‘లవ్ స్టోరీ’ రిలీజ్ పై క్లారిటి వచ్చేసినట్లే

By Surya Prakash | First Published Jun 9, 2021, 9:28 AM IST

అమిగోస్‌ క్రియేషన్స్‌పై తెరకెక్కిన ‘లవ్‌స్టోరీ’ కు శేఖర్ కమ్ముల దర్శకత్వం వహించగా.. శ్రీ వెంకటేశ్వర సినిమాస్ ఎల్ఎల్‌పీ, అమిగోస్ క్రియేషన్స్‌పై కె నారాయణదాస్ నారంగ్, పి రామ్మోహన్ రావు సంయుక్తంగా నిర్మించారు. ప‌వ‌న్ సంగీతాన్ని అందించారు. ఈ సినిమాలో నాగ చైతన్య, సాయి పల్లవి తోపాటు రాజీవ్ కనకాల, ఈశ్వరీ రావు, దేవయాని ఇతర కీలక పాత్రల్లో కనిపించనున్నారు.

టాలీవుడ్ స్టార్ డైరెక్టర్ శేఖర్ కమ్ముల దర్శకత్వంలో.. నాగ చైతన్య , సాయిపల్లవి జంటగా తెరకెక్కిన చిత్రం ‘లవ్ స్టోరీ’. ఈ సినిమా షూటింగ్ పూర్తై రిలీజ్ కు రెడీగా ఉంది. అన్ని బాగుంటే ఏప్రిల్ 16న ప్రపంచవ్యాప్తంగా విడుదలకు అవ్వాల్సింది. అయితే కరోనా కారణంగా ఈ సినిమా విడుదల వాయిదా పడింది. ఏప్రిల్ నుంచి మే నెలకు వాయిదా పడిన ఈ సినిమా.. పరిస్థితులు అనుకూలంగా లేకపోవడంతో విడుదల కాలేదు. ప్రస్తుతం కరోనా ప్రభావం తగ్గుతున్నట్లు కనిపిస్తుండటంతో ఆగస్టులో విడుదల చేయాలనే నిర్ణయానికి నిర్మాతలు వచ్చినట్టుగా తెలుస్తోంది.

ఇప్పటికే విడుదలైన ఈ సినిమా టీజర్‌ అక్కినేని ఫ్యాన్స్‌కు సర్‌ప్రైజ్ ఇచ్చింది. ఎప్పటిలాగానే.. శేఖర్ కమ్ముల కుటుంబ భావోద్వేగాలు, ప్రేమ, వినోదం తదితర అంశాల ఆధారంగా ఈ సినిమాను అద్భుతంగా తెర‌కెక్కించిన‌ట్టు టీజర్‌ ను చూస్తే అర్ధ‌మ‌వుతుంది. అలాగే ‘సారంగదరియా..’ సాంగ్ పెద్ద హిట్టైంది. సుద్దాల ఆశోక్‌తేజ అందించి సాహిత్యానికి గాయని మంగ్లీ మ్యాజిక్‌ వాయిస్‌ తోడవడంతో మరోసారి వినాలనిపించేంత అద్బుతంగా పాట ఉంది. పవన్‌ సీహెచ్‌ అందించిన మంచి బీట్‌తో కూడిన సంగీతం పాట విన్నవాళ్లు స్టెప్పులు వేసేంత ఊపునిస్తుంది. ఈ నేపధ్యంలో ఈ సినిమాపై మంచి ఎక్సపెక్టేషన్స్ ఏర్పడ్డాయి. అలాగే ఈ సినిమాకు ఏర్పడ్డ హైప్ మేరకు ఈ చిత్రం థియేట్రికల్ హక్కులు సుమారు 30 కోట్లకు అమ్ముడుపోయిన్నట్టు తెలుస్తోంది.

Latest Videos

అలాగే ఈ సినిమా శాటిలైట్ అండ్ ఓవర్సీస్ రైట్స్ ఓ రేంజ్‌లో అమ్ముడుపోయాయని టాక్. ఈ సినిమా చైతన్య గత సినిమాలన్నింటికంటే భారీ ధర పలికిననట్లు తెలుస్తోంది. ఓ ప్రముఖ ఛానెల్ శాటిలైట్ రైట్స్ భారీ మొత్తాన్ని ఆఫర్ చేసిందట. ఈ సినిమా స్ట్రీమింగ్ రైట్స్‌ను భారీ ధరకు ఆహా దక్కించుకుందని తెలుస్తోంది.

మరిన్ని ఇంట్రెస్టింగ్ అప్ డేట్స్ కోసం

క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి