"పైసా వసూల్" మూవీ రివ్యూ

చిత్రం: పైసా వసూల్ నటీనటులు: నందమూరి బాలకృష్ణ, శ్రియ, ముస్కన్ సేథి, కైరా దత్ తదితరులు సంగీతం: అనూప్ రుబెన్స్ సినిమాటోగ్రఫీ: ముఖేష్. జి నిర్మాణం: భవ్య క్రియేషన్స్ నిర్మాత: ఆనంద ప్రసాద్ కథ-స్క్రీన్ ప్లే-దర్శకత్వం: పూరి జగన్నాధ్ ఆసియానెట్ రేటింగ్- 2.75/5

నందమూరి నటసింహం బాలకృష్ణ హీరోగా క్రిష్ దర్శకత్వంలో బాలయ్య 100వ సినిమాగా తెరకెక్కిన గౌతమిపుత్ర శాతకర్ణి ఏ రేంజ్ లో హిట్టయిందో చూశాం. దాంతో తర్వాతి సినిమా కూడా ఏ మాత్రం తగ్గకుండా మాంచి మాస్ మసాలా సినిమాగా వుండాలని.. డైరెక్టర్ పూరీజగన్నాథ్ తో జట్టుకట్టారు బాలయ్య. భారీ సక్సెస్ సాదించిన శాతకర్ణి తర్వాత పూరీ జగన్ దర్శకత్వంలో బాలకృష్ణ హీరోగా తెరకెక్కిన మూవీ పైసావసూల్ ప్రేక్షకులు ముందుకొచ్చింది. ట్రైలర్ రిలీజ్ నుంచే భారీ హైప్ క్రియేట్ అయిన ఈ మూవీలో బాలకృష్ణ రా ఏజెంట్ గా నటించాడు. మరి ఈ కాంబినేషన్ వర్కవుట్ అయిందా.. బాలకృష్ణను సరికొత్త లుక్ తో చూపించిన ఈ మూవీ రొటీన్ పూరీ సినిమాలానే వుందా.. మారిందా..చూద్దాం.

కథ:

పెద్దగా ట్విస్ట్ లూ టర్న్ లూ ఏమీ లేని కథ. జేమ్స్ బాండ్ తరహాలో మారువేషాల్లో వెళ్లి తన పని చేసుకుపోయే తేడాసింగ్ అనే కేరక్టర్ ఆధారంగా స్టోరీ వుంటుంది. ఈ తేడా సింగ్ చాలా తేడా తేడా గా బిహేవ్ చేస్తూ అందరి దృష్టిలో పడతాడు. డేరింగ్ అండ్ డాషింగ్ గా ఎవరితోనైనా తలపడుతుంటాడు. బాబ్ మార్లో అనే ఇంటర్నేషనల్ డాన్ ని తుదముట్టించడం కోసం ఇంటలిజెన్స్ డిపార్ట్మెంట్ సరైన వ్యక్తి కోసం ఎదురుచూస్తుంటుంది. ఆ టాస్క్ కోసం తేడా సింగ్ ని ఉపయోగించుకోవాలని ప్లాన్ చేస్తుంది. మరి తేడా సింగ్ ఆ టాస్క్ ఒప్పుకున్నాడా ? ఇంతకూ తేడా సింగ్ ఎవరు? ఎందుకింత తేడా గా బిహేవ్ చేస్తుంటాడు? ఈ ప్రశ్నలకు సమాధానం తెలియాలంటే ‘పైసా వసూల్’ చూడాల్సిందే.

ఎలా వుందంటే:

కథ మీద కన్నా కథనం మీద ఆధార పడ్డ సినిమా ఇది . కేవలం హీరో క్యారక్టర్యజేషన్ మీద బేస్ అయ్యి పూరి ఈ స్టోరీ తయారు చేసుకున్నాడనిపిస్తుంది. ఆ విషయం లో పూరి సక్సెస్ అయ్యాడు కూడా. ఫైట్స్ లో , డైలాగ్స్ చెప్పడంలో డబుల్ జోష్ కనిపిస్తుంది. అయితే డైలాగ్ డోస్ ఎక్కువై చిరాగ్గా అనిపించినా అవి చెప్తోంది బాలయ్య కాబట్టి ప్రేక్షకులు అడ్జస్ట్ అయిపోయే పరిస్థితి కనిపిస్తుంది.

ఇక సీనియర్ ఎన్టీఆర్ నటించిన ‘జీవిత చక్రం’ సినిమాలోని ‘కంటిచూపు చెబుతోంది’ పాటను ఇందులో రీమిక్స్ చేసారు. ఆ పాటలో ఫస్ట్ టైమ్ బాలకృష్ణ తన తండ్రి లా స్టెప్స్ వేయడానికి ప్రయత్నించారు. ఈ పాటకు ఫాన్స్ పరవళ్లు తొక్కడం ఖాయం. సినిమా మొత్తం బాలకృష్ణ వన్ మాన్ షో లాగా నడిపించేసాడు. మొత్తానికి ఈ మధ్య కాలంలోని పూరి ట్రాక్ రికార్డ్ ని దృష్టిలో పెట్టుకుని భయపడుతున్న అభిమానులకు భారీ విందుభోజనాన్ని అందివ్వలేకపోయినా... పూరి జగన్నాధ్ నిరాశపరచకుండా చూసుకున్నాడని చెప్పాలి. అభిమానులకు  సూపర్ అనిపించేలా, అభిమానులు కానివాళ్ళకు కూడా బాగుందనిపించేలా బాలయ్యను చూపించాడు పూరీ జగన్.

నటీనటులు:

నిమాలు హిట్స్ కావచ్చు లేక్ ఫ్లాప్ కావచ్చు. కాని నటన పరంగా బాలకృష్ణ ఎప్పుడూ ఫెయిల్ అవ్వలేదు. దానికి ఈ “పైసా వసూల్” మినహాయింపేమీ కాదు. ఒక్క మాటలో చెప్పాలంటే పూరి మార్కు హీరో పాత్రలో బాలయ్య నటన అభిమానులతో ఈలలు వేయించడం ఖాయం, అభిమానులు కాని వాళ్ళను కూడా అలరించడం ఖాయం. బాలకృష్ణ ‘తేడా సింగ్’ గా చాలా బాగా చేసాడు. ఆయన ఇప్పటివరకూ ఇలాంటి క్యారెక్టర్ చేయలేదు. పేరుకి తగ్గట్టుగానే తేడా తేడా గా నటిస్తూ తేడా సింగ్ పాత్రలో బాలకృష్ణ బ్రహ్మాండంగా ఒదిగిపోయారు. శాతకర్ణి గా రాజసం చూపించింది ఈయనేనా అనే ఆశ్చర్యం కలుగుతుంది. శ్రియ , ముస్కాన్ , కైరా దత్ లు తమతమ పాత్రలకు తగ్గట్టు పర్వాలేదనిపించారు. కబీర్ బేడీ, విక్రంజీత్ లు వాళ్ల పాత్రల్లో ఫ్రెష్ గా అనిపించారు. ఆలీ కామెడీ పెద్దగా వర్కవుట్ కాలేదు.

సాంకేతిక నిపుణులు :

ఇటీవల దర్శకుడు పూరి జగన్నాధ్ సినిమాల్లో ఎక్కువశాతం బాక్సాఫీస్ వద్ద బోర్లాపడ్డాయి. అతని చివరి సినిమా “రోగ్” అయితే మరీ దారుణంగా కనీస స్థాయి బిజినెస్ కూడా జరగని పరిస్థితి. అందుకే పూరి ఈ సినిమా విషయంలో జాగ్రత్త పడ్డాడనిపిస్తుంది. ఎక్కడా తడబాటు లేకుండా తన మార్క్ స్పీడ్ టేకింగ్ తో సినిమా ని చక చక పరుగెత్తించాడు. తన ప్రధాన అస్త్రమైన హీరో క్యారక్టర్యజేషన్ , ఆటిట్యూడ్ నే మళ్ళీ నమ్ముకొని ఈ సినిమా తీసాడు. బాలకృష్ణ ను ఇలా చూపించొచ్చని ఎవరూ ఊహించని విధంగా తీసాడు. ముకేష్ సినిమటోగ్రఫీ  ఈ సినిమా కి మంచి ఎసెట్ గా నిలిచింది. ఇక అనూప్ రూబెన్స్ మ్యూజిక్ ఈ సినిమా కి మెయిన్ పిల్లర్. పాటలన్నీ బాగున్నాయి. రీ-రికార్డింగ్ కూడా బాగుంది.

ప్లస్ పాయింట్స్ :

బాలకృష్ణ, పూరి మార్క్ హీరోయిజం

మైనస్ పాయింట్స్ :

రొటీన్ కథ, ఓవర్ డైలాగులు, కామెడీ పండకపోవడం

ఎలా వుందంటే:

థ మీద కన్నా కథనం మీద ఆధార పడ్డ సినిమా ఇది . కేవలం హీరో క్యారక్టర్యజేషన్ మీద బేస్ అయ్యి పూరి ఈ స్టోరీ తయారు చేసుకున్నాడనిపిస్తుంది. ఆ విషయం లో పూరి సక్సెస్ అయ్యాడు కూడా.ఫైట్స్ లో కానీ, డైలాగ్స్ చెప్పడంలో కానీ, డబల్ జోష్ కనిపిస్తుంది. ఎన్టీఆర్ ‘జీవిత చక్రం’ సినిమాలోని ‘కంటిచూపు చెబుతోంది’ పాటను ఇందులో రీమిక్స్ చేసారు. ఆ పాటలో ఫస్ట్ టైమ్ బాలకృష్ణ తన తండ్రి లా స్టెప్స్ వేయడానికి ప్రయత్నించారు. ఈ పాటకు ఫాన్స్ పరవళ్లు తొక్కడం ఖాయం. సినిమా మొత్తం బాలకృష్ణ వన్ మాన్ షో లాగా నడిపించేసాడు. మొత్తానికి ఈ మధ్య కాలంలోని పూరి ట్రాక్ రికార్డ్ ని దృష్టిలో పెట్టుకుని భయపడుతున్న అభిమానులకు భారీ విందుభోజనాన్ని అందివ్వలేకపోయినా... పూరి జగన్నాధ్ నిరాశపరచకుండా చూసుకున్నాడని చెప్పాలి. అభిమానులకు  సూపర్ అనిపించేలా, అభిమానులు కానివాళ్ళకు కూడా బాగుందనిపించేలా బాలయ్యను చూపించాడు పూరీ జగన్.

చివరగా:

మొత్తానికి రొటీన్ స్టోరీతో వచ్చినా “పైసా వసూల్” తో పూరీ హిట్ కొట్టాడు.