో అనుకున్నాం. ప్రేక్షకులు అందరూ సెకండాఫ్ లో 30 మినిట్స్ ఎక్సట్రాడినరీ అని చెబుతున్నారు. శని, ఆది వారాలు అయితే కలెక్షన్స్ అనౌన్స్ చేస్తాం. సోషల్ మీడియాలో చాలా మంది సినిమాను అప్రిషియేట్ చేస్తూ పోస్టులు చేశారు. ఆడియన్స్ చాలా మంది మెసేజ్ లు చేశారు. వాళ్ళందరికీ థాంక్స్. ఇది డిఫరెంట్ ఫిల్మ్. ఒక్కటి చెబుతా... నేను అయితే రెగ్యులర్ సినిమాలు చేయను. ఇప్పటి వరకు చేసినవి అన్నీ డిఫరెంట్ సినిమాలే. ఈ సినిమా కూడా చాలా డిఫరెంట్ సినిమా. థియేటర్లలో సినిమా చూడండి’ అంటూ ఇంట్రెస్టింగ్ కామెంట్స్ తో ఆకట్టుకున్నారు.
Latest Videos
ఓ యాక్సిడెంట్ లో గతం మర్చిపోయిన పోలీస్ ఆఫీసర్... తనను తాను తెలుసుకుంటూ, జీవితంలో జరిగిన ఓ బ్యాడ్ ఇన్సిడెంట్ తాలూకూ మిస్టరీని ఎలా చేధించాడనేదే ఈ సినిమా. హీరోయిన్ లేని ఈ చిత్రంలో నైట్రో స్టార్ సుధీర్ బాబు కథానాయకుడిగా భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించిన సినిమా 'హంట్'. ఇందులో శ్రీకాంత్, తమిళ హీరో భరత్ ప్రధాన పాత్రల్లో నటించారు. ఇక సుధీర్ బాబు చేతిలో మరో రెండు చిత్రాలు ఉన్నాయి. ప్రస్తుతం చిత్రీకరణ దశలో ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి