మెదాంత హాస్పిటల్ చెయిన్ మాతృసంస్థ Global Health IPO ఎంట్రీ అదుర్స్..ఒక్కో షేరుపై రూ. 62 లిస్టింగ్ లాభం..

మెదాంత హాస్పిటల్ చైన్‌ను నిర్వహిస్తున్న గ్లోబల్ హెల్త్ లిమిటెడ్ ఈరోజు స్టాక్ మార్కెట్‌లోకి గ్రాండ్ ఎంట్రీ ఇచ్చింది. కంపెనీ షేర్ల లిస్టింగ్ 19 శాతం ప్రీమియంతో స్టాక్ మార్కెట్‌లో ప్రవేశించింది.. గ్లోబల్ హెల్త్ షేర్లు ఈరోజు నేషనల్ స్టాక్ ఎక్స్ఛేంజ్ (ఎన్‌ఎస్‌ఇ)లో రూ. 401 వద్ద లిస్టయ్యాయి, ఐపిఓ ఇష్యూ ధర రూ.336. అంటే, ఈ షేర్లు 19.35 శాతం ప్రీమియంతో స్టాక్ మార్కెట్‌లో లిస్ట్ అయ్యాయి.  

Medanta బ్రాండ్‌తో ఆసుపత్రులను నిర్వహించే , నిర్వహించే సంస్థ అయిన Global Health Limited షేర్లు ఈరోజు స్టాక్ మార్కెట్లో లిస్ట్ అయ్యాయి. అయితే గ్రే మార్కెట్ లో ఊహించిన విధంగానే గ్లోబల్ హెల్త్ లిమిటెడ్ ఐపీవో బలమైన లిస్టింగ్‌ ను సొంతం చేసుకుంది.  కంపెనీ షేర్లు బిఎస్‌ఇలో రూ. 398.2 వద్ద లిస్ట్ అవగా, ఎన్‌ఎస్‌ఇలో ఈ స్టాక్ రూ.401 వద్ద లిస్టైంది. ఈ IPO కోసం రూ. 319-336 ధర బ్యాండ్ నిర్ణయించారు. అంటే అప్పర్ ప్రైస్ బ్యాండ్ ప్రకారం ఒక్కో షేరుపై ఇన్వెస్టర్లు రూ.62 లాభాన్ని ఆర్జించారు, అంటే దాదాపు 19 శాతం లాభాలను ఇన్వెస్టర్లు పొందారు. 

ఐపీఓకు ఇన్వెస్టర్ల నుంచి మంచి స్పందన లభించింది
ఈ ఐపీఓకు ఇన్వెస్టర్ల నుంచి మంచి స్పందన లభించింది. రూ.2206 కోట్ల ఈ ఐపీఓ చివరి రోజున 9.58 సార్లు సబ్‌స్క్రైబ్ అయింది. గ్లోబల్ హెల్త్ , IPO నవంబర్ 3న సబ్ స్క్రిప్షన్  కోసం తెరచుకోగా, నవంబర్ 9న ముగిసింది. దీని కింద, మొత్తం షేర్లలో 50 శాతం క్వాలిఫైడ్ ఇనిస్టిట్యూషనల్ బయ్యర్స్ (QIBs) కోసం రిజర్వ్ చేశారు. అదనంగా, అధిక నికర విలువ కలిగిన పెట్టుబడిదారులకు 15 శాతం , రిటైల్ పెట్టుబడిదారులకు 35 శాతం రిజర్వ్ చేశారు. 

కంపెనీ గురించి
 ప్రఖ్యాత కార్డియోవాస్కులర్ , కార్డియోథొరాసిక్ సర్జన్ డా. నరేష్ ట్రెహాన్ గ్లోబల్ హెల్త్ లిమిటెడ్ వ్యవస్థాపకుడు. ఇది మల్టీ-స్పెషాలిటీ హాస్పిటల్ చెయిన్ సంస్థ, ఇది మెదంతా బ్రాండ్‌తో దేశంలోని అనేక ప్రాంతాలలో వైద్య సదుపాయాలను అందిస్తుంది. 

కార్లైల్ గ్రూప్ , టెమాసెక్ వంటి ప్రైవేట్ ఈక్విటీ పెట్టుబడిదారుల భాగస్వామ్యంతో ఏర్పడిన గ్లోబల్ హెల్త్ లిమిటెడ్, మెదాంత బ్రాండ్‌తో దేశంలోని 5 ఆసుపత్రుల నెట్‌వర్క్‌ను నిర్వహిస్తోంది. గురుగ్రామ్, ఇండోర్, రాంచీ, లక్నో, బీహార్ రాజధాని పాట్నాలలో 'మెదాంత' పేరుతో ఈ ఆసుపత్రులు నడుస్తుండగా, ఉత్తరప్రదేశ్‌లోని నోయిడాలో ఆసుపత్రిని నిర్మిస్తున్నారు.

ఇదిలా ఉంటే medanta షేర్లు ప్రస్తుతం 25 శాతం లాభంతో ట్రేడ్ అవుతున్నాయి. దీనిపై ఇన్వెస్టర్లు కూడా బుల్లిష్ గానే ఉన్నారు.  అంతేకాదు Medanta షేర్లు లాంగ్ టర్మ్ లో చక్కటి లాభాలను అందించే అవకాశం ఉందని స్టాక్ మార్కెట్ నిపుణులు సూచిస్తున్నారు. తక్షణ లాభాలు అవసరం లేని వారు,  medanta షేర్ల హోల్డ్ చేయవచ్చని నిపుణుుల సూచిస్తున్నారు.