stockmarket holidays:మహాశివరాత్రి సందర్భంగా నేడు స్టాక్ మార్కెట్ క్లోజ్, ఈ సంవత్సరం హాలిడేస్ లిస్ట్ ఇదే..

ఈ రోజు మహాశివరాత్రి సందర్భంగా నేడు స్టాక్ మార్కెట్ మూసివేయబడింది. దీనితో పాటు ఈ సంవత్సరం 2022 లో మొత్తం 13 రోజుల పాటు స్టాక్ మార్కెట్‌లో ట్రేడింగ్ ఉండదని గమనించాలి. మార్చి నెల సెలవుల గురించి చెప్పాలంటే మొదటి సెలవు నేడు, రెండవ సెలవు మార్చి 18న హోలీ సందర్భంగా ఉంటుంది.   

నేడు మంగళవారం మహాశివరాత్రి సందర్భంగా భారతీయ స్టాక్ మార్కెట్‌లో ఎలాంటి ట్రేడింగ్ ఉండదు, అంటే ఈరోజు బి‌ఎస్‌ఈ, ఎన్‌ఎస్‌ఈలు మూసివేసి ఉంటాయి. బిఎస్‌ఇ వెబ్‌సైట్ ప్రకారం, ఈక్విటీ సెగ్మెంట్, ఈక్విటీ డెరివేటివ్స్ సెగ్మెంట్, ఎస్‌ఎల్‌బి సెగ్మెంట్‌లో ట్రేడింగ్ ఉండదు. విశేషమేమిటంటే, సోమవారం బాంబే స్టాక్ ఎక్స్ఛేంజ్ 30 షేర్ల సెన్సెక్స్ 389 పాయింట్ల లాభంతో 56,247 వద్ద, నేషనల్ స్టాక్ ఎక్స్ఛేంజ్ నిఫ్టీ 129 పాయింట్ల లాభంతో 16,787 వద్ద ముగిశాయి.

మార్చిలో రెండు సెలవులు
మార్చి నెలలో రెండు రోజుల పాటు స్టాక్ మార్కెట్లకు సెలవు ఉండటం గమనార్హం. మొదటి సెలవు నేడు మార్చి 1న కాగా, రెండో సెలవు హోలీ పండుగ కారణంగా మార్చి 18న ఉంటుంది. 18 మార్చి 2022న కూడా ఎన్‌ఎస్‌ఈ, బి‌ఎస్‌ఈలలో ట్రేడింగ్ ఉండదు. బి‌ఎస్‌ఈ వెబ్‌సైట్ ప్రకారం, 2022 సంవత్సరం గురించి మాట్లాడినట్లయితే ఈ సంవత్సరం స్టాక్ మార్కెట్ సెలవులు జనవరి 26న అంటే రిపబ్లిక్ డే సందర్భంగా ప్రారంభమయ్యాయి. ఈ సంవత్సరం చివరి స్టాక్ మార్కెట్ సెలవుదినం 8 నవంబర్ 2022న గురునానక్ జయంతి సందర్భంగా ఉంటుంది. 

భారతీయ స్టాక్ ఎక్స్ఛేంజీలు ప్రకటించిన 2022 సంవత్సరానికి స్టాక్ మార్కెట్ సెలవుల జాబితా ప్రకారం, ఈ సంవత్సరం 13 రోజుల సెలవు ఎన్‌ఎస్‌ఈ, బి‌ఎస్‌ఈలలో శని, ఆదివారాలు మినహా మొత్తం సంవత్సరంలో 13 రోజులు ట్రేడింగ్ జరగదు. 2022లో జనవరి 26 తర్వాత స్టాక్ మార్కెట్ మొదటి సెలవు  మార్చి నెల మహాశివరాత్రి తరువాత హోలీ. ఈ సెలవులు మార్చి 1 ఇంకా మార్చి 18న ఉంటాయి. 

ఏప్రిల్‌లో  సెలవులు
ఏప్రిల్ నెలలో రెండు సెలవులు ఉంటాయి. వీటిలో మహావీర్ జయంతి / డాక్టర్ బాబాసాహెబ్ అంబేద్కర్ జయంతి సందర్భంగా ఏప్రిల్ 14న వ్యాపారం ఉండదు, మరుసటి రోజు ఏప్రిల్ 15 2022న గుడ్ ఫ్రైడే కారణంగా స్టాక్ మార్కెట్ మూసివేయబడుతుంది. ఏప్రిల్ 14 ఇంకా 15 వరుసగా గురువారం, శుక్రవారాలు కావడంతో వరుసగా 2 రోజుల పాటు మార్కెట్ మూసివేయబడుతుందని గమనించాలి. ఏప్రిల్ 16, 17 శని, ఆదివారాలు అయినందున ఏప్రిల్‌లో మొత్తం నాలుగు రోజులు స్టాక్ మార్కెట్‌కు వరుస సెలవు ఉంటుంది. 

సెప్టెంబర్-అక్టోబర్‌లో మూడు సెలవులు
మే నెల గురించి మాట్లాడితే ఈద్-ఉల్-ఫితర్ (రంజాన్ ఈద్) 3 మే 2022న ఉండటంతో భారతీయ స్టాక్ మార్కెట్‌కు సెలవు ఉంటుంది. ఈ నెలలో ఈ ఒక్కరోజే స్టాక్ మార్కెట్ సెలవు. అంతేకాకుండా, భారత స్టాక్ మార్కెట్‌లో ఆగస్టు, అక్టోబర్‌లలో  6 సెలవులు ఉంటాయి. మీరు జాబితాను పరిశీలిస్తే, ఆగస్ట్ 2022లో మొహర్రం, స్వాతంత్ర్య దినోత్సవం, గణేష్ చతుర్థి పండుగల కారణంగా  ఆగస్టు 9, 15, 31వ తేదీల్లో స్టాక్ మార్కెట్ సెలవులు ఉంటాయి, అదే విధంగా అక్టోబర్ 2022 నెలలో వరుసగా 5, 24, 26వ తేదీలలో సెలవు ఉంటాయి. దసరా, దీపావళి లక్ష్మీపూజ, దీపావళి బలిప్రతిపాద పండుగల రానుండటంతో మూడు రోజుల పాటు స్టాక్ మార్కెట్‌లో వ్యాపారం ఉండదు. 

ఈసారి ముహూర్త ట్రేడింగ్ అక్టోబర్ 24న
ముహూర్త ట్రేడింగ్ 24 అక్టోబర్ 2022 (దీపావళి-లక్ష్మీ పూజ)న ఉంటుంది. ఆ తర్వాత నవంబర్ 2022 నెలలో గురునానక్ జయంతి  కారణంగా నవంబర్ 8న ఒకే ఒక్కరోజు  స్టాక్ మార్కెట్ సెలవు ఉంటుంది. పైన చెప్పినట్లుగా 2022 సంవత్సరంలో  ఇదే చివరి స్టాక్ మార్కెట్ సెలవు.