అల్లు అర్జున్‌ కోసం నలుగురు దర్శకులు.. చిరంజీవిని ఫాలో అవుతున్నారా?

అల్లు అర్జున్‌ స్పెషల్‌ బర్త్ డే సీడీపీ కోసం నలుగురు దర్శకులు ముందుకు రావడం విశేషం. సుకుమార్‌, కొరటాల శివ, హరీష్‌ శంకర్‌, మారుతి కలిసి ఒకేసారి ఈ రోజు సాయంత్రం ఆరుగంటలకు బన్నీ బర్త్ డే సీడీపీని రిలీజ్‌ చేయబోతున్నారు.

అల్లు అర్జున్‌ పుట్టిన రోజు ఈ నెల 8న. దీంతో ఆయన బర్త్ డే సందర్భంగా ఓ స్పెషల్‌ సీడీపీ ప్లాన్‌ చేస్తున్నారు. దీన్ని భారీగా రిలీజ్‌ చేయబోతున్నారు. ఈ బర్త్ డే సీడీపీని నేడు(మంగళవారం) విడుదల చేయబోతున్నారు. ఈ స్పెషల్‌ బర్త్ డే సీడీపీ కోసం నలుగురు దర్శకులు ముందుకు రావడం విశేషం. సుకుమార్‌, కొరటాల శివ, హరీష్‌ శంకర్‌, మారుతి కలిసి ఒకేసారి ఈ రోజు సాయంత్రం ఆరుగంటలకు బన్నీ బర్త్ డే సీడీపీని రిలీజ్‌ చేయబోతున్నారు. ఈ గురువారం రోజున ఆయన తన 38వ పుట్టిన రోజుని జరుపుకుంటున్నారు. 

ఇదిలా ఉంటే ప్రస్తుతం అల్లు అర్జున్‌ `పుష్ప` చిత్రంలో నటిస్తున్నారు. ఈ చిత్రం నుంచి బన్నీకి, ఆయన అభిమానులకు మంచి గిఫ్ట్ ఇవ్వబోతున్నారు. టీజర్‌ని విడుదల చేయాలని భావిస్తున్నారు. ఇప్పటికే విడుదల చేసిన గ్లింప్స్ ఆద్యంతం ఆకట్టుకోవడంతోపాటు సినిమాపై అంచనాలను అమాంతం పెంచేసింది. ఇక బర్త్ డే సందర్భంగా రేపు(ఏప్రిల్‌7)న సాయంత్రం విడుదల చేయబోతున్నారు. దీన్ని ఓ ఈవెంట్ గా రిలీజ్‌ చేసేందుకు యూనిట్‌ ప్లాన్‌ చేయడం విశేషం. సుకుమార్‌ దర్శకత్వంలో `పుష్ప` చిత్రం రూపొందుతున్న విషయం తెలిసిందే. రష్మిక మందన్నా కథానాయికగా నటిస్తుంది. మాలీవుడ్‌ స్టార్‌ హీరో ఫాహద్‌ ఫాజిల్‌ విలన్‌గా నటిస్తున్నారు. 

ఇదిలా ఉంటే `పుష్ప` చిత్రంలో పుష్పరాజ్‌ పాత్ర టీజర్‌ని ఓ ఈవెంట్‌గా విడుదల చేయడం ఇప్పుడు ఆసక్తిరంగా మారింది. ఎందుకంటే చిరంజీవి పుట్టిన రోజు ముందు రోజు ఓ ఈవెంట్‌ని నిర్వహించడం సాధారణంగా జరుగుతుంది. ఈ సారి రామ్‌చరణ్‌ బర్త్‌ డే సందర్భంగా కూడా బర్త్ డే సెలబ్రేషన్‌తో ఈవెంట్‌ని నిర్వహించారు. అలాగే బన్నీ కూడా ఈవెంట్‌ని ప్లాన్‌ చేయడం ఆసక్తిని రేకెత్తిస్తుంది. చెర్రీ, బన్నీ.. ఇద్దరు బర్త్ డే సెలబ్రేషన్స్ విషయంలో చిరంజీవిని ఫాలో అవుతున్నారని నెటిజన్లు కామెంట్‌ చేస్తున్నారు. ఏదేమైనా మెగా అభిమానులంటే సెలబ్రేషన్స్ ని ఇష్టపడతారు. బర్త్ డేని సెలబ్రేట్‌ చేసుకోవడంలో తప్పేమి లేదని మెగా అభిమానుల మాట. మరి బన్నీ సెలబ్రేషన్‌ ఈ సారికేనా, లేక ప్రతి ఏడాది చేస్తారా? అన్నది చూడాలి.