మంచు వారి ఇంట బర్త్ డే సందడి..కనువిందుగా ఫోటోషూట్!
సారాంశం
మంచు విష్ణు నాలుగో సంతానం అయిన ఐరా విద్యా పుట్టిన రోజుని ఆదివారం హైదరాబాద్లో నిర్వహించారు. వైరస్ కారణంగా తమ కుటుంబం వరకు ఈ సెలబ్రేషన్ పరిమితమైనా గ్రాండియర్ లుక్లో సాగింది. తాజాగా విడుదల చేసిన ఫోటో షూట్ ఫోటోలే ఆ విషయాన్ని చెబుతున్నాయి.
మంచు ఫ్యామిలీలో పుట్టిన రోజు వేడుకలు ఘనం జరిగాయి. మంచు విష్ణు నాలుగో సంతానం అయిన ఐరా విద్యా పుట్టిన రోజుని ఆదివారం హైదరాబాద్లో నిర్వహించారు. వైరస్ కారణంగా తమ కుటుంబం వరకు ఈ సెలబ్రేషన్ పరిమితమైనా గ్రాండియర్ లుక్లో సాగింది. తాజాగా విడుదల చేసిన ఫోటో షూట్ ఫోటోలే ఆ విషయాన్ని చెబుతున్నాయి. మంచు మోహన్బాబు, మంచు విష్ణు, మంచు మనోజ్, వారి సతీమణులు, మంచు లక్ష్మీ, వారి దగ్గరి బంధువులు మాత్రమే ఈ సెలబ్రేషన్లో పాల్గొన్నారు.
మంచు విష్ణు, విరోనికా దంపతులకు కుమార్తెలు అరియాన, వివియాన, కుమారుడు అవ్రామ్ భక్త సందడి చేశారు. ఐరా చిన్న కుమార్తె. దాదాపు వీరంతా ఒకే డ్రెస్ కోడ్తో ఫోటోలకు పోజులిచ్చారు. లేత గులాబీ థీమ్తో ఈ ఫోటో షూట్ నిర్వహించారు. మంచు మహిళలు కుర్చీల్లో కూర్చుని ఉండగా, మోహన్బాబు, విష్ణ, మనోజ్ వెనక నిల్చుని ఫోటోలకు పోజులిచ్చారు. దీంతోపాటు మంచు విష్ణు ఫ్యామిలీ దిగిన మిగిలిన ఫోటోస్ సైతం ప్రస్తుతం సమాజిక మాధ్యమాల్లో హల్చల్ చేస్తున్నాయి. మంచు విష్ణు ఈ ఫోటోషూట్ పిక్స్ ని అభిమానులతో పంచుకున్నారు.
ప్రస్తుతం మంచు మనోజ్ `మోసగాళ్లు` చిత్రంలో నటిస్తున్నారు. ఇందులో కాజల్, సునీల్ శెట్టి కీలక పాత్రలు పోషిస్తున్నారు. దీన్ని పాన్ ఇండియా చిత్రంగా రూపొందిస్తున్నారు. దీంతోపాటు మంచు విష్ణు మరో రెండు ఇతర చిత్రాల్లో నటిస్తున్నారు. చాలా రోజులుగా హిట్ లేని విష్ణు ఈ సారి ఎలాగైనా హిట్ కొట్టాలని భావిస్తున్నారు. మరోవైపు ఆయన ఓటీటీ ఫ్లాట్ఫామ్ని లాంచ్ చేయాలని భావిస్తున్నారని టాక్.