బీఆర్ అంబేడ్కర్ కొనసీమ జిల్లాలో ఓ చర్చి ఫాదర్ అసభ్యకరంగా ప్రవర్తించాడు. రోమన్ కాథలిక్ చర్చి ఫాదర్ లైంగికంగా వేధింపులకు పాల్పడుతున్నాడని పలువురు మహిళలు ఆరోపించారు.
బీఆర్ అంబేడ్కర్ కొనసీమ జిల్లాలో ఓ చర్చి ఫాదర్ అసభ్యకరంగా ప్రవర్తించాడు. రోమన్ కాథలిక్ చర్చి ఫాదర్ లైంగికంగా వేధింపులకు పాల్పడుతున్నాడని పలువురు మహిళలు ఆరోపించారు. వివరాలు.. ముమ్మడివరంలోని రోమన్ కాథలిక్ చర్చి ఫాదర్ రాజు దైవ సందేశం పేరుతో ప్రార్థనలు నిర్వహిస్తూ మహిళలను వేధిస్తున్నాడు. రాజు వేధింపులు శృతిమించడంతో మహిళలు ముమ్మడివరం పోలీస్ స్టేషన్ ఫిర్యాదు చేశారు. ఆరు నెలలుగా రాజు అసభ్యంగా ప్రవర్తిస్తున్నాడని ఆరోపించారు. అతడిపై కఠిన చర్యలు తీసుకోవాలని డిమాండ్ చేశారు.
రాజును చర్చి నుంచి తొలగించాలని.. ఇతర చర్చిల్లో కూడా ఉండకూడ చూడాలని మహిళలు కోరారు. ప్రస్తుతం ఈ విషయం స్థానికంగా తీవ్ర చర్చనీయాంశంగా మారింది. చర్చి ఫాదర్ తీరుపై పలువురు ఆగ్రహం వ్యక్తం చేస్తున్నారు. కాగా, ఈ ఘటనకు సంబంధించి పూర్తి వివరాలు తెలియాల్సి ఉంది.