4కే వెర్షన్‌లో `బిల్లా` రీ రిలీజ్‌.. వసూళ్లన్ని ఆ ఫౌండేషన్‌కి విరాళం ప్రకటించిన కృష్ణంరాజు కూతురు..

ఈ నెల 23న ప్రభాస్‌ పుట్టిన రోజు. ఈ సందర్భంగా అభిమానులు ముందు నుంచే సంబరాలు స్టార్ట్ చేశారు. ఆయన బర్త్ డే సందర్భంగా ఆయన నటించిన చిత్రాలను రీ రిలీజ్‌ చేస్తున్న విషయం తెలిసిందే. త్వరలో `బిల్లా` చిత్రాన్ని రిలీజ్‌ చేయబోతున్నారు.

కృష్ణంరాజు నట వారసుడిగా టాలీవుడ్‌లోకి ఎంట్రీ ఇచ్చిన ప్రభాస్ ఇప్పుడు పాన్ ఇండియా స్టార్‌గా ఎదిగిన విషయం తెలిసిందే. మున్ముందు ఆయన ఇమేజ్‌ ఇండియా దాటి అంతర్జాతీయంగా మారబోతుందని చెప్పొచ్చు. ఇదిలా ఉంటే ఈ నెల 23న ప్రభాస్‌ పుట్టిన రోజు. ఈ సందర్భంగా అభిమానులు ముందు నుంచే సంబరాలు స్టార్ట్ చేశారు. ఆయన బర్త్ డే సందర్భంగా ఆయన నటించిన చిత్రాలను రీ రిలీజ్‌ చేస్తున్న విషయం తెలిసిందే. ఈ రోజు(అక్టోబర్‌ 15) `రెబల్` చిత్రాన్ని రిలీజ్‌ చేశారు. దీనికి మంచి స్పందన లభిస్తుంది. 

త్వరలో `బిల్లా` చిత్రాన్ని రిలీజ్‌ చేయబోతున్నారు. ప్రభాస్‌ బర్త్ డే రోజున `బిల్లా`ని రిలీజ్‌ చేయనున్నట్టు చిత్ర యూనిట్‌ తెలిపింది. శనివారం ఏర్పాటు చేసిన ప్రెస్‌మీట్‌లో దర్శకుడు మెహర్‌ రమేష్‌, సంగీత దర్శకుడు మణిశర్మ, నిర్మాత నరేంద్ర, కృష్ణంరాజు కుమార్తె ప్రసీధ, గీత రచయిత రామజోగయ్య శాస్త్రి, నటులు అలీ, సుబ్బరాజు తదితరులు పాల్గొన్నారు. ఈ సందర్భంగా వారు మాట్లాడుతూ, ఈ సినిమా కలెక్షన్లని విరాళంగా ఇవ్వబోతున్నారు. యూకే ఇండియా డయాబెటిక్‌ ఫుట్ ఫౌండేషన్‌కి విరాళంగా ఇవ్వనున్నట్టు కృష్ణంరాజు కూతురు ప్రసీద వెల్లడించారు. 

శనివారం ఏర్పాటు చేసిన ప్రెస్‌మీట్‌లో ఆమె మాట్లాడుతూ, `బిల్లా` సినిమాతో మాకెన్నో మెమొరీస్ ఉన్నాయి. గోపీకృష్ణా మూవీస్ లో డాడీ, అన్నయ్య కలిసి నటించిన చిత్రంగా మాకెంతో స్పెషల్ ఈ మూవీ. మా మనసుకు దగ్గరైన సినిమా ఇది. నాన్నకు ఈ చిత్రాన్ని మళ్లీ అన్నయ్య బర్త్ డే సందర్భంగా ఈ నెల 23న రీ రిలీజ్ చేయడం ఆనందంగా ఉంది. ఈ సినిమా ద్వారా వచ్చిన వసూళ్లను యూకే, ఇండియా డయోబెటిక్ ఫుట్ ఫౌండేషన్ కు ఇవ్వబోతున్నాం. నాన్న కృష్ణంరాజు గారు ఈ ఫౌండేషన్ లో భాగస్వామిగా ఉన్నారు. ఈ  ఫౌండేషన్ ద్వారా షుగర్ వ్యాధి తీవ్రమైన రోగులకు చికిత్స అందిస్తున్నాం. మేము ఈ ఫౌండేషన్ కార్యక్రమాలను కొనసాగిస్తాం` అని తెలిపారు. 

దర్శకుడు మెహర్ రమేష్ మాట్లాడుతూ, ప్రభాస్ తో సినిమా చేయాలనుకున్నప్పుడు ఒక ఒరిజినల్ కథ చెప్పాను. దానికి బడ్జెట్ తక్కువ అవుతుంది. అలాగే ఈ `బిల్లా` స్టోరీ చేద్దామన్నాను. దీనికి ఖర్చు ఎక్కువ, అయితే ఇండియన్ స్క్రీన్ మీద స్టైలిష్ యాక్షన్ ఫిల్మ్ రూపొందిద్దామని చెప్పా. ప్రభాస్ తక్కువ బడ్జెట్ కథ ఎందుకు `బిల్లా`నే చేద్దాం ఫిక్స్ చేయి డార్లింగ్ అన్నారు. అలా బిల్లా గోపీకృష్ణా మూవీస్ పతాకంపై ప్రారంభించాం. ఈ సినిమా కోసం మేము అనుకున్నదానికంటే ఎక్కువ సపోర్ట్ చేశారు కృష్ణంరాజు గారు. రెండు హెలికాప్టర్ లు అడిగితే నాలుగు తెప్పిద్దాం అనేవారు. అలాగే కొన్ని యాక్షన్ సీన్స్ కోసం కార్లు కొన్నాం. కార్లను స్మాష్ చేశాం.

ఈ సినిమాను కేవలం నాలుగున్నర నెలల్లో షూట్ చేసి రిలీజ్ చేశాం. ప్రభాస్ కెరీర్ లో బెస్ట్ ఫస్ట్ డే కలెక్షన్స్ వచ్చాయి. ఈ సినిమాకు మణిశర్మ సంగీతం మరో ఆకర్షణ అయ్యింది. టీమ్ అంతా ప్యాషన్ తో వర్క్ చేశాం. ఈ చిత్రంలో కృష్ణంరాజు గారు నటించాలనే ఆలోచన ప్రభాస్ దే. పెదనాన్న నేనూ కలిసి నటించాలనేది ఫ్యాన్స్ కోరిక  అన్నాడు. అలా ఆయనతో క్యారెక్టర్ చేయించాం. వాస్తవానికి ఈ 4కే షోను ఆయన ముఖ్య అతిథిగా పిలిచి ప్రదర్శించాలనుకున్నాం,  కానీ దురదృష్టవశాత్తూ కృష్ణంరాజు గారు మనకు దూరమయ్యారు. ది బెస్ట్ క్వాలిటీతో వరల్డ్ వైడ్ గా ఈ నెల 23న బిల్లా రిలీజ్ చేస్తున్నాం` అని వెల్లడించారు. 

హాస్య నటుడు అలీ మాట్లాడుతూ, ఈ `బిల్లా` సినిమాలో నేను నటించే అవకాశం రావడం అదృష్టంగా భావిస్తున్నాను. ఈ సినిమా షూటింగ్ సందర్భంగా కృష్ణంరాజు గారితో ఎక్కువ టైమ్ గడిపే అవకాశం దొరికింది. ఆయన వేసే జోకులకు బాగా నవ్వుకునేవాడిని. అర్థరాత్రి బిర్యానీ తెప్పించేవారు. హీరోలకు ఆ అవకాశం లేదురా మనం తిందాం అనేవారు సరదాగా. కృష్ణంరాజు గారు గొప్ప మనిషి. ఆయన మన మధ్య లేకున్నా ఆయన ఆశీర్వాదాలు ఉంటాయన్నారు. 

సంగీత దర్శకుడు మణిశర్మ మాట్లాడుతూ, ఈ సినిమా సంగీతం సాధించిన విజయం మీ అందరికీ తెలిసిందే. `బిల్లా` వంద రోజుల తర్వాత తమిళంలో హీరో విజయ్ తో ఓ సినిమా చేసేందుకు వెళ్లాను. కథ విన్నాక మ్యూజిక్ సిట్టింగ్స్ ఎప్పుడని అడిగితే మీ `బిల్లా` పాటలన్నీ మాకు ఇచ్చేయండి ఈ సినిమాలో పెట్టుకుంటామన్నారు. `బిల్లా` పాటల క్రేజ్ అలాంటిది. ఈ సినిమా మళ్లీ విడుదలవడం సంతోషంగా ఉందన్నారు. 

ప్రసీద ఇప్పుడు కృష్ణంరాజు హోంబ్‌ బ్యానర్‌ గోపీకృష్ణ మూవీస్‌ నిర్మాణ బాధ్యతలు చూసుకుంటున్న విషయం తెలిసిందే. ఇక `బిల్లా` చిత్రం ఇదే బ్యానర్‌పై తెరకెక్కింది. మెహర్‌ రమేష్‌ దర్శకత్వం వహించారు. స్టయిలీష్‌ యాక్షన్‌ మూవీగా దీన్ని తెరకెక్కించారు.  ఇందులో ప్రభాస్‌కి జోడీగా అనుష్క, హన్సిక హీరోయిన్లుగా నటించారు. నమిత కీలక పాత్ర పోషించింది. 2009 ఏప్రిల్‌ 3న ఈ చిత్రం విడుదలైన ఈ చిత్రం బాక్సాఫీసు వద్ద యావరేజ్‌ ఫలితాన్ని రాబట్టింది.