2023 నూతన సంవత్సరంలో బ్యాంకు సెలవుల లిస్ట్ ఇదే, ఏఏ నెలలో ఎన్ని సెలవులు ఉన్నాయో తెలుసుకోండి..?

2023 రాకకు మరికొన్ని రోజులు మిగిలి ఉన్నాయి. కొత్త సంవత్సరాన్ని స్వాగతించడంతోపాటు ఆ సంవత్సరంలో ఏం చేయాలనేదానిపై ప్రణాళిక రూపొందించుకోవడం కూడా ముఖ్యం. అదేవిధంగా కొత్త సంవత్సరంలో బ్యాంకులకు ఏయే రోజులు సెలవులు ఉంటాయో తెలుసుకుంటే బ్యాంకుకు సంబంధించిన పనులు పూర్తి చేసేందుకు ఎలాంటి ఆటంకం ఉండదు.

2022కి వీడ్కోలు పలుకుతూ 2023 కొత్త సంవత్సరానికి స్వాగతం పలికేందుకు ప్రపంచం సిద్ధమైంది. ఈ సంవత్సరం మనం ఏమి చేశామో సమీక్షించుకుని, వచ్చే ఏడాదికి ఏమి ప్లాన్ చేయాలో నిర్ణయించుకోవాల్సిన సమయం ఇది. కొత్త సంవత్సరంలో మన దైనందిన జీవితాన్ని ప్రభావితం చేసే మార్పుల గురించి కూడా తెలుసుకోవడం చాలా ముఖ్యం. కొత్త సంవత్సరంలో ఏయే రోజుల్లో ప్రభుత్వ సెలవులు ఉంటాయో ప్రభుత్వం సెలవుల జాబితాను విడుదల చేస్తుంది. 

అలాగే, బ్యాంకు సెలవుల గురించిన సమాచారాన్ని తెలసుకుకోవడం మంచిది. సెలవు జాబితాలోని అన్ని సెలవులు అన్ని రాష్ట్రాల్లోని బ్యాంకులకు వర్తించవు. ఆయా ప్రాంతీయ వేడుకలు, పండుగల ప్రకారం సెలవులు ఇవ్వబడతాయి. అయితే, దేశవ్యాప్తంగా ఉన్న అన్ని బ్యాంకులకు పబ్లిక్, గెజిటెడ్ సెలవులు మాత్రమే వర్తిస్తాయి. ఆదివారం, రెండవ మరియు నాల్గవ శనివారాలు దేశవ్యాప్తంగా అన్ని బ్యాంకులు మూసివేయబడతాయి. 

బ్యాంకులకు సెలవులను ఆర్‌బీఐ మూడు కేటగిరీలుగా విభజించింది. 1.నెగోషియబుల్ ఇన్‌స్ట్రుమెంట్స్ యాక్ట్ కింద సెలవు, 2.నెగోషియబుల్ ఇన్‌స్ట్రుమెంట్స్ యాక్ట్ మరియు రియల్-టైమ్ గ్రాస్ సెటిల్‌మెంట్ సెలవులు మరియు 3.ఖాతాల ముగింపు సెలవులు. RBI సెలవు జాబితాలోని సెలవులు ప్రభుత్వ రంగ, ప్రైవేట్ రంగ, విదేశీ బ్యాంకులు, సహకార బ్యాంకులు మరియు ప్రాంతీయ బ్యాంకులకు వర్తిస్తాయి.  బ్యాంకు సెలవుల్లో ఆన్‌లైన్ లావాదేవీలు మరియు ATM లావాదేవీలు ప్రభావితం కావు. 

బ్యాంక్ హాలిడే 2023

జనవరి 1: ఆదివారం; నూతన సంవత్సరం మొదటి రోజు
జనవరి 23: నేతాజీ సుభాష్ చంద్రబోస్ జయంతి
జనవరి 26: గణతంత్ర దినోత్సవం
ఫిబ్రవరి 5: గురు రవిదాస్ జయంతి
ఫిబ్రవరి 18: మహాశివరాత్రి
మార్చి 8: హోలీ
మార్చి 22: ఉగాది
మార్చి 30: రామ నవమి
ఏప్రిల్ 4: మహావీర్ జయంతి
ఏప్రిల్ 7: గుడ్ శుక్రవారం
ఏప్రిల్ 14: డా. అంబేద్కర్ జయంతి
ఏప్రిల్ 22: ఈద్-ఉల్-ఫితర్
మే 1: మే డే/కార్మిక దినోత్సవం
మే 5: బుధ పూర్ణిమ
జూన్ 29: బక్రీద్/ఈద్ అల్ అధా
జూలై 29: ముహర్రం
ఆగస్టు 15: స్వాతంత్ర్య దినోత్సవం
ఆగస్టు 16: పార్సీ నూతన సంవత్సరం
ఆగస్టు 31: రక్ష బంధన్
సెప్టెంబర్ 7: కృష్ణ జన్మాష్టమి
సెప్టెంబర్ 19: గణేష్ చతుర్థి
సెప్టెంబర్ 28: ఈద్-ఎ-మిలాద్
అక్టోబర్ 2: గాంధీ జయంతి
అక్టోబర్ 21: మహా సప్తమి
అక్టోబర్ 22: మహా అష్టమి
అక్టోబర్ 23: మహా నవమి
అక్టోబర్ 24: విజయ దశమి
నవంబర్ 12: దీపావళి
నవంబర్ 13: దీపావళి
నవంబర్ 15: బాయి దుజ్
నవంబర్ 27: గురు నానక్ జయంతి
డిసెంబర్ 25: క్రిస్మస్