Reliance Capital: అనిల్ అంబానీకి చెందిన రిలయన్స్ క్యాపిటల్ షేరులో ఉత్తేజం, ఏకంగా అప్పర్ సర్క్యూట్...కారణం ఇదే

అనిల్ అంబానీకి చెందిన రిలయన్స్ క్యాపిటల్ కొనుగోలు కోసం అదానీ గ్రూపునకు చెందిన అదానీ ఫిన్ సర్వ్ ఆసక్తి చూపుతోంది. దీంతో ఇంట్రాడేలో  రిలయన్స్ క్యాపిటల్ స్టాక్ (Reliance Capital Share Price) షేర్లు ఏకంగా అప్పర్ సర్క్యూట్ ను తాకాయి. అనిల్ అంబానీ కంపెనీని కొనేందుకు అదానీ గ్రూపుతో సహా మరో 14 కంపెనీలు పోటీ పడుతున్నాయి. 

అనిల్ అంబానీ(Anil Ambani)కి చెందిన రిలయన్స్ క్యాపిటల్ స్టాక్ (Reliance Capital Share Price) సోమవారం ప్రారంభ ట్రేడింగ్‌లో అప్పర్ సర్క్యూట్‌ను తాకింది. అదానీ గ్రూప్‌కు చెందిన అదానీ ఫిన్‌సర్వ్  (Adani Finserve), కేకేఆర్ (KKR), పిరమల్ ఫైనాన్స్ (Piramal Finance), పూనావాలా ఫైనాన్స్‌ (Poonawala Finance)తో సహా 14 ప్రధాన కంపెనీలు అనిల్ అంబానీ కంపెనీని కొనుగోలు చేసేందుకు ఆసక్తి చూపాయి. దీంతో కంపెనీ స్టాక్‌లో జంప్‌ కనిపించింది.

బీఎస్ఈలో రిలయన్స్ క్యాపిటల్ షేరు 4.97 శాతం పెరిగి రూ.14.37కి చేరుకుంది. అదే సమయంలో కంపెనీ స్టాక్‌ అప్పర్ సర్క్యూట్ తాకింది. అదేవిధంగా ఎన్‌ఎస్‌ఈలో కంపెనీ షేరు 4.74 శాతం పెరిగి రూ.14.35కి చేరుకుంది.

రిలయన్స్ క్యాపిటల్ కోసం బిడ్ గడువు
అనిల్ అంబానీకి చెందిన కంపెనీ (Reliance Capital) కొనుగోలు కోసం బిడ్డింగ్‌కు ముందుగా మార్చి 11 వరకు గడువు ఉంది. అయితే, ఈ వ్యవధిని తరువాత మార్చి 25 వరకు పొడిగించారు. ఇప్పటి వరకూ అందిన వార్తల ప్రకారం, అనిల్ అంబానీ కంపెనీకి వేలం వేయడానికి సిద్ధంగా ఉన్న కొంతమంది బిడ్డర్ల అభ్యర్థన మేరకు గడువు పొడిగించినట్లు సమాచారం. ఈ బిడ్డర్లు EOIల సమర్పణకు మరింత సమయం కోరారు.

ఈ కంపెనీలు కూడా వేలం వేసాయి
ఆర్ప్‌వుడ్, వార్డే పార్ట్‌నర్స్, నిప్పాన్ లైఫ్, జెసి ఫ్లవర్స్, బ్రూక్‌ఫీల్డ్, ఓక్‌ట్రీ, అపోలో గ్లోబల్, బ్లాక్‌స్టోన్ మరియు హీరో ఫిన్‌కార్ప్ వంటి ఇతర కంపెనీలు మార్చి 11 నాటికి రిలయన్స్ క్యాపిటల్ కోసం Expression of Interest (EoI)ని సమర్పించాయి. Expression of Interestను సమర్పించిన చాలా మంది బిడ్డర్లు మొత్తం కంపెనీ కొనుగోలుకు బిడ్‌లను సమర్పించారు. 

ఆ కంపెనీపై ఆర్బీఐ ఈ చర్య తీసుకుంది
నవంబర్ 29, 2021న, చెల్లింపు డిఫాల్ట్‌లు. పాలనాపరమైన సమస్యల దృష్ట్యా రిలయన్స్ క్యాపిటల్ లిమిటెడ్ (RCL) బోర్డును రిజర్వ్ బ్యాంక్ ఆఫ్ ఇండియా (RBI) భర్తీ చేసింది. ఇది దేశంలో మూడవ అతిపెద్ద నాన్-బ్యాంకింగ్ ఫైనాన్స్ కంపెనీ (NBFC), దీనికి వ్యతిరేకంగా దివాలా ప్రక్రియ ప్రారంభమైంది. Srei Group NBFC, దివాన్ హౌసింగ్ ఫైనాన్స్ కార్పొరేషన్ (DHFL)లపై ఆర్‌బిఐ గతంలో చర్యలు తీసుకుంది.