తొలిరోజు ఈ సినిమా ప్రపంచవ్యాప్తంగా దాదాపు రూ.5 కోట్ల గ్రాస్ ని వసూలు చేసిందని సమాచారం. సంక్రాంతి కానుకగా విడుదలైన 'సరిలేరు నీకెవ్వరు', 'అల.. వైకుంఠపురములో' సినిమాలు ఇంకా థియేటర్లలోనే ఉండడంతో 'డిస్కో రాజా'కి సరైన థియేటర్లు దొరకలేదు.
మాస్‌ మహరాజ్‌ రవితేజ హీరోగా విభిన్న చిత్రాల దర్శకుడు వీఐ ఆనంద్ దర్శకత్వంలో తెరకెక్కిన సినిమా 'డిస్కో రాజా'. తాజాగా ఈ సినిమా ప్రేక్షకుల ముందుకు వచ్చింది. ఈ చిత్రానికి మిశ్రమ స్పందన వస్తోంది. అయితే సినిమాపై విడుదలకు ముందు బజ్ ఏర్పడడంతో మంచి ఓపెనింగ్స్ ని రాబట్టింది.
తొలిరోజు ఈ సినిమా ప్రపంచవ్యాప్తంగా దాదాపు రూ.5 కోట్ల గ్రాస్ ని వసూలు చేసిందని సమాచారం. సంక్రాంతి కానుకగా విడుదలైన 'సరిలేరు నీకెవ్వరు', 'అల.. వైకుంఠపురములో' సినిమాలు ఇంకా థియేటర్లలోనే ఉండడంతో 'డిస్కో రాజా'కి సరైన థియేటర్లు దొరకలేదు.
రవితేజ `డిస్కోరాజా` సినిమా రివ్యూ
నైజాంలో అయితే సింగిల్ స్క్రీన్ థియేటర్లు కేవలం అరవై మాత్రమే ఇచ్చారని సమాచారం. థియేటర్లు పెద్దగా ఇవ్వనప్పటికీ రవితేజ సినిమాకి ఈ రేంజ్ లో కలెక్షన్స్ రావడం విశేషమనే చెప్పాలి. రెండు తెలుగు రాష్ట్రాల్లో ఈ సినిమా రూ.3 కోట్ల షేర్ వసూలు చేసింది.
నైజాంలోనే తొలిరోజు కోటి వరకు షేర్ వసూలు చేసినట్లు తెలుస్తోంది. విడుదలకు ముందు ఈ సినిమా రూ.22 కోట్ల బిజినెస్ చేసింది. డిస్ట్రిబ్యూటర్లకు లాభాలు రావాలంటే ఈ సినిమా మరిన్ని వసూళ్లు సాధించాల్సివుంటుంది.
ఈ సినిమాలో రవితేజ డబుల్ రోల్ లో కనిపించారు. తన కెరీర్ లో మొదటిసారి రివెంజ్ స్టోరీకి ఫిక్షన్ జోడించిన కథలో నటించారు. ఈ సినిమాలో పాయల్ రాజ్ పుత్, నభా నటేష్, తాన్యా హాప్ లాంటి హీరోయిన్లు కనిపించారు. సునీల్, వెన్నెల కిషోర్ లు ముఖ్య పాత్రల్లో నటించారు.