యూత్‌ఫుల్‌ లవ్‌, యాక్షన్‌ ఎంటర్‌టైనర్‌గా తెరకెక్కిన సినిమాలో అశోక్‌కు జోడీగా నటి నిధి అగర్వాల్‌ సందడి చేసారు. జిబ్రాన్ స్వరాలు అందిస్తున్నారు. అమరరాజా మీడియా ఎంటర్‌టైన్‌మెంట్‌ పతాకంపై ఈ చిత్రాన్ని నిర్మించారు.
ప్రిన్స్ మహేష్ బాబు మేనల్లుడు ..తెలుగు దేశం పార్టీ ఎంపీ గల్లా జయదేవ్ కుమారుడు అశోక్‌ హీరోగా వెండితెరకు పరిచయం అయిన చిత్రం ‘హీరో’. శ్రీరామ్‌ ఆదిత్య దర్శకత్వం వహించిన ఈ సినిమా సంక్రాంతి కానుకగా రిలీజైంది. మిక్సెడ్ టాక్ తెచ్చుకుంది. అయితే కలెక్షన్స్ మాత్రం చెప్పుకోదగిన రీతిలో లేవు. ఈ సినిమాకు గల్లా పద్మావతి నిర్మాతగా వ్యవహరించారు. జగపతి బాబు, నరేష్, బ్రహ్మాజీ, రోల్ రీడా కీలకపాత్రలలో నటించారు. కోవిడ్ నేపధ్యంలో ఈ సినిమా వర్కవుట్ కాలేదని చెప్తున్నారు. దాంతో చాలా మంది ఓటీటి రిలీజ్ కోసం ఎదురుచూస్తున్నారు.
అందుతున్న సమాచారం మేరకు ఈ చిత్రం ఓటీటి ప్లాట్ ఫామ్ కూడా ఫిక్సైంది.అమేజాన్ ప్రైమ్ లో ఈ సినిమా స్ట్రీమ్ కానుంది. అయితే రిలీజైన నెల తర్వాత అంటే పిబ్రవరి 13 నుంచి ఈ సినిమా స్ట్రీమ్ కానుంది. యూత్‌ఫుల్‌ లవ్‌, యాక్షన్‌ ఎంటర్‌టైనర్‌గా తెరకెక్కిన సినిమాలో అశోక్‌కు జోడీగా నటి నిధి అగర్వాల్‌ సందడి చేసారు. జిబ్రాన్ స్వరాలు అందిస్తున్నారు. అమరరాజా మీడియా ఎంటర్‌టైన్‌మెంట్‌ పతాకంపై ఈ చిత్రాన్ని నిర్మించారు.
చిత్రం కథేమిటంటే...హీరో కావాలనుకునే కుర్రాడు అర్జున్‌ (అశోక్‌ గల్లా). అతని నైబర్‌ కమ్‌ గర్ల్ ఫ్రెండ్‌ సుబ్బు (నిధి అగర్వాల్‌). అర్జున్‌ తండ్రి వెటర్నరీ డాక్టర్‌ (నరేష్). అతని దగ్గర పనిచేస్తుంటుంది సుబ్బు. అనుకోకుండా ఓ సందర్భంలో సుబ్బు తండ్రిని కలుస్తాడు అర్జున్‌. వాళ్లిద్దరికీ ఫస్ట్ మీటింగ్‌ నుంచే పడదు. అయినా అతన్ని ఓ ఆపద నుంచి కాపాడుతుంటాడు అర్జున్‌. అర్జున్‌ పేరుతో ఉన్న ఆ ఇంకో వ్యక్తి ఎవరు? అతనికి సుబ్బు ఫాదర్‌కి ఉన్న గొడవలేంటి? సుబ్బు తండ్రి ఫ్లాష్‌బ్యాక్‌లో ఎలకు? అర్జున్‌ సమస్యలు తెలుసుకుని అతని తండ్రి ఎలా రియాక్ట్ అయ్యాడు? మధ్యలో ముంబై భాయ్‌ ఎవరు? వంటివన్నీ సెకండ్‌ హాఫ్‌లో తెలిసే విషయాలు.