బాహుబలి కలెక్షన్స్.. లేటెస్ట్... ఏపీ తెలంగాణ

గత సినిమాల కలెక్షన్ల రికార్డులు చెరిపేసిన బాహుబలి2 బాహుబలి2 బ్రేక్ ఈవెన్ కు చేరుకోవటంతో ఇక పంపిణీదారులకు లాభాల పంట ఏపీ, తెలంగాణల్లో  5రోజుల్లోనే  రూ. 109 కోట్ల షేర్ దక్కించుకున్న బాహుబలి2

తెలుగు సినిమాకు ప్రపంచ స్థాయి కీర్తిని తెచ్చిపెట్టిన బాహుబలి చిత్రం ఏప్రిల్ 28న విడుదలై  ప్రపంచవ్యాప్తంగా దిగ్విజయంగా నడుస్తున్న సంగతి తెలిసిందే. వసూళ్ల పరంగా ఈ చిత్రం రోజుకో కొత్త రికార్డును నెలకొల్పుతోంది. ఇక తెలుగు రాష్ట్రాల్లో అయితే ప్రేక్షకులు ఈ చిత్రానికి కాసుల వర్షం కురిపిస్తున్నారు. ప్రదర్శితమవుతున్న అన్ని థియేటర్లు దాదాపు హౌజ్ ఫుల్ కలెక్షన్లతో నడుస్తున్నాయి. దీంతో 5 రోజులకే రూ. 100 కోట్ల షేర్ ను దక్కించుకున్న ఈ చిత్రం 6వ రోజు కూడా అదే జోరును కొనసాగించింది.

ఆరు రోజులకు గాను నైజాం ఏరియాలో రూ. 32.09 కోట్లు రాబట్టిన ఈ చిత్రం ఇతర ప్రాంతాలైన సీడెడ్లో రూ. 19. 05 కోట్లు, నెల్లూరులో రూ. 4. 33 కోట్లు, గుంటూరులో రూ. 11. 44 కోట్లు, కృష్ణాలో రూ. 7. 87 కోట్లు, వెస్ట్ గోదావరిలో రూ. 9. 01 కోట్లు, ఈస్ట్ గోదావరిలో రూ. 11. 45 కోట్లు, ఉత్తరాంధ్రలో 14. 05 కోట్లు వసూలు చేసి మొత్తంగా రూ. 109. 29 కోట్ల షేర్ ను తన ఖాతాలో వేసుకుంది.