New financial year:ఈ 8 రూల్స్ ఏప్రిల్ 1 నుండి మారనున్నాయి.. అవేంటంటే ?

మొదటిసారి ఇల్లు కొనుగోలు చేసేవారికి కూడా పన్ను మినహాయింపు నిబంధనలు మారుతున్నాయి. ఈ మార్పులన్నీ మీ సేవింగ్స్ పై ప్రత్యక్ష ప్రభావాన్ని చూపవచ్చు.   

కొత్త ఆర్థిక సంవత్సరం 2022-23 ఏప్రిల్ 1 నుంచి ప్రారంభం కానుంది. దీనితో పాటు పీఎఫ్ ఖాతా, పోస్టాఫీసు సేవింగ్స్ స్కీమ్, మ్యూచువల్ ఫండ్ ఇన్వెస్ట్‌మెంట్, జీఎస్టీ, మ్యూచువల్ ఫండ్ ఇన్వెస్ట్‌మెంట్‌పై పన్నుకు సంబంధించిన నిబంధనలలో ప్రభుత్వం మార్పులు చేయనుంది. మొదటిసారి ఇల్లు కొనుగోలు చేసేవారికి కూడా పన్ను మినహాయింపు నిబంధనలు మారుతున్నాయి. ఈ మార్పులన్నీ మీ సేవింగ్స్ పై ప్రత్యక్ష ప్రభావాన్ని చూపవచ్చు. 

పి‌ఎఫ్ ఖాతాపై పన్ను
ఏప్రిల్ 1 నుండి, ఇప్పటికే ఉన్న పి‌ఎఫ్ ఖాతాను రెండు భాగాలుగా విభజించవచ్చు, దానిపై కూడా పన్ను విధించబడుతుంది. నిబంధనల ప్రకారం పీఎఫ్ ఖాతాలో రూ.2.5 లక్షల వరకు కంట్రిబ్యూషన్‌పై ఎలాంటి పన్ను ఉండదు. దీని కంటే ఎక్కువ విరాళాలపై వచ్చే వడ్డీపై పన్ను విధించబడుతుంది. 

జి‌ఎస్‌టి ఇ-ఇన్‌వాయిస్
GST కింద ఇ-ఇన్‌వాయిస్ జారీ చేయడానికి సెంట్రల్ బోర్డ్ ఆఫ్ డైరెక్ట్ ట్యాక్సెస్ అండ్ కస్టమ్స్ టర్నోవర్ పరిమితిని 20 కోట్ల రూపాయలకు తగ్గించింది. గతంలో ఈ పరిమితి రూ.50 కోట్లుగా ఉండేది. జీఎస్టీ కొత్త నిబంధనలు ఏప్రిల్ 1 నుంచి అమల్లోకి రానున్నాయి. 

మ్యూచువల్ ఫండ్స్‌
 మ్యూచువల్ ఫండ్స్‌లో పెట్టుబడులకు చెక్, బ్యాంక్ డ్రాఫ్ట్ లేదా ఏదైనా ఇతర భౌతిక మాధ్యమం ద్వారా చెల్లింపులు చేయలేరు. మ్యూచువల్ ఫండ్ లావాదేవీ అగ్రిగేషన్ పోర్టల్ MF యుటిలిటీస్ (MFU) చెక్-డిమాండ్ డ్రాఫ్ట్ చెల్లింపు సౌకర్యాన్ని మార్చి 31 నుండి నిలిపివేస్తోంది. ఏప్రిల్ 1 నుండి మ్యూచువల్ ఫండ్స్‌లో పెట్టుబడి పెట్టడానికి, UPI లేదా నెట్ బ్యాంకింగ్ ద్వారా చెల్లింపు చేయాలి.

పోస్టాఫీసులోని చిన్న పొదుపు పథకాలకు సంబంధించిన నిబంధనలు
పోస్టాఫీసు నిబంధనలు మార్చబోతున్నాయి. పోస్ట్ ఆఫీస్ మంత్లీ ఇన్‌కమ్ స్కీమ్, సీనియర్ సిటిజన్ సేవింగ్స్ అక్కౌంట్ అండ్ టర్మ్ డిపాజిట్ ఖాతాలపై వచ్చే వడ్డీ నేరుగా ఖాతాలో జమ చేయబడుతుంది. వడ్డీ ఇకపై నగదు రూపంలో అందుబాటులో ఉండదు. అందువల్ల ఏప్రిల్ 1 నుంచి పోస్టాఫీసులో పొదుపు ఖాతా లేదా బ్యాంకు ఖాతా తెరవాల్సి ఉంటుంది. 

గృహ కొనుగోలుదారులకు షాక్ 
మొదటిసారి గృహ కొనుగోలుదారులు ఏప్రిల్ 1 నుండి 80EEA ప్రయోజనం పొందలేరు. బడ్జెట్-2021లో, ఈ సెక్షన్ కింద పన్ను మినహాయింపు మార్చి 31 వరకు పొడిగించబడింది. దీని ప్రకారం, ఇంటి విలువ 45 లక్షల కంటే తక్కువ ఉంటే మీరు గృహ రుణ వడ్డీ చెల్లింపుపై 1.50 లక్షల వరకు పన్ను మినహాయింపును పొందవచ్చు. ఇప్పుడు ఈ సదుపాయం ఉండదు.

సీనియర్ సిటిజన్ల కోసం ప్రత్యేక FD పథకం
SBI, ICICI బ్యాంక్, బ్యాంక్ ఆఫ్ బరోడా, HDFC బ్యాంక్ కరోనా కాలంలో ప్రత్యేక ఫిక్స్‌డ్ డిపాజిట్ (FD) పథకాన్ని ప్రారంభించాయి. సీనియర్ సిటిజన్లు ఇందులో ఎక్కువ ప్రయోజనం పొందుతారు. అయితే, HDFC బ్యాంక్ ఇంకా బ్యాంక్ ఆఫ్ బరోడా ఈ పథకాన్ని ఏప్రిల్ 1 నుండి నిలిపివేయవచ్చు. 

క్రిప్టోకరెన్సీలపై  పన్ను
ఏప్రిల్ 1 నుండి, క్రిప్టోకరెన్సీలపై పన్ను నియమాలు కూడా మారవచ్చు. అన్ని వర్చువల్ డిజిటల్ అసెట్స్ లేదా క్రిప్టో ఆస్తులను విక్రయించడం ద్వారా లాభం ఉంటే వాటిపై 30% పన్ను విధించబడుతుందని ఆర్థిక మంత్రి చెప్పారు. అంతేకాకుండా, ఎవరైనా క్రిప్టో అసెట్స్ విక్రయించినప్పుడల్లా దాని విక్రయంలో ఒక శాతం TDS తీసివేయబడుతుంది. 

యాక్సిస్ బ్యాంక్ అండ్ పి‌ఎన్‌బి 
యాక్సిస్ బ్యాంక్ పొదుపు ఖాతాలో కనీస పరిమితిని రూ.10,000 నుండి రూ.12,000కి పెంచాయి. ఉచిత నగదు ఉపసంహరణ  పరిమితిని కూడా బ్యాంక్ నాలుగు సార్లు లేదా రూ. 1.5 లక్షలకు మార్చింది. మరోవైపు, PNB ఏప్రిల్ 4 నుండి పాజిటివ్ పే సిస్టమ్ (PPS) నిబంధనను అమలు చేస్తోంది. దీని కింద రూ. 10 లక్షలు లేదా అంతకంటే ఎక్కువ చెక్కుల కోసం వెరిఫికేషన్ అవసరం.