మీడియా కథనాల ప్రకారం, టీవీఎస్ ఒక కొత్త బైక్‌ను తీసుకురావడానికి సన్నాహాలు చేస్తోంది. దీని గురించి కంపెనీ ఇంకా ఎటువంటి సమాచారం వెల్లడించలేదు, అయితే నివేదికల ప్రకారం, త్వరలో కొత్త ప్రీమియం సెగ్మెంట్ నేకెడ్ డిజైన్ 310 సిసి బైక్‌ను టివిఎస్ పరిచయం చేయనుంది.
ఇండియాలోని ప్రముఖ ద్విచక్ర వాహనాల తయారీ సంస్థ టివిఎస్ ఒక కొత్త బైక్‌ను త్వరలో భారత మార్కెట్లోకి ప్రవేశపెట్టనుంది. మీడియా నివేదికల ప్రకారం, కంపెనీ ఈ బైక్‌ను ఎప్పుడు ప్రవేశపెట్టనుంది, ఇందులో ఎలాంటి ఫీచర్లను చూడవచ్చు అంటే...
టీవీఎస్ కొత్త బైక్
మీడియా కథనాల ప్రకారం, టీవీఎస్ ఒక కొత్త బైక్‌ను తీసుకురావడానికి సన్నాహాలు చేస్తోంది. దీని గురించి కంపెనీ ఇంకా ఎటువంటి సమాచారం వెల్లడించలేదు, అయితే నివేదికల ప్రకారం, త్వరలో కొత్త ప్రీమియం సెగ్మెంట్ నేకెడ్ డిజైన్ 310 సిసి బైక్‌ను టివిఎస్ పరిచయం చేయనుంది.
ఎప్పుడు ప్రవేశపెట్టవచ్చాంటే
టివిఎస్ మార్చి 3 అండ్ 4 తేదీల్లో గోవాలోని వాగేటర్‌లో రెండు రోజుల పాటు మోటో సోల్ ఈవెంట్‌ను నిర్వహిస్తోంది. ఈ ఈవెంట్‌లోనే కంపెనీ కొత్త బైక్‌ను పరిచయం చేయవచ్చని భావిస్తున్నారు. ఈ కార్యక్రమంలో TVS బైక్ ప్రేమికులు దేశం నలుమూలల నుండి వస్తారని, ఈ సందర్భంగా అనేక కార్యక్రమాలు కూడా నిర్వహించనుంది.
ఆర్‌ఆర్310
ప్రస్తుతం, 310 సిసి ప్రీమియం సెగ్మెంట్‌లో కంపెనీ ఒక బైక్‌ను మాత్రమే అందిస్తోంది. ఈ విభాగంలో కంపెనీకి RR310 ఉంది. ఇందులో 312 సిసి ఫోర్ వాల్వ్ సింగిల్ సిలిండర్ లిక్విడ్ కూల్డ్ రివర్స్ ఇంక్లైన్డ్ ఇంజన్ ఇచ్చారు. ఈ కారణంగా బైక్ 34 PS, గరిష్ట టార్క్ 27.3 న్యూటన్ మీటర్లు, దీనితో సిక్స్-స్పీడ్ గేర్ ట్రాన్స్‌మిషన్ ఇచ్చారు. ఈ కారణంగా బైక్ సున్నా నుండి 100 కిలోమీటర్ల వరకు స్పీడ్ అందుకోవడానికి 7.17 సెకన్లు మాత్రమే పడుతుంది. బైక్ టాప్ స్పీడ్ గంటకు 160 కిలోమీటర్ల వరకు వెళుతుంది.
ధర ఎంతంటే
కొత్త బైక్ గురించి కంపెనీ ఇంకా ఎటువంటి సమాచారాన్ని వెల్లడించలేదు, అయితే మీడియా నివేదికల ప్రకారం దీనిని 310cc ఇంజిన్‌తో పరిచయం చేయవచ్చు. 310 cc విభాగంలో TVS అందిస్తున్న RR310 ధర రూ. 2.65 లక్షలు. అయితే ఈ కొత్త నేక్డ్ బైక్ ధర లాంచ్ సమయంలో దాదాపు రూ. 2.5 లక్షలు ఉండవచ్చు.