మెగాస్టార్ ‘భోళా శంకర్’ షూటింగ్ పూర్తి.. వారికి థ్యాంక్స్ చెప్పిన మెహర్ రమేశ్..
By Asianet News | First Published Jul 3, 2023, 11:44 AM ISTమెగాస్టార్ చిరంజీవి - మెహర్ రమేశ్ కాంబోలో రూపుదిద్దుకుంటున్న చిత్రం ‘భోళా శంకర్’. ఇన్నాళ్లు శరవేగంగా షూటింగ్ జరుపుకున్న ఈ మూవీ నేడు పూర్తి చేసుకుంది. ఈ సందర్బంగా మెహర్ రమేశ్ స్పెషల్ ట్వీట్ చేశారు.
మెగా స్టార్ చిరంజీవి (Chiranjeevi) బ్యాక్ టు బ్యాక్ సినిమాలతో అభిమానులను, ప్రేక్షకులను అలరిస్తున్నారు. యంగ్ హీరోలతో పోటీ పడి సినిమాలు చేస్తున్న విషయం తెలిసిందే. చివరిగా ‘వాల్తేరు వీరయ్య’తో బ్లాక్ బాస్టర్ హిట్ అందుకున్న విషయం తెలిసిందే. దాంతర్వాత లేటెస్ట్ ఫిల్మ్ ‘భోళా శంకర్’ (Bholaa Shankar)తో ప్రేక్షకుల ముందుకు వస్తున్నారు. ఈ చిత్రంపైనా అంచనాలు నెలకొన్నాయి.
ఈ చిత్రానికి మెహర్ రమేశ్ దర్శకత్వం వహిస్తున్న విషయం తెలిసిందే. చిరును ‘భోళా శంకర్’లో నయా లుక్ లో చూపిస్తున్నారు. వింటేజ్ మెగాస్టార్ ను చూపించే ప్రయత్నం చేస్తున్నారు. ఇప్పటికే విడుదలైన పోస్టర్లు, సాంగ్స్ , టీజర్ చూస్తుంటే అర్థమవుతోంది. అయితే కొన్ని నెలలుగా ఈ సినిమా షూటింగ్ శరవేగంగా జరుగుతున్న విషయం తెలిసిందే. ఎట్టకేళలకు తాజాగా పూర్తైందని దర్శకుడు మెహర్ రమేశ్ తెలిపారు.
Latest Videos
undefined
ఈ సందర్భంగా స్పెషల్ ట్వీట్ చేశారు. మెగాస్టార్ తో చాలా ప్రేమగా ఉన్న ఫొటోలను అభిమానులతో షేర్ చేసుకున్నారు. అలాగే సినిమా కోసం రాత్రి పగలు కష్టపడ్డ యూనిట్ అందరికీ ప్రత్యేక ధన్యవాదాలని తెలిపారు. నటీనటులు కూడా బాగా సహకరించారని చెప్పారు. ఇప్పటికే పోస్ట్ ప్రొడక్షన్ పనులు కూడా ఫుల్ స్వింగ్ లో కొనసాగుతున్నాయని తెలిపారు. ఇక ప్రమోషన్స్ కార్యక్రమాలు, సాంగ్స్ రిలీజ్ లకు సంబంధించిన పనే మిగిలి ఉందని తెలిపారు.
ఈ చిత్రంలో చిరు సరసన మిల్క్ బ్యూటీ తమన్నా భాటియా (Tamannaah Bhatia) హీరోయిన్ గా నటిస్తోంది. మహానటి ఫేమ్ కీర్తి సురేష్ చెల్లెలి పాత్రలో అలరించబోతోంది. ఏకే ఎంటర్ టైన్ మెంట్ బ్యానర్ పై నిర్మాత అనిల్ సుంకర నిర్మించారు. చిత్రంలో బుల్లితెర యాక్ట్రెస్ శ్రీముఖి, రష్మీగౌతమ్ లు కూడా కనిపించబోతున్నారు. సాగర్ మహతీ సంగీతం అందిస్తున్నారు. ఆగస్టు 11న ఈ చిత్రం ప్రపంచ వ్యాప్తంగా విడుదల కాబోతోంది.
🔱 Shoot has completed 😇
Whole hearted thanks to the cast & crew who are working non-stop day & night 🙏
Post-production works going on with full swing. Promotions & song releases ahead. release 🙏🌟… pic.twitter.com/9ldUDfgsMv
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి