#chiranjeevi: `గాడ్ ఫాదర్` ట్రైలర్ టైమ్ ఫిక్స్.. మెగా ఫ్యాన్స్ కి సర్ప్రైజ్.. సినిమాపై హైప్ పెంచుతుందా?
సారాంశం
చిరంజీవి నటించిన లేటెస్ట్ మూవీ `గాడ్ ఫాదర్` ప్రమోషన్ జోరు పెంచారు. రేపు బుధవారం అనంతపూరంలో గ్రాండ్గా ప్రీ రిలీజ్ ఈవెంట్ని నిర్వహించబోతున్నారు. తాజాగా ట్రైలర్ టైమ్ ఫిక్స్ చేశారు.
చిరంజీవి తన అభిమానులకు సర్ప్రైజ్ న్యూస్ చెప్పారు. `గాడ్ ఫాదర్` ట్రైలర్ రిలీజ్ డేట్ని ఫిక్స్ చేశారు. గ్యాప్ లేకుండా సడెన్ సర్ప్రైజ్ ఇవ్వబోతున్నారు. రేపు జరగబోయే ప్రీ రిలీజ్ ఈవెంట్లోనే ట్రైలర్ని విడుదల చేయబోతున్నట్టు ప్రకటించారు. చిరంజీవి నటించిన లేటెస్ట్ మూవీ `గాడ్ ఫాదర్` ప్రమోషన్ జోరు పెంచారు. ఈ చిత్రానికి సంబంధించిన రెండు పాటలను విడుదల చేశారు. రేపు బుధవారం అనంతపూరంలో గ్రాండ్గా ప్రీ రిలీజ్ ఈవెంట్ని నిర్వహించబోతున్నారు.
ఈ ఈవెంట్లో సాయంత్రం ఎనిమిది గంటలకు `గాడ్ ఫాదర్` ట్రైలర్ని విడుదల చేయబోతున్నారు. మరోవైపు ప్రీ రిలీజ్ ఈవెంట్కి పవన్ గెస్ట్ గా వస్తారనే ప్రచారం జరుగుతుంది. మరి దీనిపై క్లారిటీ రావాల్సి ఉంటుంది. ఈ వార్త కోసం అభిమానులు ఆసక్తిగా వెయిట్ చేస్తున్నారు. మరోవైపు చిరంజీవి `గాడ్ ఫాదర్` హిట్ కొట్టేందుకు వస్తున్నారు. గత చిత్రం `ఆచార్య` పరాజయం చెందడంతో అభిమానులు తీవ్ర నిరాశలో ఉన్నారు. వారిని ఖుషీ చేయాలనుకుంటున్నారు. ఈ సారి మిస్ కాదు అనేలా, అంచనాలను అందుకునేలా ఉంటుందని చెప్పారు.
చిరంజీవి చాలా గ్యాప్ తర్వాత మాస్ యాక్షన్ ఎంటర్టైనర్ సినిమా చేశారు. `గాడ్ ఫాదర్` చిత్రంతో మెగా ఫ్యాన్స్ కి ట్రీట్ ఇచ్చేందుకు సిద్ధమవుతున్నారు. ఇది మలయాళ చిత్రం `లూసీఫర్`కి రీమేక్ అనే విషయం తెలిసిందే. మోహన్ రాజా దర్శకత్వం వహిస్తున్న `గాడ్ ఫాదర్`లో సల్మాన్ ఖాన్ ముఖ్య పాత్ర పోషించగా, నయనతార, సత్యదేవ్ కీలక పాత్రల్లో కనిపించబోతున్నారు. ఆర్బీ చౌదరి, ఎన్వీ ప్రసాద్ సంయుక్తంగా నిర్మించారు. ఈ చిత్రం తెలుగుతోపాటు హిందీ, మలయాళంలోనూ అక్టోబర్ 5న విడుదల కాబోతుంది.
ఇప్పటికే సినిమాకి సంబంధించిన టీజర్, రెండు సాంగ్స్ విడుదలై ఆకట్టుకున్నాయి. మంచి ఆదరణ పొందాయి. దీంతో ఇప్పుడు ట్రైలర్ ఎలా ఉండబోతుందనే అంచనాలు నెలకొన్నాయి. రేపు ఆ ట్రీట్ ఇవ్వబోతున్నారు చిరు. ట్రైలర్తో సినిమాపై హైప్ పెంచాలని భావిస్తుంది యూనిట్. ఎందుకుంటే ఇప్పటి వరకు ఆశించిన స్థాయిలో దీనికి హైప్ రావడం లేదు. దీంతో ట్రైలర్పైనే ఆశలు పెట్టుకున్నారు. ఈ ట్రైలర్ అంచనాలను రీచ్ అవుతుందా అనేది చూడాలి.