గోపీచంద్ కొత్త సినిమా ఓపెనింగ్.. కన్నడ దర్శకుడికి కమిట్ అయిన యాక్షన్ హీరో..
సారాంశం
హీరో గోపీచంద్ కొత్త సినిమాని ప్రకటించారు. కన్నడ దర్శకుడితో కొత్త సినిమా చేస్తున్నారు. ఇది శుక్రవారం ప్రారంభోత్సవం జరుపుకుంది.
మ్యాచో స్టార్ గోపీచంద్ చంద్ కొత్త సినిమాని ప్రారంభించారు. ప్రస్తుతం శ్రీవాస్తో `రామబాణం` సినిమా చేస్తున్న ఆయన తాజాగా కన్నడ దర్శకుడితో సినిమా చేస్తున్నారు. తాజాగా ఈ మూవీ శుక్రవారం హైదరాబాద్లో ప్రారంభమైంది. దీన్ని శ్రీ సత్యసాయి ఆర్ట్స్ పతాకంపై కెకె రాధామోహన్ నిర్మిస్తున్నారు. ఏ హర్ష దర్శకుడు. గోపీచంద్కిది 31వ సినిమా కావడం విశేషం.
సినిమాని ఔట్ అండ్ ఔట్ యాక్షన్ ఎంటర్టైనర్గా తెరకెక్కించబోతున్నట్టు నిర్మాత కెకె రాధామోహన్ వెల్లడించారు. ఆయన చెబుతూ, మా ప్రొడక్షన్లో 14వ చిత్రంగా గోపీచంద్ సినిమాని తెరకెక్కిస్తున్నాం. గోపీచంద్, హర్ష కాంబినేషన్లో ఈ సినిమాని రూపొందించడం చాలా ఆనందంగా ఉంది. ఈ సినిమా షూటింగ్ ఈ నెలలోనే ప్రారంభమవుతుంది` అని తెలిపారు నిర్మాత.
కన్నడలో పలు బ్లాక్ బస్టర్ చిత్రాలను రూపొందించారు దర్శకుడు ఏ హర్ష. ఈ సినిమాని భారీ బడ్జెట్తో తెరకెక్కించేందుకు ప్లాన్ చేస్తున్నారు. హై ఆక్టేన్ యాక్షన్ ఎంటర్టైనర్గా ఈ చిత్రాన్ని తెరకెక్కిస్తున్నప్పటికీ రెగ్యూలర్కి పూర్తి భిన్నంగా ఉంటుందని, యాక్షన్తోపాటు మంచి ఫ్యామిలీ ఎమోషన్స్ మేళవింపుగా ఉంటుందని చిత్ర బృందం తెలిపింది. అంతేకాదు ఈ సినిమాతో ఆయన తెలుగులోకి అడుగుపెడుతున్నారు. ఇటీవల కన్నడ దర్శకులు సంచలనాలు క్రియేట్ చేస్తున్నారు. ప్రశాంత్ నీల్ ఇక్కడ `సలార్` తెరకెక్కిస్తున్నారు. ఇప్పుడు హర్ష టాలీవుడ్ ఎంట్రీ ఇవ్వడం విశేషం.
ఈ సినిమాకి భారీ టెక్నీషియన్లు పనిచేస్తున్నారు.సినిమాటోగ్రాఫర్గా స్వామి జే, `కేజీఎఫ్` ఫేమ్ రవి బస్రూర్ సంగీతం అందిస్తున్నారు. రమణ వంక ప్రొడక్షన్ డిజైనర్గా పనిచేస్తున్నారు. త్వరలోనే నటీనటుల వివరాలు ప్రకటిస్తామని తెలిపారు. ఇక గోపీచంద్ ప్రస్తుతం `రామబాణం` చిత్రంలో నటిస్తున్నారు. శ్రీవాస్ దీనికి దర్శకుడు. పీపుల్స్ మీడియా ఫ్యాక్టరీ నిర్మిస్తుంది. ఇందులో గోపీచంద్కి జోడీగా డింపుల్ హయతి హీరోయిన్గా నటిస్తుండగా, జగపతిబాబు, ఖుష్బు కీలక పాత్రలు పోషిస్తున్నారు. మిక్కీ జే మేయర్ సంగీతం అందిస్తున్నారు.సమ్మర్లో ఈ చిత్రం విడుదల కానుంది.