ICC World cup 2023: టీమిండియా స్పిన్ మాయాజాలం! చెన్నైలో కుప్పకూలిన ఆస్ట్రేలియా, టీమిండియా ముందు..
By Chinthakindhi Ramu | First Published Oct 8, 2023, 6:00 PM ISTIndia vs Australia: 46 పరుగులు చేసిన స్టీవ్ స్మిత్, 41 పరుగులు చేసిన డేవిడ్ వార్నర్.. 3 వికెట్లు తీసిన రవీంద్ర జడేజా.. 199 పరుగులకి ఆస్ట్రేలియా ఆలౌట్..
ఐసీసీ వన్డే వరల్డ్ కప్‌లో భాగంగా చెన్నై వేదికగా ఆస్ట్రేలియాతో జరుగుతున్న వన్డేలో భారత బౌలర్ రవీంద్ర జడేజా మ్యాజిక్ భలేగా వర్కవుట్ అవుతోంది. టాస్ గెలిచి బ్యాటింగ్ ఎంచుకున్న ఆస్ట్రేలియా, 49.3 ఓవర్లలో 199 పరుగులకి ఆలౌట్ అయ్యింది..
తొలి ఓవర్‌లో 1 పరుగు మాత్రమే ఇచ్చిన జస్ప్రిత్ బుమ్రా, ఇన్నింగ్స్ మూడో ఓవర్‌లో వికెట్ తీసి... వన్డే వరల్డ్ కప్‌ టోర్నీని ఘనంగా ఆరంభించాడు. 6 బంతులు ఆడిన మిచెల్ మార్ష్, జస్ప్రిత్ బుమ్రా బౌలింగ్‌లో విరాట్ కోహ్లీ పట్టిన స్టన్నింగ్ క్యాచ్‌కి అవుట్ అయ్యాడు. వరల్డ్ కప్‌ మ్యాచ్‌లో ఆసీస్ ఓపెనర్‌ని డకౌట్ చేసిన మొదటి భారత బౌలర్‌గా నిలిచాడు మిచెల్ మార్ష్..
Latest Videos
undefined
డేవిడ్ వార్నర్, స్టీవ్ స్మిత్ కలిసి రెండో వికెట్‌కి 69 పరుగుల భాగస్వామ్యం నెలకొల్పారు. వన్డే వరల్డ్ కప్‌లో అత్యంత వేగంగా 1000 పరుగులు చేసిన బ్యాటర్‌గా సచిన్ టెండూల్కర్, ఏబీ డివిల్లియర్స్ రికార్డులు బ్రేక్ చేశాడు డేవిడ్ వార్నర్..
52 బంతుల్లో 6 ఫోర్లతో 41 పరుగులు చేసిన డేవిడ్ వార్నర్, కుల్దీప్ యాదవ్ బౌలింగ్‌లో అతనికే క్యాచ్ ఇచ్చి అవుట్ అయ్యాడు. 71 బంతుల్లో 5 ఫోర్లతో 46 పరుగులు చేసిన స్టీవ్ స్మిత్‌ని రవీంద్ర జడేజా క్లీన్ బౌల్డ్ చేశాడు. అంతర్జాతీయ క్రికెట్‌లో రవీంద్ర జడేజా బౌలింగ్‌లో స్టీవ్ స్మిత్ అవుట్ కావడం ఇది 11వ సారి.
41 బంతుల్లో ఓ ఫోర్‌తో 27 పరుగులు చేసిన మార్నస్ లబుషేన్ కూడా రవీంద్ర జడేజా బౌలింగ్‌లో కెఎల్ రాహుల్‌కి క్యాచ్ ఇచ్చి అవుట్ అయ్యాడు..
క్లియర్‌గా అవుటైనా డీఆర్‌ఎస్ తీసుకుని ఓ రివ్యూని వృథా చేశాడు లబుషేన్. అదే ఓవర్‌లో అలెక్స్ క్యారీ ఎల్బీడబ్ల్యూగా పెవిలియన్ చేరాడు. రెండు బంతులాడిన అలెక్స్ క్యారీ డకౌట్ అయ్యాడు.
25 బంతుల్లో ఓ ఫోర్‌తో 15 పరుగులు చేసిన గ్లెన్ మ్యాక్స్‌వెల్‌ని కుల్దీప్ యాదవ్ క్లీన్ బౌల్డ్ చేశాడు. ఆ తర్వాతి ఓవర్‌లో కామెరూన్ గ్రీన్‌ని రవిచంద్రన్ అశ్విన్ అవుట్ చేశాడు. 20 బంతుల్లో 8 పరుగులు చేసిన కామెరూన్ గ్రీన్, అశ్విన్ బౌలింగ్‌లో హార్ధిక్ పాండ్యాకి క్యాచ్ ఇచ్చి అవుట్ అయ్యాడు.
140 పరుగులకే 7 వికెట్లు కోల్పోయింది ఆస్ట్రేలియా. 24 బంతుల్లో ఓ ఫోర్, ఓ సిక్సర్‌తో 15 పరుగులు చేసిన ఆసీస్ కెప్టెన్ ప్యాట్ కమ్మిన్స్, జస్ప్రిత్ బుమ్రా బౌలింగ్‌లో శ్రేయాస్ అయ్యర్ పట్టిన క్యాచ్‌కి పెవిలియన్ చేరాడు.
20 బంతుల్లో 6 పరుగులు చేసిన ఆడమ్ జంపా, హార్ధిక్ పాండ్యా బౌలింగ్‌లో విరాట్ కోహ్లీకి క్యాచ్ ఇచ్చి అవుట్ అయ్యాడు. మిచెల్ స్టార్క్ 35 బంతుల్లో 2 ఫోర్లు, ఓ సిక్సర్‌తో 28 పరుగులు చేసి ఆస్ట్రేలియా స్కోరును 200 మార్కుకి దగ్గరగా చేర్చాడు. ఆస్ట్రేలియా బ్యాటర్లు ఆఖరి 3 వికెట్లకు 59 పరుగులు జోడించడం విశేషం.
భారత బౌలర్లలో జస్ప్రిత్ బుమ్రా 10 ఓవర్లలో 35 పరుగులిచ్చి 2 వికెట్లు పడగొట్టాడు. అశ్విన్‌కి ఓ వికెట్ దక్కగా కుల్దీప్ యాదవ్ 2, రవీంద్ర జడేజా 3 వికెట్లు తీశారు. సిరాజ్, హార్ధిక్ పాండ్యాలకు చెరో వికెట్ దక్కింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి