బాహుబలి సినిమాపై స్పందించిన బాలీవుడ్ స్టార్ హీరో

ఇండియన్ బ్లాక్ బస్టర్ బాహుబలి చిత్రంపై స్పందించిన బాలీవుడ్ స్టార్ హీరో బాహుబలి చిత్రానికి హైప్, సక్సెస్ రావాల్సిందేనన్న అక్షయ్ కుమార్ బాహుబలి భారతీయ సినిమాను అంతర్జాతీయ స్థాయికి తీసుకెళ్లిందన్న అక్షయ్

ఒక భారతీయ సినిమా అంతటి వసూళ్లు సాధించ గలదా.. అన్న ఊహ కూడా దరిచేరని టైమ్ లో... వెయ్యి కోట్లకు పైగా వసూళ్లు సాధించి,.. 1500 కోట్ల వరకు ఆల్ టైమ్ గ్రాస్ క్రాస్ చేసే సినిమాగా బాహుబలి రికార్డు సృష్టించింది. భారతీయ సినిమాను తొలిసారిగా 1000 కోట్ల క్లబ్ లో నిలబెట్టిన భారీ చిత్రం బాహుబలి 2. భారీ వసూళ్లతో భారత్ లోని ఇండస్ట్రీ రికార్డు లన్నింటినీ బద్ధలు కొట్టిన బాహుబలి... బాలీవుడ్ స్టార్స్ కు కూడా చుక్కలు చూపించింది.

అందుకే మీడియా, ప్రేక్షకులు బాహుబలిని ఆకాశానికి ఎత్తినా.. బాలీవుడ్ స్టార్ హీరోలు మాత్రం ఈ సినిమా పై స్పందించలేదు. ప్రస్తుతం హిందీ ఇండస్ట్రీ లో టాప్ ప్లేస్ లో ఒక్క స్టార్ హీరో కూడా బాహుబలి సక్సెస్ పై మాట్లాడలేదు. ఖాన్ ల కోటలు బీటలు వార్చిన బాహుబలిపై ఖాన్ త్రయంలో ఏ ఒక్కరూ స్పందించలేదు. పైగా దంగల్ సినిమాతో తాజాగా సరికొత్త రికార్డులు అంటూ చైనా కలెక్షన్లను కలిపి దంగల్ ప్రభంజనం పేరుతో బాలీవుడ్ మీడియాలో తెగ వార్తలొస్తున్నాయి. అయితే కేవలం భారత దేశంలోనే 1000 కోట్లు కొల్లగొట్టి, ప్రపంచవ్యాప్తంగా 1500 కోట్లకు పైగా వసూళ్లు సాధించిన బాహుబలి ఇంకా వసూళ్ల పరంపర కొనసాగిస్తూనే ఉంది.

తాజాగా కిలాడీ అక్షయ్ కుమార్ బాహుబలి 2 సక్సెస్ పై స్పంధించాడు. సినిమా రిలీజ్ అయిన రెండు వారాల తరువాత బాహుబలి 2కు సంబంధించిన ట్వీట్ చేశాడు అక్షయ్ కుమార్. 'ఫైనల్ గా బాహుబలి సినిమా చూశా. వస్తున్న హైప్, సక్సెస్ కు బాహుబలి 2కి అర్హత ఉంది. భారతీయ సినిమాను అంతర్జాతీయ స్థాయికి తీసుకెళ్లారు. చిత్రయూనిట్ కు శుభాకాంక్షలు' అంటూ ట్వీట్ చేశాడు అక్షయ్.