`భైరవద్వీపం` రీ రిలీజ్‌.. బాలయ్య ఫ్యాంటసీ వచ్చేది అప్పుడే..

ఇటీవల కాలంలో స్టార్‌ హీరోల సినిమాల రీ రిలీజ్‌లు బాగా ఎంకరేజ్‌ చేస్తున్నారు ఆడియెన్స్. అందులో భాగంగా ఇప్పుడు బాలయ్య నటించిన మరో మూవీ రిలీజ్‌ కాబోతుంది. 

Google News Follow Us

బాలయ్య నటించిన ఫాంటసీ మూవీ `భైరవద్వీపం`.. ఫాంటసీ మూవీస్‌లో ఓ ల్యాండ్‌ మార్క్ లాంటి చిత్రంగా నిలిచింది. ఇందులో మైథాలిజికల్‌ ఎలిమెంట్లకి ఫాంటసీని జోడించి తెరకెక్కించారు దర్శకుడు సింగీతం శ్రీనివాసరావు. బాలకృష్ణ, రోజా, రంభ నటించిన ఈ చిత్రం అప్పట్లో మంచి ఆదరణ పొందింది. కానీ ఫాంటసీ మూవీస్‌లో మంచి ప్రయత్నంగా నిలిచింది. 

సినిమా రిలీజ్‌ అయి దాదాపు 29ఏళ్లు పూర్తి చేసుకుంది. ముప్పై ఏళ్లకి చేరువలో ఉన్న నేపథ్యంలో ఇప్పుడు ఈ సినిమాని మళ్లీ రిలీజ్‌ చేస్తున్నారు. థియేటర్లలో విడుదల చేసేందుకు సన్నాహాలు చేస్తున్నారు. ఇటీవల సినిమాల రీ రిలీజ్‌ల ట్రెండ్‌ సాగుతున్న విషయం తెలిసిందే. `ఈ నగరానికి ఏమైంది` అనే సినిమాకి రిలీజ్‌ టైమ్ లో కంటే రీ రిలీజ్‌ టైమ్‌లోనే ఎక్కువ కలెక్షన్లు రావడం విశేషం. ఈ నేపథ్యంలో ఇప్పుడు `భైరవద్వీపం` మూవీని రీ రిలీజ్‌ చేస్తున్నారు. 

ఆగస్ట్ 5న 4కే రిజల్యూషన్‌తో ఈ మూవీని విడుదల చేస్తుండటం విశేషం. క్లాప్స్ ఇన్ఫోటైన్‌మెంట్స్ పతాకంపై పీవీ గిరి రాజు, పి దేవ్‌ వర్మ ఈ సినిమాని రీ రిలీజ్‌ చేస్తున్నారు. ముప్పై ఏళ్ల నాటి మ్యాజిక్‌ని రిపీట్ చేయాలని భావిస్తున్నారు. మరి ఈ మూవీ థియేటర్లలో ఏమేరకు ఆదరణ పొందుతుందో చూడాలి. ఇప్పటికే బాలయ్య నటించిన పలు సినిమాలు రీ రిలీజ్‌ అయ్యాయి. ఏదీ చెప్పుకునే విధంగా ఆడలేదు. మరి ఈ సినిమా పరిస్థితేంటనేది చూడాలి. 

ఇ ప్రస్తుతం బాలకృష్ణ `భగవంత్‌ కేసరి` చిత్రంలో నటిస్తున్నారు. అనిల్‌ రావిపూడి దర్శకత్వంలో రూపొందుతున్న చిత్రమిది. కాజల్‌ కథానాయికగా నటిస్తుంది. శ్రీలీల కీలక పాత్ర పోషిస్తుంది. ఈ సినిమా అక్టోబర్ 19న దసరా కానుకగా విడుదల కాబోతుంది. తెలంగాణ బ్యాక్‌ డ్రాప్‌లో ఈ సినిమా సాగుతుండటం విశేషం. ఇందులో బాలయ్య తెలంగాణ యాసలో మాట్లాడనున్నారు. 
 

About the Author

Aithagoni Raju

అయితగోని రాజు 2020 నుంచి ఏషియానెట్‌ తెలుగులో వర్క్ చేస్తున్నారు. ఆయనకు టీవీ, ప్రింట్‌, డిజిటల్‌ జర్నలిజంలో 13ఏళ్ల అనుభవం ఉంది. ప్రధానంగా న్యూస్‌, సినిమా జర్నలిజం, ఎంటర్‌టైన్‌మెంట్‌ రంగంలో ప్రముఖ సంస్థల్లో వర్క్ చేశారు. ప్రపంచ సినిమాని `షో`(నవతెలంగాణ) పేరుతో రాసిన ప్రత్యేక కథనాలు విశేష గుర్తింపుని తెచ్చిపెట్టాయి. ప్రస్తుతం ఏషియానెట్‌ తెలుగులో ఎంటర్‌టైన్‌ మెంట్ టీమ్‌ని లీడ్‌ చేస్తున్నారు. సబ్‌ ఎడిటర్‌గానే రిపోర్టర్ గా సినిమా ఫీల్డ్ అనుభవం ఉంది. ఎంటర్‌టైన్‌మెంట్‌ విభాగంలో సినిమా, టీవీ, ఓటీటీ కి సంబంధించి ఆసక్తికర కథనాలను, సినీ ఇండస్ట్రీలోని విషయాలను, సినిమా రివ్యూలు, విశ్లేషణాత్మక కథనాలు రాయడంలో మంచి పట్టు ఉంది. క్వాలిటీ కంటెంట్‌ని అందిస్తూ, క్వాలిటీ జర్నలిజాన్ని ముందుకు తీసుకెళ్లడంలో తనవంతు కృషి చేస్తున్నారు.Read More...
click me!