ప్రభాస్ ఫ్యాన్స్ ముందుగానే సర్ప్రైజ్ రెడీ అవుతుంది. `ఆదిపురుష్‌` టీజర్‌ కంటే ముందే టీజర్‌ పోస్టర్‌ని విడుదల చేయబోతున్నారు. అందుకు టైమ్‌ ఫిక్స్ చేశారు.
`ఆదిపురుష్‌` టీమ్‌ ప్రభాస్ ఫ్యాన్స్ కి బ్యాక్‌ టూ బ్యాక్‌ సర్‌ప్రైజ్‌లు ప్లాన్‌చేసింది. ఇన్నాళ్లు సినిమా నుంచి ఎలాంటి అప్‌డేట్‌ ఇవ్వని టీమ్‌ ఇప్పుడు గ్యాప్‌లేకుండా ట్రీట్‌లు ఇవ్వబోతుంది. `ఆదిపురుష్‌` టీజర్‌ని అక్టోబర్‌ 2న అయోధ్యలో విడుదల చేయబోతున్నారు. గ్రాండ్‌గా ఈవెంట్‌ ప్లాన్‌ చేసి మరీ ఈ టీజర్‌ని రిలీజ్‌ చేయబోతున్నట్టు యూనిట్‌ ప్రకటించిన విషయం తెలిసిందే.
ఇప్పుడు అంతకంటే ముందే మరో సర్ప్రైజ్ ప్లాన్‌ చేసింది. రేపే టీజర్‌ పోస్టర్ ని విడుదల చేయబోతున్నారు. అయితే ఇప్పటి వరకు సినిమాకి సంబంధించి ఎలాంటి ఫస్ట్ లుక్‌ రాలేదు. ప్రభాస్ లుక్‌ ఎలా ఉండబోతుందో అనేది కూడా పెద్ద సస్పెన్స్ నెలకొంది. ఈ నేపథ్యంలో టీజర్‌ పోస్టర్ ఇప్పుడు రిలీజ్‌ చేయబోతుంది. సెప్టెంబర్‌ 30న `ఆదిపురుష్‌` టీజర్‌ పోస్టర్‌ని విడుదల చేయబోతున్నట్టు యూనిట్‌ తెలిపింది. ఓ రకంగా ఇదే ఫస్ట్ లుక్‌గా ఉండబోతుందని అంటున్నారు. దీంతో సినిమాపై హైప్‌ అమాంతం పెరిగిపోయింది.
టీజర్‌ పోస్టర్ కోసం అభిమానులు ఈగర్‌గా వెయిట్‌ చేస్తున్నారు. దీన్ని సోషల్‌ మీడియాలో ట్రెండ్‌ చేస్తున్నారు. మరి ప్రభాస్ లుక్‌ ఎలా ఉండబోతుందో అనేది తెలియాలంటే ఒక్క రోజు ఓపిక పట్టాల్సిందే. ఓం రౌత్‌ దర్శకత్వం వహించిన `ఆదిపురుష్‌` చిత్రంలో ప్రభాస్ రాముడిగా కనిపించబోతుండగా, సీతగా కృతిసనన్‌, రావణుడిగా సైఫ్‌ అలీ ఖాన్‌ నటిస్తున్నారు. ఈ చిత్రం పోస్ట్ ప్రొడక్షన్‌ వర్క్ జరుపుకుంటోంది. దీన్ని సంక్రాంతి కానుకగా జనవరి 12న విడుదల చేయబోతున్నారు.