రూ. 22 లక్షల కోట్ల అప్పుతో దివాలా...ప్రస్తుతం పోలీసుల అదుపులో చైనా కంపెనీ ఎవర్‌గ్రాండే చైర్మన్
By Krishna Adithya | First Published Sep 28, 2023, 4:21 PM ISTహుయ్ కా యాన్‌ను ఎందుకు గృహనిర్బంధంలో ఉంచారనేది ఇప్పటికీ అస్పష్టంగా ఉంది. హుయ్ కా యాన్ ఇతర ప్రదేశాలకు వెళ్లడానికి లేదా అతని ప్రస్తుత స్థానం నుండి ఎవరితోనూ కమ్యూనికేట్ చేయడానికి అనుమతించబడదని పేర్కొన్నారు.
చైనీస్ రియల్ ఎస్టేట్ సంస్థ ఎవర్‌గ్రాండే ఛైర్మన్ పోలీసుల అదుపులో ఉన్నట్లు బ్లూమ్‌బెర్గ్ వార్తా సంస్థ తెలిపింది. ఈ నెల ప్రారంభంలో ఎవర్‌గ్రాండే చైర్మన్ హుయ్ కా యాన్‌ను చైనా పోలీసులు అదుపులోకి తీసుకున్నట్లు సమాచారం. అయితే చైనా పోలీసులు హుయ్ కా యాన్‌ను ఎందుకు గృహనిర్బంధంలో ఉంచారనేది ఇప్పటికీ అస్పష్టంగా ఉంది. హుయ్ కా యాన్ ఇతర ప్రాంతాలకు వెళ్లడానికి లేదా ప్రస్తుత స్థలం నుండి ఎవరితోనూ కమ్యూనికేట్ చేయడానికి అనుమతించబడదని బ్లూంబర్గ్ వార్త నివేదికలో తెలిపింది.
దీంతో ఆ సంస్థ కార్యకలాపాలు ఆగిపోతాయనే ప్రచారం ఎక్కువైంది. ఎవర్‌గ్రాండే అప్పు 300 బిలియన్లు ఉంది. ఇంతకుముందు, చైనా కంపెనీ ఎవర్‌గ్రాండే దివాలా వాదాలతో కోర్టును ఆశ్రయించింది. కంపెనీ దివాలా తీసినందున రక్షణ కోసం డిమాండ్‌తో వచ్చింది. ఎవర్‌గ్రాండే యొక్క దావా US దివాలా కోడ్ సెక్షన్ 15పై ఆధారపడింది. ఇది US-యేతర కంపెనీలకు రక్షణ కల్పిస్తుంది. నష్టాలను పూడ్చుకోవడానికి యునైటెడ్ స్టేట్స్‌లోని కంపెనీ ఆస్తులను స్వాధీనం చేసుకోవాలని రుణదాతలు డిమాండ్ చేయడంతో ఎవర్‌గ్రాండే సంస్థ దివాలా పిటిషన్ దాఖలు చేసింది.
Latest Videos
undefined
ఎవర్‌గ్రాండే సోదర సంస్థలు, టియాంజీ హోల్డింగ్స్, సీనరీ జర్నీ కూడా ఇదే విధమైన రక్షణ కోరుతూ మాన్‌హాటన్ కోర్టును ఆశ్రయించాయి. ఎవర్‌గ్రాండేకి 300 బిలియన్ డాలర్ల బాధ్యత కలిగి ఉంది. చైనా ప్రభుత్వ నూతన విధానం కారణంగా ఎవర్‌గ్రాండే భారీ క్షీణతను ఎదుర్కొంటోంది. చైనా అత్యంత సంపన్నులలో ఒకరైన ఎవర్‌గ్రాండే గ్రూప్ ఛైర్మన్ హుయ్ కా యాన్, కంపెనీ బాధ్యతలను చెల్లించడానికి అన్నింటినీ విక్రయించినందున తన సంపదలో 93 శాతం కోల్పోయాడు.
ఎవర్‌గ్రాండే అనేది 1996లో దక్షిణ చైనాలోని గ్వాంగ్‌జౌలో హుయ్ కా యాన్ చేత స్థాపించబడిన సంస్థ. నిర్మాణ రంగంలో ఉన్న అవకాశాలను కంపెనీ వినియోగించుకోగలిగింది. దీంతో ప్రపంచంలోని 500 అతిపెద్ద కంపెనీల్లో ఎవర్‌గ్రాండే ఒకటిగా అవతరించింది. అయితే పెద్ద మొత్తంలో డబ్బు తీసుకున్న గుత్తాధిపత్య కంపెనీలను నియంత్రించేందుకు చైనా ప్రభుత్వం కొత్త విధానాలను ప్రవేశపెట్టడంతో ఎవర్‌గ్రాండే తన బాధ్యతలను నెరవేర్చుకోవడానికి కష్టపడింది. ఎవర్‌గ్రాండే కంపెనీ బ్యాంకు రుణం 300 బిలియన్ డాలర్ల కంటే ఎక్కువ అంటే 22 లక్షల కోట్లకు పైగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి