విజయ్ ఇంట్లో ఐటీ రైడ్స్.. రూ.65 కోట్లు స్వాధీనం చేసుకున్న అధికారులు!

కోలీవుడ్ నటుడు విజయ్, అన్బు చెలియన్ కు చెందిన 38 చోట్ల ఐటీ అధికారులు సోదాలు నిర్వహించిన సంగతి తెలిసిందే. ఈ దాడుల్లో భాగంగా వారు రూ.65 కోట్లను స్వాదీం చేసుకున్నారు. 

కోలీవుడ్ లో మరోసారి ఐటీ దాడులు కొనసాగుతున్న సంగతి తెలిసిందే.. కోలీవుడ్ నటుడు విజయ్, అన్బు చెలియన్ కు చెందిన 38 చోట్ల ఐటీ అధికారులు సోదాలు నిర్వహించిన సంగతి తెలిసిందే. ఈ దాడుల్లో భాగంగా వారు రూ.65 కోట్లను స్వాదీం చేసుకున్నారు.

ఇంకా లెక్కలు తేలలేదని సమాచారం. గతేడాది విడుదలైన 'బిగిల్' సినిమాకి సంబంధించి పన్ను ఎగవేశారనే ఆరోపణలతో విజయ్ నివాసాలతో పాటు ఈ చిత్రాని తెరకెక్కించిన ఏజీఎస్ సంస్థ కార్యాలయాలు, సంస్థకి చెందిన వ్యక్తుల ఇళ్లల్లోనూ ఐటీ అధికారులు సోదాలు నిర్వహిస్తున్నారు.

అన్బు చెలియన్ కి చెందిన సంస్థలు, మదురైలోని ఆయన నివాసంలో కూడా ఈ సోదాలు జరిగాయి. ఈ క్రమంలో రూ.65 కోట్ల సొమ్ముని స్వాధీనం చేసుకున్నారు. ఇక ఉదయాన్నే విజయ్ ఇంటికి చేరుకున్న ఆఫీసర్స్ నిర్విరామంగా విజయ్ ని విచారిస్తున్నారు.

ఈ క్రమంలో విషయం తెలుసుకున్న అభిమానులు భారీగా విజయ్ నివాసానికి తరలి వస్తున్నారు. బీజేపీ కావాలని హీరోని టార్గెట్ చేసిందని చెబుతున్నారు. గతంలో మూడు సార్లు విజయ్ సినిమాల్లో బీజేపీ కి కౌంటర్ ఇచ్చే విధంగా డైలాగ్స్ చెప్పారు.   ప్రస్తుతం ఈ న్యూస్ కోలీవుడ్ మీడియాలో హాట్ టాపిక్ గా మారింది.