గౌతమ్ని రంగంలోకి దించుతున్న మహేష్
సారాంశం
తాజాగా మహేష్ సైతం తన వారసుడు గౌతమ్ని ఇండస్ట్రీకి అలవాటు చేసే పనిలో ఉన్నట్టు తెలుస్తుంది. ఇప్పటికే ఆయన `వన్ః నేనొక్కడినే` చిత్రంలో తన చిన్ననాటి పాత్రలో గౌతమ్ని నటింప చేశారు.
సినీ స్టార్స్ తమ పిల్లలను చిన్నతనంలోనే రంగంలోకి దింపుతుంటారు. బాలనటులుగా పరిచయం చేసి ఆడియెన్స్ మెదళ్ళలో చిన్నప్పట్నుంచే గుర్తుండేలా చేస్తుంటారు. క్రమ క్రమంగా ఆడియెన్స్ కి అలవాటు చేస్తుంటారు. హీరోలుగానే, హీరోయిన్లుగానో, ఇతర టెక్నీషియన్లుగానే పరిచయం చేసేందుకు వేసే ఎత్తుగడ ఇది.
సూపర్ స్టార్ కృష్ణ తనయుడిగా మహేష్బాబు సైతం బాలనటుడిగానే వెండితెరకు పరిచయం అయ్యారు. `నీడ` చిత్రంతో తెరపై మెరిసిన మహేష్..ఇప్పుడు టాలీవుడ్లో సూపర్ స్టార్గా ఎదిగారు. తాజాగా మహేష్ సైతం తన వారసుడు గౌతమ్ని ఇండస్ట్రీకి అలవాటు చేసే పనిలో ఉన్నట్టు తెలుస్తుంది. ఇప్పటికే ఆయన `వన్ః నేనొక్కడినే` చిత్రంలో తన చిన్ననాటి పాత్రలో గౌతమ్ని నటింప చేశారు. ఆ తర్వాత మళ్ళీ కనిపించలేదు. అలాగే గతేడాది తన ముద్దుల తనయ సితారని హాలీవుడ్ చిత్రం `ఫ్రోజెన్ 2`లో బేబీ ఎల్సాకి తెలుగు వాయిస్ అందించి పరిచయం చేశారు.
ఇదిలా ఉంటే రేపు(సోమవారం) గౌతమ్ కృష్ణ పుట్టిన రోజు. ఈ సందర్భంగా ఈ సాయంత్ర బర్త్ డే కామన్ డీపీని విడుదల చేశారు. రేపటితో గౌతమ్ 14ఏళ్ళు పూర్తి చేసుకుంటున్నారు. అయితే అభిమానులు గౌతమ్ని ఆకాశానికి ఎత్తే ప్రోగ్రామ్ పెట్టుకున్నారు. మహేష్తో ఉన్న చిన్ననాటి గౌతమ్ ఫోటోని `హ్యాపీ బర్త్ డే ప్రిన్స్ గౌతమ్` కామన్ డీపీగా విడుదల చేశారు.
ఇదిలా ఉంటే ఇందులో గౌతమ్ని అప్పుడే ప్రిన్స్ చేయడం విశేషం. ఈ యాష్ ట్యాగ్ని ట్రెండ్ చేయాలని మహేష్ ఫ్యాన్స్ కంకణం కట్టుకున్నారట. మరి యాష్ ట్యాగ్ ట్వీట్లతో రికార్డ్ లేమైనా క్రియేట్ చేస్తారేమో చూడాలి.