'లక్ష్మీస్ ఎన్టీఆర్'.. చంద్రబాబుకి మరో షాక్!

సంచలన దర్శకుడు రామ్ గోపాల్ వర్మ 'లక్ష్మీస్ ఎన్టీఆర్' సినిమాను రూపొందిస్తోన్న సంగతి తెలిసిందే. ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇటీవల సినిమా ట్రైలర్ విడుదలై జనాల దృష్టిని ఆకర్షించింది.

ఇప్పటికే ఈ సినిమాను 'వెన్నుపోటు', 'ఎందుకు' పాటలు విడుదల చేసిన వర్మ తాజాగా మరో పాటను విడుదల చేశాడు. ''అవసరం.. అవసరం.. అవసరం.. ఆస్తులన్నీ పంచేవరకే తండ్రి అవసరం.. వరకట్నం ఇచ్చేవరకే మామ అవసరం..'' అంటూ సాగే ఈ పాటలో ఎన్టీఆర్ కుటుంబ సభ్యులతో పాటు చంద్రబాబునాయుడిని కూడా విమర్శించారు

రామ్ గోపాల్ వర్మ. ఆస్తులిచ్చే వరకు అవసరం కోసం ఎన్టీఆర్ కుటుంబసభ్యులు అతడితో ఉన్నారని, ఎన్టీఆర్ ని కష్టకాలంలో ఎవరూ పట్టించుకోలేదని ఈ పాట ద్వారా చెప్పే ప్రయత్నం చేశారు.

సిరాశ్రీ రాసిన ఈ పాటనువిల్సన్ హెరాల్డ్ పాడారు. కళ్యాణి మాలిక్ సంగీతం అందిస్తున్నారు. ఈ నెల 22న సినిమాను విడుదల చేయడానికి ప్లాన్ చేస్తున్నారు.