ఇకపై ఐఫోన్ లో కూడా టైప్ సి చార్జింగ్ పోర్ట్...యాపిల్ వైఖరిలో మార్పునకు కారణం ఇదే..

త్వరలోనే ఐఫోన్ లో కూడా టైప్ సి చార్జింగ్ పోర్టును ప్రవేశ పెట్టేందుకు యాపిల్ సన్నాహాలు చేస్తోంది. దీంతో ఇంత కాలం చార్జింగ్ సమస్యను ఎదుర్కొన్న ఐఫోన్ వినియోగదారులకు ఇదొక శుభవార్త అనే చెప్పాలి.

ఊరందరిదీ ఒక దారి.. ఉలిపికట్టెది మరో దారి అన్న చందంగా ఐఫోన్ వినియోగదారులకు చార్జింగ్ పోర్ట్ విషయంలో ఇబ్బందులకు ఉండేవి. ఎందుకుంటే ఐ ఫోన్ ఛార్జింగ్ పోర్ట్ ఇతర ఫోన్ లో కన్నా చాలా భిన్నంగా ఉంటుంది.  ఈ ఫోన్ లలో ఐ ఫోన్ చార్జర్ తప్ప మరే ఇతర చార్జర్ పని చేయదు. ఇతర ఆండ్రాయిడ్ ఫోన్‌ లకు భిన్నంగా ఉండటం మాత్రమే కాదు. బదులుగా, ఛార్జర్‌ సహా  ఐఫోన్‌ ఉపకరణాలు భిన్నంగా ఉంటాయి. తరచుగా ఐఫోన్ వినియోగదారులు దీని కోసం కూడా ఇబ్బందులను ఎదుర్కోవలసి ఉంటుంది. అయితే ఇప్పుడు ఐఫోన్ వినియోగదారుల ఈ అతిపెద్ద ట్రబుల్ ముగిసినట్లు కనిపిస్తోంది.

ఆపిల్ ఎగ్జిక్యూటివ్ గ్రెగ్ జోస్వియాక్ కొత్త ఐఫోన్‌ లో ఇకపై త్వరలో USB-C ఛార్జింగ్ పోర్ట్‌ను ఉపయోగించనున్నట్లు ధృవీకరించారు. ఇటీవల యూరోపియన్ మార్కెట్  కొత్త చట్టాన్నిఅమలులోకి వచ్చింది, అన్ని రకాల స్మార్ట్ ఫోన్లకు USB-C రకం ఛార్జింగ్ పోర్ట్, డేటా బదిలీకి ఉపయోగించాలని చట్టం చేసింది. 

యాపిల్ ఒత్తిడికి తలొగ్గింది
కొత్త సాధారణ ఛార్జర్ నియమాల ఆధారంగా Apple ఇప్పటికీ ప్రాథమికంగా విభేదిస్తున్నప్పటికీ, ఈ కొత్త నియమానికి కట్టుబడి ఉంటుందని టెక్ దిగ్గజం ధృవీకరించింది. ప్రపంచవ్యాప్త మార్కెటింగ్‌కు చెందిన కంపెనీ సీనియర్ వైస్ ప్రెసిడెంట్ జోస్వియాక్ ఈ వార్తను ధృవీకరించారు. USB-C ఛార్జింగ్ పోర్ట్‌ ప్రపంచంలోనే అత్యంత ప్రజాదరణ పొందిన కనెక్టర్‌ అని జోస్వియాక్ తెలిపారు, ఒక బిలియన్ కంటే ఎక్కువ మంది ప్రజలు ఈ చార్జర్ లను ఉపయోగిస్తున్నారు.

ఈ ఆపిల్ పరికరాలు USB టైప్-సి పోర్ట్‌ తో మార్కెట్లోకి వస్తాయి…
Apple పరికరాలు ఏవీ USB-C పోర్ట్‌తో రాలేదని చెప్పడం తప్పు. Apple ఇప్పటికే దాని Mac, iPad టాబ్లెట్‌ ను USB-C పోర్ట్‌లతో తయారు చేయడం ప్రారంభించింది. 2023 నుండి ఐఫోన్ 15లో యూనివర్సల్ ఛార్జింగ్ పోర్ట్, ఎంట్రీ-లెవల్ ఐప్యాడ్ ఎయిర్‌పాడ్స్ ఛార్జింగ్ కేసుల్లో కూడా USB టైప్-సి పోర్ట్‌ చేర్చాలని భావిస్తున్నారు.

కామన్ ఛార్జర్ విధానాన్ని భారతదేశంలో కూడా అమలు చేయవచ్చు
కొన్ని మీడియా నివేదికల ప్రకారం, కామన్ ఛార్జర్ నియమాన్ని త్వరలో భారతదేశంలో అమలు చేయవచ్చని భావిస్తున్నారు.