ఆకతాయి హీరో ఆశిష్ 'ఇగో ' చిత్రం ప్రారంభం

వికెఎస్ ఫిలిమ్స్ బ్యానర్లో కె.ఆర్.విజయ్ కరణ్,కౌషల్,అనిల్ కరణ్ నిర్మాణంలో మరో మూవీ "ఆకతాయి" ఫేమ్ ఆశిష్, సిమ్రాన్ జంటగా 'ఇగో' ( ఇందు గోపి) ఆర్ వి సుబ్రహ్మణ్యం దర్శకత్వంలో తెరకెక్కుతున్న ఇగో షూటింగ్ ప్రారంభం  

మా తుల్జా భవాని ఆశీస్సులతో  వికెఎస్ ఫిలిమ్స్ బ్యానర్ లో కె ఆర్ విజయ్ కరణ్, కె ఆర్ కౌషల్, కె ఆర్ అనిల్ కరణ్ ల నిర్మాణం లో "ఆకతాయి" ఫేమ్ ఆశిష్, సిమ్రాన్ జంటగా ఆర్ వి సుబ్రహ్మణ్యం దర్శకత్వం వహిస్తున్న చిత్రం 'ఇగో' ( ఇందు గోపి). ఈ నూతన చిత్ర ప్రారంభోత్సవం ఆదివారం అన్నపూర్ణ స్టూడియో లో  ఘనంగా జరిగింది. ముహూర్తపు సన్నివేశానికి క్లాప్ సాయి కార్తీక్ ఇవ్వగా, కెమెరా స్విచ్ ఆన్ శ్రీనివాస్ గౌడ్ చేశారు. తుమ్మలపల్లి రామసత్యనారాయణ గౌరవ దర్శకత్వం వహించారు. 

ఈ సందర్భంగా దర్శకుడు సుబ్రమణ్యం మాట్లాడుతూ.. "ఇద్దరి యంగ్ స్టర్స్ మధ్య కలిగే ఇగో నే ఈ చిత్ర ప్రధానాంశం. ఈ చిత్రం  చాలా డిఫరెంట్ ఉంటుంది , ఈ బ్యానర్ లో ఇది నా రెండో చిత్రం అవ్వడం సంతోషంగా ఉంది అన్నారు. 

ఈ చిత్ర నిర్మాత మాట్లాడుతూ..  "87 కథలు విన్న తరువాత సుబ్బు చెప్పిన ఈ కథ నచ్చి చేస్తున్న చిత్రమిది, ఈ సోమవారం నుంచే రామోజిఫిల్మ్ సిటీ లో షూటింగ్ ప్రారంభమవుతుంది, 3 షెడ్యూల్ లో షూటింగ్ పూర్తి చేసి సెప్టెంబర్ లో విడుదల చేయడానికి ప్రయతిస్తాం అంటూ తెలిపారు. 

రామసత్యనారాయణ మాట్లాడుతూ.. "ఇద్దరి ఇగో ఇష్టల  స్టోరీ నే ఈ చిత్రం. ఈ చిత్ర నిర్మాతలు బడ్జెట్ కు వెనకాడకుండా సినిమా పూర్తి చేసే రకం కనుక చిత్రం మంచి క్వాలిటీ గా ఉంటుందని నమ్ముతున్నా, ఈ చిత్రం లో నటించిన ప్రతి ఒక్కరికీ నా అభినందనలు తెలియచేస్తున్నా" అన్నారు. 

అనంతరం హీరో ఆశిష్ రాజ్, హీరోయిన్ సిమ్రాన్ లు మాట్లాడుతూ ఈ చిత్ర అవకాశం ఇచ్చినందుకు దర్శక నిర్మాతలకు  మా కృతజ్ఞతలని తెలిపారు. 

ఆశిష్ రాజ్, సిమ్రాన్ జంటగా నటిస్తున్న ఈ నూతన చిత్రానికి కొరియోగ్రాఫర్: విజ్ఞేష్, లిరిక్స్: భాస్కరభట్ల, కాసర్ల శ్యామ్, బాలాజీ, మేకప్: వేణు, స్టంట్స్: నందు, ఆర్ట్ డైరెక్టర్: ఆర్ కె రెడ్డి,  సంగీతం: సాయి కార్తీక్, నిర్మాతలు: కె ఆర్ విజయ్ కుమార్, కె ఆర్ కౌషల్ కరణ్, కె ఆర్ అనిల్ కరణ్, కథ- స్క్రీన్ ప్లే- మాటలు- దర్శకత్వం : ఆర్ వి. సుబ్రహ్మణ్యం(సుబ్బు).