బ్రహ్మానందాన్ని కలిసిన అల్లు అర్జున్.. ఐకాన్ స్టార్ కు గజమాలతో సత్కారం.. ఇంతకీ ఎందుకు కలిశారంటే.?
By Asianet News | First Published Aug 25, 2023, 7:26 PM ISTఐకాన్ స్టార్ అల్లు అర్జున్ తాజాగా సీనియర్ నటుడు, కమెడియన్ బ్రహ్మానందాన్ని ఆయన ఇంటిలో కలిశారు. ఈ సందర్భంగా బన్నీని ఘనంగా సత్కరించి అభినందనలు తెలిపారు. నేషనల్ అవార్డ్ పొందిన తర్వాత బ్రహ్మానందాన్ని కలవడం విశేషం.
స్టార్ హీరో, ఐకాన్ స్టార్ అల్లు అర్జున్ (Allu Arjun) నేషనల్ అవార్డును దక్కించుకున్న విషయం తెలిసిందే. కేంద్ర ప్రభుత్వం గురువారం ప్రకటించిన 69వ సినీ జాతీయ అవార్డుల్లో బన్నీకి బెస్ట్ యాక్టర్ కేటగిరీలో అవార్డు వరించింది. దీంతో టాలీవుడ్ లోకి నేషనల్ అవార్డ్స్ సంబురాలను తీసుకొచ్చింది. బన్నీకి సినీ ప్రముఖులు, అభిమానులు పెద్ద ఎత్తున అభినందనలు తెలిపారు. తొలిసారిగా తెలుగు నటుడు జాతీయ అవార్డును సొంతం చేసుకోవడం పట్ల హర్షం వ్యక్తం చేశారు. ఇప్పటికీ శుభాకాంక్షలు తెలుపుతూనే ఉన్నారు. సెలబ్రేషన్స్ సాగుతూనే ఉన్నాయి.
ఇదిలా ఉంటే.. నేషనల్ అవార్డ్స్ ప్రకటన తర్వాత అల్లు అర్జున్ ప్రముఖ హాస్యనటుడు బ్రహ్మానందం ఇంటికి వెళ్లారు. భారతీయ చిత్ర పరిశ్రమలో చెరగని ముద్రవేసిన నటుడు బ్రహ్మనందం ఇంట్లో చాలా సేపు ముచ్చటించారు. అయితే ఆయన ద్వితీయ కుమారుడు సిద్ధార్థ వివాహ వేడుక ఇటీవల ఘనంగా జరిగిన విషయం తెలిసిందే. ఆగస్టు 19న జరిగిన వారి వివాహ వేడుకకు సినీ ప్రముఖులు, రాజకీయ వేత్తలు హాజరైన నూతన వధూవరులను ఆశీర్వదించారు. ఇక అల్లు అర్జున్ అప్పుడు రాలేకపోయినందున ఈరోజు న్యూ కపుల్ ను కలిసి విష్ చేశారు.
Latest Videos
undefined
ఆ తర్వాత బ్రహ్మానందంతో కలిసి గంటకు పైగా ముచ్చటించారు. ఇక ఉత్తమ నటుడిగా బన్నీ జాతీయ అవార్డును సొంతం చేసుకోవడంతో గజమాలతో బ్రహ్మానందం సత్కరించారు. అభినందనలు తెలిపారు. ఇందుకు సంబంధించిన ఫొటోలు వైరల్ గా మారాయి. ఇక బ్రహ్మానందం - అల్లు అర్జున్ కాంబోలో వచ్చిన ‘ఆర్య2’ ‘జూలాయి’ తదితర చిత్రాలు ఎంతలా అలరించాయో తెలిసిందే. ప్రస్తుతం అల్లు అర్జున్ ‘పుష్ప2’లో నటిస్తున్నారు. చిత్ర షూటింగ్ శరవేగంగా జరుగుతోంది. పుష్ప : ది రైజ్ లో అల్లు అర్జున్ నటనటకు జాతీయ అవార్డు దక్కడంతో Pushpa 2పై భారీ అంచనాలు నెలకొన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి