Ola నుంచి కొత్త ఎలక్ట్రిక్ స్కూటర్ వచ్చేసింది..ధర, మైలేజ్ తెలిస్తే మెంటల్ రావడం ఖాయం..
By Krishna Adithya | First Published Aug 15, 2023, 11:02 PM ISTప్రముఖ ఎలక్ట్రిక్ టూ-వీలర్ తయారీదారు ఓలా ఎలక్ట్రిక్ ఈరోజు S1X, S1X+, Ola S1 ప్రో స్కూటర్లను విడుదల చేసింది, ఆగస్టు 15 సందర్భంగా కొత్త స్కూటర్లను విడుదల చేసింది. కంపెనీ S1 ప్రోకి 2 కొత్త కలర్ వేరియంట్‌లను జోడించింది.
ఓలా ఎలక్ట్రిక్ తన కొత్త ఎలక్ట్రిక్ స్కూటర్ S1Xని మార్కెట్లోకి పరిచయం చేసింది. ఇది మూడు వేరియంట్లలో కస్టమర్లకు అందుబాటులోకి రానుంది. మీరు కొత్త ఎలక్ట్రిక్ స్కూటర్ కొనాలని ఆలోచిస్తున్నట్లయితే. ఇది మీకు శుభవార్త అనే చెప్పాలి. ఎందుకంటే ఎలక్ట్రిక్ టూ వీలర్ల ప్రపంచంలో తనకంటూ ప్రత్యేక గుర్తింపు తెచ్చుకుంటున్న ప్రముఖ కంపెనీల్లో ఒకటైన ఓలా ఎలక్ట్రిక్ తన S1X స్కూటర్‌ను భారత మార్కెట్లోకి ప్రవేశపెట్టింది. S1X సిరీస్ లో మొత్తం మూడు వేరియంట్‌లను విడుదల చేయనుంది. అవి S1X (2kWh), S1X,S1X ప్లస్. వీటి ధర ఫీచర్ల గురించి తెలుసుకుందాం.
Ola S1X ఎలక్ట్రిక్ స్కూటర్ ధర ఎంత?
మన దేశంలో ఎలక్ట్రిక్ స్కూటర్ల ప్రస్తావన రాగానే ముందుగా గుర్తుకు వచ్చేది ఓలా ఎలక్ట్రిక్ స్కూటర్లే ఎందుకంటే మార్కెట్లో అందరికన్నా ముందే ఈ స్కూటర్లు చాలా పెద్ద హల్ చల్ చేశాయి. సేల్స్ పరంగా చూసినా ఈ స్కూటర్లు ఎక్కువగా అమ్ముడుపోయాయి. అయితే వీటి ధర గురించి చెప్పాలంటే, Ola S1X (2kWh) ధర రూ.89,999గా ఉంది. S1X (3kWh) ధర రూ. 99,999 గా ఉంది. అలాగే S1X ప్లస్ ధర రూ. 1,09,999గా ఉంది. ఈ ధరలు ఎక్స్ షోరూమ్‌వి అని గుర్తించాలి.
Latest Videos
undefined
Ola S1X ఫీచర్లు
Ola S1X బేస్ మోడల్ 2 kWh బ్యాటరీ యూనిట్‌ ప్యాక్ ఇస్తోంది. అయితే మిడ్-స్పెక్ మోడల్ , ప్లస్ మోడల్ వరుసగా 3 kW, 4 kWh బ్యాటరీ యూనిట్‌ ప్యాక్ లతో వస్తున్నాయి. ప్రస్తుతానికి, కంపెనీ వీటి మైలేజ్ గురించి ఇంకా వెల్లడించలేదు. ఇది గరిష్టంగా గంటకు 90 కి.మీ వేగంగా ఈ స్కూటర్లు వెళ్లే అవకాశం ఉంది. దీనితో పాటు, ఈ ఎలక్ట్రిక్ స్కూటర్ డిజిటల్ ఇన్స్ట్రుమెంట్ కన్సోల్, కనెక్టివిటీ ఫీచర్లను కూడా కలిగి ఉంది.
S1X, హార్డ్‌వేర్ ఇతర S1 స్కూటర్ల మాదిరిగానే ఉంటుంది. ఇది అదే టెలిస్కోపిక్ ఫ్రంట్ ఫోర్క్స్ డ్యూయల్ రియర్ స్ప్రింగ్‌లను పొందుతుంది. దీని ఫ్రంట్ ఆప్రాన్‌లో 34-లీటర్ల బూట్ స్పేస్ మరియు స్టోరేజ్ కోసం రెండు క్యూబీలు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి