జూ.ఎన్టీఆర్ పై ‘గదర్2’ డైరెక్టర్ నమ్మకం.. ఇండియా మొత్తంలో తారక్ మాత్రమేనంట.. ఇంట్రెస్టింగ్ కామెంట్స్
By Asianet News | First Published Sep 3, 2023, 3:25 PM ISTరూ.60 కోట్లతో ‘గదర్2’ను తెరకెక్కించి రూ.600 కోట్లకు పైగా కలెక్షన్లు సాధించి పెట్టారు దర్శకుడు అనిల్ శర్మ. అలాంటి డైరెక్టర్ గ్లోబల్ స్టార్, యంగ్ టైగర్ ఎన్టీఆర్ పై ఆసక్తికరమైన వ్యాఖ్యలు చేశారు.
బాలీవుడ్ నుంచి పీరియడ్ యాక్షన్ డ్రామాగా ప్రేక్షకుల ముందుకు వచ్చిన చిత్రం ‘గదర్2’ (Gadar2). అనిల్ శర్శ దర్శకత్వం వహించారు. చిత్రంలో బాలీవుడ్ స్టార్ సన్నీ డియోల్ ప్రధాన పాత్ర పోషించారు. తారా సింగ్ అనే పవర్ ఫుల్ రోల్ లో అద్భుతంగా నటించారు. అమీశా పటేల్, ఉత్కర్ష్ శర్మ, గౌరవ్ చోప్రా తదితరులు కీలక పాత్రలు పోషించారు. జీ స్టూడియో, అనిల్ శర్మ ప్రొడక్షన్స్, ఎంఎం మూవీస్ బ్యానర్లపై సంయుక్తంగా నిర్మించారు. ప్రస్తుతం ఈ చిత్రం సెన్సేషన్ గా మారింది.
కేవలం రూ.60 కోట్లతో నిర్మించిన ఈ చిత్రం బాక్పాఫీస్ వద్ద రూ.650 కోట్ల వరకు గ్రాస్ కలెక్ట్ చేసింది. సినిమా భారీ సక్సెస్ ను అందుకున్న సందర్భంగా ‘గదర్2’ టీమ్, నిర్మాతలు ఫుల్ ఖుషీ అవుతున్నారు. ఈ క్రమంలోనే Director Anil Sharma తాజాగా ఓ ఛానెల్ ఇంటర్వ్యూ ఇచ్చారు. అక్కడ అనిల్ శర్మకు ఆసక్తికరమైన ప్రశ్న ఎదురైంది. ‘గదర్2’ చిత్రంలోని తారా సింగ్ పాత్రను సన్నీ డియోల్ కాకుండా ఇంకెవరు చేయగలరు? మీరు ఎవర్నిఎంపిక చేసుకుంటారని యాంకర్ అడిగారు. ఇందుకు ఆయన ఇచ్చిన ఆన్సర్ వైరల్ గా మారింది.
Latest Videos
undefined
సన్నీ డియోల్ తర్వాత తారా సింగ్ పాత్రను నార్త్ లో ఎవరూ చేయలేరు. కానీ సౌత్ స్టార్స్ లో జూనియర్ ఎన్టీఆర్ (NTR)తో సాధ్యం అవుతుంది. ఆయన ఆ పాత్రకు పూర్తి స్థాయిలో న్యాయం చేయగలరని చెప్పారు. ఇప్పటికే ఎన్టీఆర్ ‘ఆర్ఆర్ఆర్’తో గ్లోబల్ స్టార్ గా మారి, హాలీవుడ్ ప్రముఖుల నుంచి ప్రశంసలు అందుకున్న విషయం తెలిసిందే. ఇక తాజాగా బాలీవుడ్ ప్రముఖ డైరెక్టర్ అనిల్ శర్మ తారక్ పొటెన్షియల్ పై కామెంట్స్ చేయడం నెట్టింట వైరల్ గా మారింది.
ఇక ప్రస్తుతం ఎన్టీఆర్ కొరటాల శివ దర్వకత్వంలో ‘దేవర’ చిత్రంలో నటిస్తున్న విషయం తెలిసిందే. హీరోయిన్ గా జాన్వీ కపూర్ నటిస్తోంది. విలన్ పాత్రను బాలీవుడ్ స్టార్ సైఫ్ అలీఖాన్ పోషిస్తున్నారు. అనిరుధ్ సంగీతం అందిస్తున్నారు. ఎన్టీఆర్ ఆర్ట్స్ బ్యానర్ పై భారీ స్థాయిలో నిర్మిస్తున్నారు. హాలీవుడ్ టెక్నీషియన్లతో చిత్రంలోని విజువల్స్ ను, యాక్షన్ సీన్స్ ను గ్రాండ్ గా చిత్రీకరించేందుకు కృషి చేస్తున్నారు. ఈ చిత్రం వచ్చే ఏడాది ఏప్రిల్ 5న పాన్ ఇండియా స్థాయిలో ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి