`గాడ్‌ఫాదర్` అవుతానంటోన్న బాలయ్య‌.. ట్రెండ్‌ సెట్‌ చేస్తారా?

బాలకృష్ణ ప్రస్తుతం  బోయపాటి శ్రీను దర్శకత్వంలో ఓ సినిమాలో నటిస్తున్నారు. `సింహా`, `లెజెండ్‌` తర్వాత వీరి కాంబినేషన్‌లో రూపొందుతున్న చిత్రమిది. మిర్యాల రవీందర్‌రెడ్డి నిర్మిస్తున్నారు.  ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. దీనికి పవర్‌ఫుల్‌ టైటిల్‌ వినిపిస్తుంది.

బాలకృష్ణ గాడ్‌ ఫాదర్‌లా మారబోతున్నాడా? తాను గాడ్‌ ఫాదర్‌గాని శాషించబోతున్నాడా? గాడ్‌ ఫాదర్‌గా కొత్త ట్రెండ్‌ సెట్‌ చేయబోతున్నాడా? అంటే అవుననే వార్తలు సోషల్‌ మీడియా నుంచి వినిపిస్తున్నాయి. మరి బాలయ్య `గాడ్‌ ఫాదర్‌`గా మారడమేంటనేది చూస్తే.. ప్రస్తుతం ఆయన బోయపాటి శ్రీను దర్శకత్వంలో ఓ సినిమాలో నటిస్తున్నారు. `సింహా`, `లెజెండ్‌` తర్వాత వీరి కాంబినేషన్‌లో రూపొందుతున్న చిత్రమిది. మిర్యాల రవీందర్‌రెడ్డి నిర్మిస్తున్నారు. 

ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. ఇందులో ప్రగ్యా జైశ్వాల్‌ ఓ హీరోయిన్‌గా నటిస్తుండగా, సినిమాలో బాలయ్య ద్విపాత్రాభినయం చేస్తున్నట్టు తెలుస్తుంది. ఓ పాత్రలో అఘోరాగా కనిపిస్తారనే వార్త చాలా రోజులుగా చక్కర్లు కొడుతుంది. దాదాపు ఈ సినిమా షూటింగ్‌ చివరి దశకు చేరుకుంది. మే 28న విడుదలకు రెడీ అవుతుంది. ఈ నేపథ్యంలో ఇంకా సినిమా టైటిల్‌ని ఖరారు చేయలేదు. 

ఇంకా టైటిల్‌ నిర్ణయించకపోవడంపై అభిమానులు అసంతృప్తితో ఉన్నారు. దీనికి పలు పేర్లు ఆ మధ్య సోషల్‌ మీడియాలో వినిపించాయి. కానీ ఏది కన్ఫమ్‌ కాలేదు. ఈ క్రమంలో తాజాగా ఓ పవర్‌ఫుల్‌ నేమ్‌ని చిత్ర బృందం ఆలోచిస్తున్నారట. బాలకృష్ణ అంటేనే పవర్‌ఫుల్‌ నేమ్స్ కి కేరాఫ్‌. ముఖ్యంగా సినిమా ఎలా ఉన్నా, టైటిల్‌కి బలంగా, మాస్‌గా ఉండేలా చేసుకుంటారు. ఇప్పుడు అదిరిపోయే టైటిల్‌ని అనుకుంటున్నారట. దీనికి `గాడ్‌ఫాదర్‌` అనే పేరుని పరిశీలిస్తున్నట్టు ప్రస్తుతం ఓ వార్త చక్కర్లు కొడుతుంది. మరి ఇందులో నిజమెంతా అనేది తెలియాల్సి ఉంది. మాఫియా నేపథ్యంలో హాలీవుడ్‌లో `గాడ్‌ఫాదర్‌` సినిమా వచ్చి ట్రెండ్‌ సెట్‌ చేసిన విషయం తెలిసిందే. మరి బాలకృష్ణ ట్రెండ్‌ సెట్టర్‌ అవుతాడా? అనేది చూడాలి. కానీ ఈ టైటిల్‌ విషయంలో బాలయ్య అభిమానులు మాత్రం ఫుల్‌ ఖుషీ అవుతున్నారు.