నిమిషాల్లో 20 లక్షల కోట్లు ఫట్ ! స్టాక్ మార్కెట్ సెన్సెక్స్, నిఫ్టీ భారీ పతనం!
By Ashok kumar Sandra | First Published Jun 4, 2024, 11:31 AM ISTఇవాళ మంగళవారం స్టాక్ మార్కెట్ ప్రారంభంలోనే నాటకీయంగా నష్టాలను చవిచూశాయి. సెన్సెక్స్ 1,708.54 పాయింట్లు లేదా 2.23% క్షీణించి 74,760.24 వద్ద, నిఫ్టీ 488.55 పాయింట్లు లేదా 2.1% క్షీణించి 22,775.35 వద్ద ఉన్నాయి.
పార్లమెంట్ ఎన్నికల ఓట్ల లెక్కింపులో బీజేపీ ఎన్డీఏ కూటమి, I.N.D.I.A కూటమి మధ్య తీవ్ర పోటీ నెలకొంది. దీంతో భారత స్టాక్ మార్కెట్‌లో భారీ పతనం నమోదైంది.
ఇవాళ మంగళవారం స్టాక్ మార్కెట్ ప్రారంభంలోనే నాటకీయంగా నష్టాలను చవిచూశాయి. సెన్సెక్స్ 1,708.54 పాయింట్లు లేదా 2.23% క్షీణించి 74,760.24 వద్ద, నిఫ్టీ 488.55 పాయింట్లు లేదా 2.1% క్షీణించి 22,775.35 వద్ద ఉన్నాయి.
Latest Videos
undefined
ఉదయం 10 గంటల సమయానికి సెన్సెక్స్ 2.16 శాతం క్షీణించి 1,654 పాయింట్ల నష్టంతో 74,814 వద్ద ట్రేడవుతోంది. నిఫ్టీ 509 పాయింట్లు లేదా 1.19% క్షీణించి 22,754 వద్ద ట్రేడ్ అయింది. ట్రేడింగ్ ప్రారంభమైన 20 నిమిషాల్లోనే ఇన్వెస్టర్లు దాదాపు రూ. 20 లక్షల కోట్లను విక్రయించారు.
ఓట్ల లెక్కింపు ప్రారంభమైన గంటలోపే అధికార బీజేపీ కూటమికి గట్టి పోటీ నెలకొనడానికి ఈ డ్రాప్ అద్దం పడుతుందని భావిస్తున్నారు. యూపీలోని వారణాసి నియోజకవర్గంలో నరేంద్ర మోదీ 6000 ఓట్ల తేడాతో ఓడిపోయారు. ఆయన కంటే కాంగ్రెస్ పార్టీకి చెందిన అజయ్ రాయ్ ముందున్నారు.
అంతకుముందు, ఎగ్జిట్ పోల్ అంచనాలతో జూన్ 1న ప్రారంభ ట్రేడింగ్‌లో సెన్సెక్స్ 2,000 పాయింట్లు పెరగడంతో స్టాక్ మార్కెట్ ఇన్వెస్టర్లు ఆనందం వ్యక్తం చేశారు. సెన్సెక్స్ 2038.75 పాయింట్లు పెరిగి 76,000.06 వద్ద ముగియడంతో రోజంతా ట్రెండ్ కొనసాగింది. నిఫ్టీ 620.80 పాయింట్లు పెరిగి 23,151.50 పాయింట్ల వద్ద ముగిసింది. భారత రూపాయితో US డాలర్‌ పోలిస్తే 83.46 గా ఉంది.
బీజేపీ పూర్తి మెజారిటీతో ప్రభుత్వాన్ని ఏర్పాటు చేస్తే, స్టాక్ మార్కెట్లలో పెరుగుదల కనిపిస్తుంది. ప్రస్తుత ఆర్థిక విధానాలు మారే అవకాశం ఉన్నందున పాలనలో మార్పు స్టాక్ ట్రేడింగ్‌లో పతనానికి కారణమవుతుందని కూడా నిపుణులు భావిస్తున్నారు.
ఎన్నికల ఫలితాల తర్వాత ఆర్‌బీఐ రెపో రేటుపై నిర్ణయం తీసుకోనుంది. ఆర్‌బీఐ వడ్డీ రేట్లలో ఎలాంటి మార్పులు చేయదని భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి