బిగ్ బాస్ ఫేమ్ అర్జున్ కళ్యాణ్.. బాబు నెం 1 బుల్ షిట్ గయ్ మూవీ రివ్యూ..

బిగ్ బాస్ తో బాగా ఫేమస్ అయ్యి..హీరోగా టాలీవుడ్ లోకి అడుగు పెడుతున్నాడు అర్జున్ కళ్యాణ్. తాజాగా అతను నటించిన బాబు నెంబర్ వన్ బుల్ షిట్ గయ్ సినిమా రిలీజ్ అయ్యింది.మరి ఈసినిమా ఎంత వరకూ ఆడియన్స్ ను ఆకట్టుకుందో చూద్దాం.   

బిగ్ బాస్ ఫేం అర్జున్ కళ్యాణ్, కుషితకల్లపు జంటగా... లక్ష్మణ వర్మ దర్శకత్వంలో రూపొందిన చిత్రం బాబు నెం.1 బుల్ షిట్ గయ్. ఈసినిమాను  డీడీ క్రియేషన్స్ బ్యానర్ పై దండు దిలీప్ కుమార్ రెడ్డి నిర్మించారు. తాజాగా రిలీజ్ అయిన ఈసినిమా యాక్షన్, కామెడీ, డ్రామాగా తెరకెక్కి.. ఆడియన్స్ ను అలరిస్తోంది. ఇంతకీ ఈమూవీ ఎలా ఉంది. ఈసినిమా  కథేంటి.. మరి  ఈ సినిమాపై ఆడియన్స్ రెస్పాన్స్ ఏంటీ అనేది రివ్యూలో చూద్దాం. 

ఈసినిమా కథ విషయానికి వస్తే.. హీరో కార్తీక్ బాబు(అర్జున్ కల్యాణ్)...  ఓ రిచ్ గాయ్.,అమెరికాలో చదువుకుని ఇండియాకు తిరిగొస్తాడు.  అప్పుడే ఇండియాలో కరోనా ప్రభావం క్రమక్రమంగా పెరుగుతూ ఉంటుంది. అయితే హీరోకి సిటీ బయట ఓ  పేద్ద విల్లా ఉంటుంది. ఇండియాకు వచ్చిన కార్తీక్ బాబును కొన్నాళ్లపాటు ఆ విల్లాలో ఉండాలని తండ్రి ఆదేశిస్తాడు.  దాంతో కార్తీక్... తన ప్రేయసి కుషితతో కలిసి విల్లాలో ఉండాలనుకుంటారు. ఇద్దరూ త్వరలోనే పెళ్లి చేసుకోవాలి అనకుంటారు కాబట్టి.. కలిసి ఉండాలి అని నిర్ణయించకుని కరోనా ప్రభావం పడకుండా.. లాక్ డౌన్ ఇబ్బంది లేకుండా ఆరునెలల సంసార సామాగ్రి కూడా తీసకుని వెళ్తారు. 

విల్లాలో హ్యాపీగా  సెటిల్ అయిన ఈ ఇద్దరిని.. ప్లంబర్ రూపంలో వచ్చిన సోంబాబు కిడ్నాప్ చేసి..అదే విల్లాలో బంధించి.. ఆ బంగ్లాలో సెటిల్ అయిపోతారు. మరి ఇలా బంధించబడిన కార్తీక్, కుషితలు ఎలా బయటపడ్డారు? వారు బంధించబడటానికి గల కారణాలు ఏంటి? అసలు సోంబాబు ఎవరు? సినిమా కథేంటి.. మధ్యలో ట్విస్ట్ లు ఏంటీ అనేది సినిమా చూసి తెలుసుకోవల్సిందే. 

ఇక సినిమా ఎలా ఉందంటే...ఒక  చిన్న పాయింట్ ను తీసుకుని ఇంత పెద్ద సినిమాను తెరకెక్కించాడు దర్శకుడు. అయితే దాని చుట్టు అద్భుతమైన  స్క్రీన్ ప్లేను  మాత్రం రాసుకోలేకపోయాడు. ఇలాంటి కథలను అద్భుతంగా తీసి.. ఆడియన్స్ ను థియేటర్లో రెండు గంటలపాటు లకా్ చేయవచ్చు.. కాని ఈసినిమాలో అలా చేయలేకోయారు. ఈ డ్రామాకి తోడు సరదాగా నవ్వుకునే కామెడీ సీన్లు ఉంటే... ప్రేక్షకులు బాగా ఎంటర్ టైన్ అవుతారు. దర్శకుడు లక్ష్మణ్ వర్మ చేసింది కూడా అదే. కరోనా కారణంగా లాక్ డౌన్ పెట్టిన సమయంలో తన ఇంటి వద్దకు వచ్చిన పిచ్చుకలను చూసి ఇన్ స్పైర్ అయ్యి రాసుకున్న ఓ చిన్న పాయింట్ మీద... కథ... స్క్రీన్ ప్లేను చాలా ఆసక్తికరంగా రాసుకుని తెరకెక్కించారు. 

ఇక ఓ అందమైన జంటను గదిలో బంధించి... ఆ అందమైన బంగ్లాలో తన కుటుంబంతో కలిసి ఓ సామాన్య పనివాడు  దర్జాగా ఎలా జీవించగలిగాడు.. అతను విలన్ ఆ.. లేక గతిలేక ఇలా చేశాడా అనేది పాయింట్.అంతే కాదు ఇంత చేసిన  సోంబాబు పాత్రకు  కూడా నైతిక విలువలు వుంటాయని చివర్లో చూపించారు. చివర్లో చిన్న మేసేజ్ కూడా కార్తీక్ బాబు వాయిస్ రూపంలో ఇస్తుంది. ఫస్ట్ హాఫ్ లో కామెడీ ట్రాక్ తో మొదలై... సోంబాబు లవ్, తన ప్రేయసి సోనాలి పాణిగ్రాహితో వివాహం తదితర అంశాలతో ఆడియన్స్ ను ఎంటర్ టైన్ చేశారు. సెకెండాఫ్ లో కొంత కుటుంబ డ్రామా... యాక్షన్ తదితర వాటితో ముగించారు. ఓ వరాల్ గా ‘బాబు నెం.1 బుల్ షిట్ గాయ్’ ఆడియన్స్ ను బాగా ఎంటర్ టైన్ చేస్తాడు. 

ఇక నటీనటుల విషయానికి వస్తే...అర్జున్ కల్యాణ్, కుషిత జంట చాలా రొమాంటిక్ గా అనిపించారు.. యూత్ ను బాగా  ఆకట్టుకున్నారు. ఇక  వీరిద్దరి మధ్య వచ్చే రొమాంటిక్ సాంగ్ అయితే అదిరిపోయిందని చెప్పాలి. హీరోయిన కుషిత అందాల గురించి ప్రత్యేకంగా చెప్పాల్సిన పనిలేదు. ఆమెను సోషల్ మీడియాలో ఫాలో అయ్యేవారికి ఈ విషయం బాగా తెలుస్తుంది. ఇక హీరోగా అర్జున్ కల్యాణ్ తన పరిధి మేరకు నటించి మెప్పించారు. అర్జున్ చాలా ఎనర్జిటిక్ గా నటించారు. అమెరికా నుంచి రిటర్న్ అయిన అబ్బాయిలు ఎలా ఉంటారో... అలానే చాలా పోర్ష్ గా కనిపించి ఆకట్టుకున్నాడు. ఇందులో ఈ సినిమా డైరెక్టర్ లక్ష్మణ్ వర్మ కూడా హీరో సమాన స్థాయి రోల్ పోషించారు. ఇక ఈసినిమాలో దర్శకుడు కూడా బాగా నటించాడు.. వారితో పాటు  కమెడియన్ భద్రం కాసేపు అక్కడక్కడ కనిపించి నవ్వించారు. జబర్దస్థ్ అప్పారావు పాత్ర కూడా పర్వాలేదు. హీరో తండ్రి పాత్రలో రవి వర్మ ఎప్పటిలాగే తన మార్క్ రౌద్రంతో నటించి మెప్పించారు. మిగతా పాత్రలన్నీ తమ తమ పాత్రల పరిధిమేరకు నటించి ఆకట్టుకుంటారు.

దర్శకుడు లక్ష్మణ్ వర్మ రాసుకున్న స్టోరీ, స్క్రీన్ ప్లే బాగున్నాయి. కుటుంబంతో కలిసి చూసే చాలా సన్నివేశాలు ఇందులో ఉన్నాయి. ఇందులో చిన్న మెసేజ్ కూడా ఇచ్చారు. సరదగా అన్ని వర్గాల ప్రేక్షకులు చూసేయొచ్చు. పి.ఎస్.మణికర్ణన్ సినిమాటోగ్రఫీ రిచ్ గా ఉంది. అర్జున్, కుషిత జంటను చాలా అందంగా... రొమాంటిక్ గా చూపించారు. అలాగే లక్ష్మణ్ వర్మ-సోనాలి పాణిగ్రాహి జంటను మాస్ గా... ఓ పేద కుటుంబం ఎలా ఉంటుందో బాగా క్యాప్చర్ చేసి చూపించారు. పవన్ సంగీతం బాగుంది. పాటలు బాగున్నాయి. నిర్మాత  దండు దిలీప్ కుమార్ రెడ్డి సినిమాని ఖర్చుకి వెనకాడకుండా తీశారు. నిర్మాణ విలువలు కూడా బాగున్నాయి.   

రేటింగ్: 2.5

టెక్నికల్ టీం:  
బ్యానర్ - డీడీ క్రియేషన్స్ 
నిర్మాత - దండు దిలీప్ కుమార్ రెడ్డి
ఎగ్జిక్యూటివ్ నిర్మాత - డి లక్ష్మీ నారాయణ (బుజ్జి)
దర్శకుడు - MLR (లక్ష్మణ వర్మ)
D.O.P - PS మణికర్ణన్
ఎడిటర్ - డి వెంకట ప్రభు
 సంగీత దర్శకుడు - పవన్
ఆదిత్య మ్యూజిక్  - మాధవ్ & నిరంజన్
ఈవెంట్ పార్టనర్ - హనుమాన్ డిజిటల్ మీడియా 
 డిజిటల్ పార్టనర్  - సిల్లీ మాంక్స్ 
ప్రొడక్షన్ కంట్రోలర్: అమ్మ సీను