Banks: మీ బ్యాంకు అకౌంట్లో జీరో బ్యాలెన్స్ ఉన్నా, డబ్బులు విత్ డ్రా చేసుకోవచ్చు..ఎలాగో తెలుసుకోండి..

చాలా సార్లు మీ దగ్గర డబ్బు లేకపోతే డబ్బు కోసం తీవ్ర అవస్థలు పడాల్సి వస్తుంది. అలాంటి సమయంలో భయపడవద్దు, మీ ఖాతాలో జీరో బ్యాలెన్స్ ఉన్నప్పటికీ మీరు బ్యాంకు నుండి డబ్బు తీసుకోవచ్చు. దీని కోసం, బ్యాంక్ మీకు ఓవర్‌డ్రాఫ్ట్ సౌకర్యాన్ని అందిస్తుంది.

మీకు చాలా డబ్బు అవసరం అయినప్పుడు మీ బ్యాంకు ఖాతాలో బ్యాలెన్స్ సున్నా  అని తెలిసి కంగారు పడకండి. బ్యాంకు అకౌంట్లో బ్యాలెన్స్ సున్నా ఉన్నప్పటికీ మీరు డబ్బు విత్ డ్రా చేసుకోవచ్చు. ఆ సౌలభ్యం పేరే ఓవర్‌డ్రాఫ్ట్. బ్యాంక్ ఓవర్‌డ్రాఫ్ట్ (Over Draft Facility) సదుపాయాన్ని మీరు ఎలా ఉపయోగించుకోవచ్చో ఈ రోజు తెలుసుకోండి.

ఓవర్‌డ్రాఫ్ట్ సదుపాయాన్ని (Over Draft Facility) స్వల్పకాలిక రుణంగా భావించవచ్చు. దీని ద్వారా ఖాతాదారుడు తన బ్యాలెన్స్ సున్నా అయినప్పుడు కూడా తన ఖాతా నుండి డబ్బును తీసుకోవచ్చు. ఓవర్‌డ్రాఫ్ట్ సౌకర్యం దాదాపు అన్ని ప్రభుత్వ, ప్రైవేట్ బ్యాంకులలో అందుబాటులో ఉంది. చాలా బ్యాంకుల్లో, ఈ సదుపాయం కరెంట్ ఖాతా, సాలరీ అకౌంట్, ఫిక్స్‌డ్ డిపాజిట్‌పై అందుబాటులో ఉంది. కొన్ని బ్యాంకుల్లో షేర్లు, బాండ్లు, జీతం, బీమా పాలసీ, ఇల్లు, ఆస్తి వంటి వాటిపై ఓవర్‌డ్రాఫ్ట్ కూడా అందుబాటులో ఉంటుంది.

ఓవర్‌డ్రాఫ్ట్ పరిమితి ఎంత ఉంటుంది
ఓవర్‌డ్రాఫ్ట్‌లో (Over Draft Facility) మీరు పొందే మొత్తం మీరు ప్లెడ్జ్ చేస్తున్నదానిపై ఆధారపడి ఉంటుంది. ఓవర్‌డ్రాఫ్ట్ కోసం మీరు బ్యాంకుతో ఏదైనా తాకట్టు పెట్టాలి. ఉదాహరణకు, ఫిక్స్‌డ్ డిపాజిట్లు, షేర్లు లేదా ఏదైనా ఇతర విలువైన వస్తువులు. దీని ఆధారంగా మీకు వచ్చే రుణం  కూడా నిర్ణయించబడుతుంది. ఉదాహరణకు, మీరు బ్యాంకులో రూ. 2 లక్షల FD కలిగి ఉంటే, మీరు రూ. 1.50 లక్షల వరకు ఓవర్‌డ్రాఫ్ట్ పొందవచ్చు. షేర్లు, బాండ్లు, డిబెంచర్ల విషయంలో కూడా మీరు వాటి విలువ కన్నా తక్కువ రుణం పొందే వీలుంది. 

రుణంల కోసం ముందు దరఖాస్తు చేసుకోవాలి
సాధారణంగా, బ్యాంకు తన ఖాతాదారులకు ఓవర్‌డ్రాఫ్ట్ సదుపాయాన్ని (Over Draft Facility) తీసుకోవచ్చని సందేశాలు లేదా ఇ-మెయిల్‌ల ద్వారా తెలియజేస్తూనే ఉంటుంది. ఈ ఓవర్‌డ్రాఫ్ట్ (Over Draft) పరిమితిని బ్యాంక్ ఇప్పటికే నిర్ణయించింది. అత్యవసర సమయంలో నగదు అవసరం ఉంటే, మీరు ఇతర రుణాల తరహాలోనే బ్యాంకులో ఓవర్‌డ్రాఫ్ట్ కోసం దరఖాస్తు చేసుకోవాలి. ఓవర్‌డ్రాఫ్ట్ కింద, మీకు అవసరమైన సమయంలో బ్యాంకు నుండి డబ్బు పొందుతారు, కానీ అది ఒక రకమైన రుణం అయితే, మీరు దానిని వడ్డీతో సహా తిరిగి చెల్లించాలి.

ఎవరైనా ఓవర్‌డ్రాఫ్ట్ తీసుకోవచ్చు
ఓవర్‌డ్రాఫ్ట్ సౌకర్యాన్ని ఎవరితోనైనా జాయింట్ గా కూడా పొందవచ్చు. అటువంటి పరిస్థితిలో, డబ్బు చెల్లించే బాధ్యత మీపై మరింత ఎక్కువగా ఉంటుంది. ఇద్దరిలో ఒకరు డబ్బు చెల్లించలేకపోయినా, మరొకరు పూర్తి మొత్తాన్ని చెల్లించాల్సి ఉంటుంది. ఇది కాకుండా, మీరు ఓవర్‌డ్రాఫ్ట్‌ను చెల్లించలేకపోతే, మీరు తాకట్టు పెట్టిన వస్తువుల ద్వారా పరిహారం చెల్లించబడుతుంది. కానీ ఓవర్‌డ్రాఫ్ట్ చేసిన మొత్తం తాకట్టు పెట్టిన వస్తువుల విలువ కంటే ఎక్కువగా ఉంటే, మీరు మిగిలిన మొత్తాన్ని మీరే చెల్లించాలి. బ్యాంకులో సాలరీ అకౌంట్ ఉన్న వారు ఓవర్‌డ్రాఫ్ట్ సులభంగా అందుబాటులో ఉంటుంది. దీని కోసం, మీ ఖాతాలో రెగ్యులర్ 6 జీతం క్రెడిట్‌లను చూపాలి. ఇది కాకుండా, మీరు బ్యాంకులో ఎఫ్‌డిని కలిగి ఉన్నప్పటికీ మీరు సులభంగా ఓవర్‌డ్రాఫ్ట్ పొందవచ్చు.