‘శంకర్‌దాదా ఎం.బి.బి.ఎస్.’రీరిలీజ్ రైట్స్ రేటు అంతా? షాక్ లో డిస్ట్రిబ్యూటర్స్

“రోగిని ప్రేమించలేని డాక్టర్ కూడా రోగితో సమానం” అనే కాన్సెప్ట్‌తో తెరకెక్కిన ఈ చిత్రం అప్పట్లో మంచి క్రేజ్ క్రియేట్ అయ్యింది.  మెగాస్టార్ చిరంజీవి హీరోగా నటించిన ఈ కామెడీ అండ్ యాక్షన్ ...

ఇప్పుడు రీరిలీజ్ ల ట్రెండ్ నడుస్తోంది. ఒకప్పుడు హిట్, కొన్ని ఫ్లాఫ్ సినిమాలు సైతం రీరిలీజ్ లో మంచి ఆదాయాన్ని తెచ్చిపెడుతున్నాయి. చిన్నా,పెద్దా తేడా లేకుండా దాదాపు అందరి హీరోల సినిమాలు రీరిలీజ్ కు రెడీ అవుతున్నాయి. ఈ క్రమంలో చిరంజీవి నటించిన ‘శంకర్‌దాదా ఎం.బి.బి.ఎస్.’, నాగచైతన్య ఏం మాయ చేసావే చిత్రం రీరిలీజ్ కు రెడీ చేస్తున్నారు.

అయితే ‘శంకర్‌దాదా ఎం.బి.బి.ఎస్.’చిత్రం రీరిలీజ్ కు నిర్మాతలు జెమెనీ ఫిల్మ్ సర్కూట్స్ వారు రెండు కోట్లు డిమాండ్ చేస్తున్నారని  వార్త హల్ చల్ చేస్తోంది. మరో ప్రక్క  #YeMaayaChesave రైట్స్ కు నిర్మాతలు కోటి రూపాయలు అడిగారని సమాచారం. ఈ  అంకెలు నిజమైతే  రీరిలీజ్ చేద్దామనుకునే చిత్రాల డిస్ట్రిబ్యూటర్స్ కు షాక్ గా మారటంలో వింతేమీలేదు. ఎందుకంటే ఏ సినిమా రీరిలీజ్ లో ఎంత రికవరీ చేస్తుందో ఎవరు చెప్పలేరు కదా. 

ఇక ‘శంకర్‌దాదా ఎం.బి.బి.ఎస్.’ చిత్రం విషయానికి వస్తే...“రోగిని ప్రేమించలేని డాక్టర్ కూడా రోగితో సమానం” అనే కాన్సెప్ట్‌తో తెరకెక్కిన ఈ చిత్రం అప్పట్లో మంచి క్రేజ్ క్రియేట్ అయ్యింది.  మెగాస్టార్ చిరంజీవి హీరోగా నటించిన ఈ కామెడీ అండ్ యాక్షన్ ఎంటర్‌టైనర్‌లో… బాలీవుడ్ బ్యూటీ సోనాలి బింద్రే హీరోయిన్ గా నటించింది. పరేష్ రవాల్, శ్రీకాంత్, శర్వానంద్, గిరీష్ కర్నాడ్, సూర్య, వేణుమాధవ్, అలీ, ఎం.ఎస్.నారాయణ, భూపేంద్ర సింగ్, చలపతిరావు, ‘ఆహుతి’ ప్రసాద్, వెన్నిరాడై నిర్మల ఇతర ముఖ్య పాత్రలు పోషించారు. 

పవర్ స్టార్ పవన్ కళ్యాణ్ అతిథి పాత్రలో తళుక్కున మెరవగా… అంజలా ఝవేరి ప్రత్యేక గీతంలో నర్తించింది. బాలీవుడ్ మూవీ ‘మున్నా భాయి ఎం.బి.బి.ఎస్.’కి రీమేక్‌గా ‘శంకర్ దాదా ఎం.బి.బి.ఎస్.’ను రూపొందించారు దర్శకుడు జయంత్ సి. పరాన్జీ. ‘బావగారూ బాగున్నారా!’ వంటి విజయవంతమైన చిత్రం తరువాత చిరు, జయంత్ కలయికలో వచ్చిన సినిమా ఇదే కావడం విశేషం.  అలాగే రాక్ స్టార్ దేవిశ్రీప్రసాద్ ఆకట్టుకునే బాణీలు అందించారు. 

“శంకర్ దాదా ఎం.బి.బి.ఎస్.”, “నా పేరే కాంచనమాల”, “ఏ జిల్లా జిల్లా”, “చైల చైల”, “పట్టు పట్టు చెయ్యే పట్టు” వంటి పాటలు విశేషాదరణ పొందాయి. జెమినీ ఫిల్మ్ సర్క్యూట్ పతాకంపై అక్కినేని రవిశంకర ప్రసాద్ నిర్మించిన ఈ క్రేజీ ప్రాజెక్ట్… ఉత్తమ నటుడు(చిరంజీవి), ఉత్తమ సహాయ నటుడు(శ్రీకాంత్) విభాగాల్లో ఫిల్మ్ ఫేర్ పురస్కారాలను కైవ‌సం చేసుకుంది. 2004 అక్టోబర్ 15న విడుదలై మంచి విజయాన్ని నమోదు చేసిన ‘శంకర్‌దాదా ఎం.బి.బి.ఎస్.’రీరిలీజ్ డేట్ త్వరలో అఫీషియల్ గా తెలియనుంది.