బికాజీ IPO లిస్టింగ్ బేజారు, స్వల్ప లాభాలతో ఇన్వెస్టర్లకు రుచించని లిస్టింగ్...

బికాజీ ఫుడ్స్ షేర్ల లిస్టింగ్ ఆశించిన స్థాయిలో లేదు. బికాజీ ఫుడ్స్ షేర్లు 7.05 శాతం ప్రీమియంతో బిఎస్‌ఇలో రూ. 321.15 వద్ద లిస్ట్ అయ్యాయి. అదే సమయంలో, కంపెనీ షేర్లు ఎన్‌ఎస్‌ఇలో 7.60 శాతం ప్రీమియంతో రూ.322.80 వద్ద లిస్టయ్యాయి. కంపెనీ IPO ఇష్యూ ఎగువ బ్యాండ్ ధర రూ.300గా నిర్ణయించారు.

బికాజీ ఫుడ్స్ ఐపీవో  స్టాక్ మార్కెట్ లో స్వల్ప లాభాలతో ఎంట్రీ ఇచ్చింది. ఇన్వెస్టర్లకు  షేర్ల లిస్టింగ్‌ సందర్భంగా  అశించనంత లాభాలను పొందలేదు.ఇష్యూ ధర రూ.300 కాగా, బికాజీ ఫుడ్స్ షేర్లు బిఎస్‌ఇలో రూ.321 వద్ద లిస్టింగ్ అయ్యాయి. IPOలో షేర్లు పొందిన పెట్టుబడిదారులు 7 శాతం ప్రీమియం పొందారు. అటు బికాజీ ఫుడ్స్ షేర్లు ఎన్‌ఎస్‌ఇలో రూ. 323 వద్ద లిస్టింగ్ పొందాయి. 

బికాజీ ఫుడ్స్ ఇష్యూ ధర రూ. 300 ఉన్నందున, ఒక్కో షేరుకు రూ. 321 , రూ. 323 వద్ద లిస్టింగ్ జరగడంతో ఇన్వెస్టర్లు ఒక్కో షేర్‌పై రూ. 21 , రూ. 23 లాభాన్ని మాత్రమే పొందారు. ప్రారంభ ట్రేడ్‌లో బికాజీ ఫుడ్స్ షేర్లు ఒక్కో షేరుకు రూ. 330కి చేరాయి. 

IPO కోసం ప్రైస్ బ్యాండ్ బికాజీ ఫుడ్స్ ద్వారా రూ.285 , రూ.300 మధ్య నిర్ణయించారు. ఈ IPO ద్వారా రూ. 881.2 కోట్లను సమీకరించేందుకు కంపెనీ సన్నాహాలు చేస్తోంది. ఐపీఓ కింద ఆఫర్ ఫర్ సేల్ కింద 2.94 కోట్ల షేర్లను విక్రయించారు. బికాజీ ఫుడ్స్ ఇష్యూ పూర్తిగా ఆఫర్ ఫర్ సేల్ (OFS) అంటే అందులో కొత్త షేర్లు ఏవీ విక్రయించలేదు. ఈ ఇష్యూలో ప్రమోటర్లు, ఇన్వెస్టర్లు తమ వాటాను విక్రయించారు. కంపెనీ ప్రధాన ప్రమోటర్లలో శివరతన్ అగర్వాల్ , దీపక్ అగర్వాల్ తమ 25 లక్షల షేర్లను విక్రయించారు. కంపెనీ , ఇష్యూ నవంబర్ 3న ప్రారంభమైంది. నవంబర్ 7న ముగిసింది.  

ఇదిలా ఉంటే మార్కెట్లో బికాజీ ఫుడ్స్ ఐపీఓకు ఇన్వెస్టర్ల నుంచి మంచి స్పందన లభించింది. ఇది నవంబర్ 7న IPO చివరి రోజు వరకు 26.67 సార్లు సబ్‌స్క్రైబ్ అయ్యింది. నేషనల్ స్టాక్ ఎక్స్ఛేంజ్‌లో అందుబాటులో ఉన్న డేటా ప్రకారం, 2.6 కోట్ల షేర్లకు గానూ 55.04 కోట్ల షేర్లు బిడ్లు దాఖలు అయ్యాయి. ఈ IPOలో, కంపెనీలోని రిటైల్ పెట్టుబడిదారులు 4.77 రెట్లు వరకు సబ్ స్క్రిప్షన్ పొందారు. అదే సమయంలో, నాన్-ఇన్‌స్టిట్యూషనల్ ఇన్వెస్టర్ల షేర్ 7.10 రెట్లు , క్వాలిఫైడ్ ఇన్‌స్టిట్యూషనల్ ఇన్వెస్టర్ల షేర్ 80.63 రెట్లు వరకు సబ్‌స్క్రైబ్ అయ్యాయి.