Ola Electric: అమ్మకాలు తగ్గినా మార్కెట్లో నంబర్ 1 ఆ ఎలక్ట్రిక్ స్కూటరే

ఫిబ్రవరిలో ఆ కంపెనీ ఎలక్ట్రిక్ స్కూటర్ల అమ్మకాలు పడిపోయాయి. గత ఏడాదితో పోలిస్తే చాలా తక్కువ శాతం సేల్ అయ్యాయి. అయితే మాత్రం ఎక్కువ మార్కెట్ వాటా సొంతం చేసుకొని మళ్లీ నంబర్ వన్ స్థానాన్ని కైవసం చేసుకుంది. ఆ ఎలక్ట్రిక్ కంపెనీ, స్కూటర్ల ప్రత్యేకతలు తెలుసుకుందాం.   

Ola Electric: ఓలా ఎలక్ట్రిక్ 2025 ఫిబ్రవరి నెల అమ్మకాల లెక్కలు రిలీజ్ చేసింది. 2025 ఫిబ్రవరిలో ఓలా ఎలక్ట్రిక్ 25,000 యూనిట్లు అమ్మిందని లెక్కలు చెబుతున్నాయి. 2024 ఫిబ్రవరిలో అమ్మిన 33,722 యూనిట్లతో పోలిస్తే ఇది 25.86 శాతం తక్కువ. దీని ప్రకారం ఏడాదికి ఈ కంపెనీ అమ్మకాలు 25.86 శాతం పడిపోయాయి. అదే టైంలో ఏడాదికి అమ్మకాలు తగ్గినా, ఎలక్ట్రిక్ టూవీలర్ సెక్షన్లో 28 శాతం మార్కెట్ వాటాతో బ్రాండ్ లీడింగ్‌లో ఉంది.

వాహనాల రిజిస్ట్రేషన్ ఏజెన్సీలతో అగ్రిమెంట్ కొత్తగా చేసుకోవడం వల్ల, ఫిబ్రవరిలో వాహన్ పోర్టల్‌లో రిజిస్ట్రేషన్ నంబర్లలో కొద్ది రోజులు తక్కువ ఉన్నాయని ఓలా ఎలక్ట్రిక్ చెబుతోంది. ఖర్చు తగ్గించుకోవడానికి, రిజిస్ట్రేషన్ ప్రాసెస్ ఇంప్రూవ్ చేయడానికి ఈ చర్య తీసుకున్నట్లు కంపెనీ చెప్పింది. 2025 జనవరితో పోలిస్తే, అమ్మకాలు దాదాపు ఒకేలా ఉన్నాయి. జనవరిలో కంపెనీ 24,330 యూనిట్లు అమ్మారు. ఎస్1 సిరీస్, 4,000 కంటే ఎక్కువ అమ్మకాలు, సర్వీస్ స్టోర్లు మార్కెట్లో నిలకడగా ఉండటానికి హెల్ప్ చేశాయని ఓలా చెప్పింది.

ఓలా నుంచి మరో రెండు వెహికల్స్ వచ్చాయి 

ఫిబ్రవరిలో ఓలా ఎలక్ట్రిక్ వాళ్ల జెన్ 3 S1 ఎలక్ట్రిక్ స్కూటర్ సిరీస్‌ను రిలీజ్ చేసింది. రూ.79,999 నుంచి రూ.1.70 లక్షల వరకు ఎక్స్-షోరూమ్ ధరతో కంపెనీ స్కూటర్‌ను రిలీజ్ చేసింది. ఈ కంపెనీ మొదటి ఎలక్ట్రిక్ మోటార్ సైకిల్ రోడ్‌స్టర్ ఎక్స్‌ను కూడా రిలీజ్ చేసింది. రూ.74,999 నుంచి రూ.1.55 లక్షల వరకు ఎక్స్-షోరూమ్ ధర ఉంది. ఓలా రోడ్‌స్టర్ ఎక్స్ అమ్మకాలు ఇంకా మొదలు కాలేదు.