కరోనాఎఫెక్ట్ :హిందూ మహిళ మృతి, పాడె మోసిన ముస్లింలు
By narsimha lode | First Published Apr 8, 2020, 1:48 PM ISTకరోనా లాక్‌డౌన్ నేపథ్యంలో వాహన సౌకర్యం లేకపోవడంతో 65 ఏళ్ల హిందూ వృద్దురాలి అంత్యక్రియలకు స్థానిక ముస్లిం యువకులు సహాయం చేశారు. ఈ ఘటన మత సామరస్యానికి ప్రతీకగా నిలిచాయి
ఇండోర్:కరోనా లాక్‌డౌన్ నేపథ్యంలో వాహన సౌకర్యం లేకపోవడంతో 65 ఏళ్ల హిందూ వృద్దురాలి అంత్యక్రియలకు స్థానిక ముస్లిం యువకులు సహాయం చేశారు. ఈ ఘటన మత సామరస్యానికి ప్రతీకగా నిలిచాయి. ఈ అంత్యక్రియల పోటోలు, వీడియోలు సోషల్ మీడియాలో వైరల్ గా మారాయి.
మధ్యప్రదేశ్ రాష్ట్రంలోని ఇండోర్ పట్టణంలో 65 ఏళ్ల మహిళ మృతి చెందింది. అంత్యక్రియల కోసం ఆమె మృతదేహాన్ని రెండున్నర కిలోమీటర్ల దూరంలో స్మశాన వాటికకు తీసుకెళ్లాల్సి ఉంది.
Latest Videos
also read;విషాదం:గుజరాత్‌లో కరోనాతో 14 నెలల బాలుడి మృతి
అయితే కరోనా లాక్ డౌన్ నేపథ్యంలో వాహనాలు ఏవీ కూడ అందుబాటులో లేవు. దీంతో స్థానికంగా ఉన్న ముస్లిం యువత ఆ మహిళ పాడె మోసేందుకు ముందుకు వచ్చారు. ఆ మహిళ కొడుకులతో పాటు ముస్లిం యువత తమ ముఖానికి మాస్కులను ధరించి మహిళ పాడెను స్మశాన వాటిక వద్దకు మోసుకెళ్లారు.
దీర్ఘకాలంగా అనారోగ్య సమస్యలతో ఈ మహిళ సోమవారం నాడు మృతి చెందింది. ఆమెకు ఇద్దరు కొడుకులు ఉన్నారు. లాక్ డౌన్ ,కరోనా దృష్ట్యా మృతురాలి బంధువుల కూడ అంత్యక్రియల్లో పాల్గొనేందుకు భయపడ్డారని స్థానికులు చెప్పారు.
ఆ మహిళ ఇద్దరు కొడుకులతో పాటు స్థానికంగా ఉన్న ముస్లిం యువకులు పాడెను తమ భుజాలపై మోసుకొంటూ వెళ్లారు. తమ చిన్నప్పటి నుండి ఆ మహిళను చూస్తున్నామని.... ఇలాంటి సమయంలో ఆ కుటుంబానికి సహాయంగా నిలవాని భావించామని పాడెను మోసిన ముస్లిం యువకులు చెప్పారు.
కాంగ్రెస్ పార్టీ సీనియర్ నేత, మాజీ ముఖ్యమంత్రి కమల్ నాథ్ ముస్లిం యువకులను అభినందించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి