Sohel Movies: `బిగ్బాస్`ని వాడుకున్న ఒకేఒక్కడు.. ఏకంగా నాలుగు సినిమాలు.. లేటెస్ట్ గా `లక్కీ లక్ష్మణ్`
సారాంశం
`బిగ్బాస్` రియాలిటీ షోని ఒక్కరు మాత్రం బాగా ఉపయోగించుకుంటున్నారు. వరుస సినిమాలతో దూసుకుపోతున్నారు. తానేంటో చాటుకుంటూ బిగ్బాస్ని షోని బీభత్సంగా వాడుకుంటున్నాడు. అతనే సయ్యద్ సోహైల్.
`బిగ్బాస్`లో పాల్గొన్న కంటెస్టెంట్లకు గుర్తింపు వస్తుంది. అంతకు ముందు చిత్ర పరిశ్రమలో కొంత మందికి, యూట్యూబ్లో ఇంకొంత మందికే పరిచయమైన ఆర్టిస్టులు `బిగ్బాస్` రియాలిటీ షోలోకి వచ్చాక మంచి గుర్తింపు తెచ్చుకుంటున్నారు. ఆల్మోస్ట్ టీవీ ఆడియెన్స్ కి, ఫ్యామిలీ ఆడియెన్స్ కి దగ్గరవుతున్నారు. మంచి పాపులారిటీని పొందుతున్నారు. కానీ ఆ పాపులారిటీని, క్రేజ్ని సినిమా అవకాశాలు అందిపుచ్చుకునేందుకు మలుచుకోలేకపోతున్నారు. షో తర్వాత 90శాతం ఆర్టిస్టులకు అంతకు ముందులాంటి పరిస్థితే ఎదురవుతుంది.
కొందరు ఒకటి అర సినిమా ఛాన్స్ లు అదికూడా, క్యారెక్టర్ ఆర్టిస్ట్ గా పాత్రలు పొందుతున్నారు. కానీ హీరోగా ఛాన్స్ లు దక్కించుకున్నవారు, వాటిని నిలబెట్టుకుని దూసుకెళ్లిన వారు ఒక్కరుకూడా లేరు. కానీ ఒక్కరు మాత్రం వరుస సినిమాలతో దూసుకుపోతున్నారు. తానేంటో చాటుకుంటూ బిగ్బాస్ని షోని బీభత్సంగా వాడుకుంటున్నాడు. అతనే సయ్యద్ సోహైల్. బిగ్బాస్ 4లో మూడో స్థానంలో నిలిచిన కంటెస్టెంట్. 25 లక్షల రూపాయలు తీసుకుని మధ్యలోనే డ్రాప్ అయి రియల్ బిగ్బాస్ విన్నర్గా నిలిచాడు. అటు చిరంజీవి, ఇటు నాగార్జున చేత ప్రశంసలందుకున్నారు.
ఆ షో పూర్తయిన వెంటనే సోహైల్కి `మిస్టర్ ప్రెగ్నెంట్` అనే ఆఫర్ వచ్చింది. ఇటీవల తన పుట్టిన రోజు సందర్భంగా `బూట్కట్ బాలరాజు`, `ఆర్గానిక్ మామ హైబ్రిడ్ అల్లుడు` చిత్రాలను ప్రకటించారు. ప్రారంభించారు. తాజాగా శుక్రవారం మరో సినిమాని ప్రారంభించుకున్నారు. `లక్కీ లక్ష్మణ్` అనే సినిమా శుక్రవారం హైదరాబాద్లో ప్రారంభమైంది. చుట్టూ ఉన్న వారంతా నువ్వు లక్కీఫెలో అంటున్నా.. తాను మాత్రం ఎప్పటికీ అన్లక్కీఫెలోనే అని ఫీలయ్యే ఓ యువకుడి జీవితంలో జరిగిన అనేక ఆసక్తికర పరిణామాలతో అవుట్ అండ్ అవుట్ ఫ్యామిలీ ఎంటర్టైనర్గా రూపొందనున్న చిత్రం `లక్కీ లక్ష్మణ్`.
వైష్ణవి ఆర్ట్స్, దత్తాత్రేయ మీడియా పతాకంపై బిగ్ బాస్ ఫెమ్ సోహైల్, మోక్ష జంటగా ఎ.ఆర్ అభి దర్శకత్వంలో హరిత గోగినేని, రమ్య ప్రభాకర్ లు సంయుక్తంగా నిర్మిస్తున్న ఔట్ & ఔట్ ఫ్యామిలీ ఎంటర్ టైనర్ చిత్రమిది. పూజా కార్యక్రమాలు హైదరాబాద్ లోని ప్రసాద్ ల్యాబ్ లో సినీ ప్రముఖుల మధ్య అంగరంగ వైభవంగా ప్రారంభమైంది. పూజా కార్యక్రమాల అనంతరం ఈ కార్యక్రమానికి ముఖ్య అతిథులుగా వచ్చిన నిర్మాతలు మిరియాల రవీంద్ర రెడ్డి, బెక్కం వేణుగోపాల్, పుప్పాల రమేష్ మరియు రాజా రవీంద్ర లు స్క్రిప్ట్ ను అందించగా దర్శకుడు ప్రవీణ్ సత్తారు హీరో సోహైల్ హీరోయిన్ మోక్ష లపై చిత్రీకరించిన ముహూర్తపు సన్నివేశానికి క్లాప్ కొట్టారు. ప్రముఖ నిర్మాత సి.కళ్యాణ్ గౌరవ దర్శకత్వం వహించారు. నిర్మాత అప్పిరెడ్డి "లక్కీ లక్ష్మణ్" మూవీ మోషన్ పోస్టర్ ను విడుదల చేశారు.
అనంతరం హీరో సోహైల్ మాట్లాడుతూ, చాలా మంది సోహైల్ సినిమా మీద సినిమా ఒప్పుకుంటున్నాడు ఏంటి అనుకోవచ్చు. అయితే నాకు కథ నచ్చితేనే సినిమా చేయడానికి ఒప్పుకుంటాను. మా దర్శక, నిర్మాతలకు సినిమాపై ఎంత ప్యాషన్ ఉందో సినిమా కథలను సెలెక్ట్ చేసుకోవడంలో కూడా అంతే అభిరుచిని కలిగి ఉన్నారు. ఈ సినిమాకు టెక్నికల్ పరంగా, ఔట్ ఫుట్ పరంగా ఎక్కడా కాంప్రమైజ్ కాకుండాక్ సీనియర్ టెక్నీషియన్స్ తో ఈ సినిమాను నిర్మిస్తున్నారు. ఇలాంటి మంచి లేడీ ప్రొడ్యూసర్ లు ఇండస్ట్రీకి రావాలని మనస్ఫూర్తిగా కోరుకుంటూ ఇలాంటి మంచి సినిమాలో నాకు అవకాశం ఇచ్చిన దర్శక, నిర్మాత లకు ధన్యవాదాలు` అని అన్నారు
చిత్ర నిర్మాత హరిత గోగినేని మాట్లాడుతూ, కెరీర్ పరంగా ఐటి రంగంతో స్టార్ట్ అయిన నా జర్నీ రియల్ ఎస్టేట్ రంగంలో సెటిల్ అయ్యాను. దర్శకుడు అభి ఎంతో ట్యాలెండెడ్ పర్సన్ తనకు సినిమా అంటే ఎంతో ప్యాషన్ ఎప్పుడూ సినిమా డైలాగ్స్ చెపుతూ కథలు డిస్కషన్ చేసేవాడు. తను పడే తపన చూసి నా రియల్ ఎస్టేట్ బిజినెస్ లను పక్కనపెట్టి సినిమా ఇండస్ట్రీతో నాకు పెద్దగా పరిచయం లేకపోయినా నీ కోసం నేనే సినిమా చేస్తాను మంచి కథ ఉంటే చెప్పామన్నాను. అభి చెప్పిన కథ ఫ్రెష్ గా అనిపించడంతో సినిమా నిర్మించే నిర్మాతకు ఎలాంటి బాధ్యతలు వుంటాయి.
24 క్రాఫ్ట్స్ అంటే ఏంటి ఇలా అన్ని విభాగాలను 6 మంత్స్ ఫుల్ స్టడీ చేసిన తరువాత నేను, నా ఫ్రెండ్ రమ్య ప్రభాకర్ లు ఈ సినిమా చేయడానికి ముందుకు వచ్చాము. ఈ సినిమాకు హీరోగా ఎవరిని సెలెక్ట్ చేద్దాం అనుకున్నప్పుడు. ఎంతో కష్టపడే సోహైల్ అయితే ఈ సినిమాకు కరెక్ట్ అని దర్శకుడు అభి చెప్పడంతో తనను హీరోగా సెలెక్ట్ చేసుకోవడం జరిగింది.మేము అడిగిన వెంటనే మా కథ విని డిఓపి అండ్రూ, సంగీత దర్శకుడు అనూప్ రూబెన్స్, ఎడిటర్ ప్రవీణ్ పూడి,పాటల రచయిత భాస్కర పట్ల వంటి సీనియర్ టెక్నిషన్స్ సినిమా చెయ్యడానికి ముందుకు వచ్చినందుకు వారికి మా ధన్యవాదాలు` అని చెప్పారు.
చిత్ర దర్శకుడు అభి మాట్లాడుతూ, నేను చాలా సినిమాలకు అసిస్టెంట్ డైరెక్టర్ గా పని చేశాను. సొంతంగా ఒక సినిమా తీయాలని ఈ కథ రాసుకుని నిర్మాతలకు చెపుదాం అనుకున్నప్పుడు హరిత గోగినేని నాతో నీ దగ్గర మంచి కథ ఉంటే చెప్పామన్నారు. లక్కీ గా నేను చెప్పిన కథ తనక నచ్చడంతో ఈ సినిమా చేయడానికి ముందుకు వచ్చారు.అందుకే ఈ సినిమా టైటిల్ కు లక్కీ అని పెట్టాను. ఈ టైటిల్ కూడా కథలోనుండి వచ్చిందే. ఆ తరువాత సోహైల్ కు ఈ కథ చెప్పగానే తను ఫస్ట్ సిట్టింగ్ లోనే చేయడానికి ఒప్పుకున్నాడు. మంచి డీఫ్రెంట్ సబ్జెక్టు తో వస్తున్న ఈ సినిమా ప్రేక్షకులందరికీ కచ్చితంగా నచ్చుతుంది` అని చెప్పారు.
నటీనటులు
సోహెల్, మోక్ష, దేవి ప్రసాద్, రాజా రవీంద్ర, సమీర్, కాదంబరి కిరణ్, షాని సాల్మన్, అనురాగ్, అమీన్, శ్రీదేవి కుమార్, మాస్టర్ రోషన్, మాస్టర్ అయాన్, మాస్టర్ సమీర్, మాస్టర్ కార్తికేయ, ఝాన్సీ తదితరులు
సాంకేతిక నిపుణులు
బ్యానర్స్ - వైష్ణవి ఆర్ట్స్, దత్తాత్రేయ మీడియా, నిర్మాతలు - హరిత గోగినేని, రమ్యా ప్రభాకర్, స్టోరీ, స్క్రీన్ ప్లే, డైలాగ్స్, డైరెక్షన్ - ఏఆర్ అభి, సంగీతం - అనూప్ రూబెన్స్, సినిమాటోగ్రాఫర్ - ఐ. ఆండ్రూ, ఎడిటర్ - ప్రవీణ్ పూడి, పాటలు - భాస్కరభట్ల, కొరియోగ్రాఫర్ - విశాల్, ఆర్ట్ డైరెక్టర్ - చరణ్, ఫైట్స్ - పృథ్వీ, ఎగ్జిక్యూటివ్ ప్రొడ్యూసర్ - విజయానంద్. కీత, చీఫ్ అసోసియేట్ డైరెక్టర్ - కృష్ణ కుమార్ అంకం, పీఆర్వో - నాయుడు-ఫణి, మార్కెటింగ్ పార్ట్ నర్ - అఖిలేష్ (టికెట్ ఫ్యాక్టరీ), పబ్లిసిటీ డిజైనర్ - ధని ఏలే, కాస్టింగ్ డైరెక్టర్ - ఓవర్ 7 ప్రొడక్షన్స్.